الجدي .. عم تطلع من وضع متعب والأمور نحو الأفضل

الحمل ♈
مهنياً:عم تخف ضغوط عليك وعم ترتاح شوي من مشاكل بالعيلة ومع الشريك .. يوم في حلول بشغل وبالمال واخبار منيحة وممكن شخص او شي مهم عندك وقصص اوراق ومعاملات مالية وممكن يجيك مال عندك التزامات مالية وقصة ميراث للبعض وشي بخص مال من شخص مهم .. فترة رح ترتاح فيا نفسياً بعد فترة كان فيا ركود وتراجع بالعمل .. سهرة ولمة حلوة مع ناس غاليين عليك ..
عاطفياً:يوم منيح واجواء افضل مع الشريك .. المهم لا تخلي حدا يدخل بوضعك وفترة فيها اختبار عاطفي وعم تعيد حسابات وخود وقتك ولا تتسرع .. تدريجي بتزيل الخلافات وبترتاح المهم تعرف كيف تستوعب الشريك وتجيبو لصفك لخلافات مارح تجيب نتيجة ونقاشات هيي الحل الانسب هالفترة ..
صحياً:تجنب الوقوف طويل او العكس وانتبه على المفاصل الرقبة وجهد بالعضلات

الثور ♉
مهنياً:يومك بخص امور مستركة او سفر بخص شغل او دراسة وممكن تتواصل مع شخص بعيد او عقد شغل وحتى البعض ممكن يجي مبلغ اذا عندك شراكة طبعاً .. حاول لا تدخل بمواجهات مع حدا ولا تعمل من الحبة قبة ولا تحسم شي ونصيحة لا توثق بحدا .. في شوية عصبية وانفعال بدك تروق وتستوعب وتساير مابدي تخسر حدا نتبه لكلامك ولتصرفاتك ولأي تصرف مامحسوب حسابه .. شوية هدوء وامورك رايحة للافضل ..
عاطفياً:الاعزب انطر شي حلو قادم وافضل الك مستقبلياً وشراكة جديدة .. المرتبط بحاجة للاستقرار وتستوعب الشريك ولا ترد ع كلامو لان عم يحاول يستفزك ويعصبك .. في ضبابية وتقلب بوضعك ركز و لا تقدم على اي تصرف عاطفي مابدي ياك تنلام او حدا يوجهلك كلام مالازم تسمعوا او عم ينحط الحق عليك روق وهدي ومابدنا نكبر القصص ساير شوي لنمرق هاليومين على خير احسن ماتخسر علاقتك ..
صحياً:حاول تخفف عن حالتك النفسية وتقضي وقت مع رفقاتك وناس بتحبا

الجوزاء ♊
مهنياً:يوم مو مرتاح في عم يكون في ضغط بشعلك وقصص مالية ومصاريف مدري من وين بتطلع .. ممكن يجيك مبلغ بس عندك التزامات .. بتحس الحمل عليك وكلشي بيجي فوق بعضو وبحاجة لحدا يدعمك ويوقف معك رتب امورك ومواعيدك وخلص المهم واهتم بصحتك لان كتر ضغط عم يتعبك صحياً ..أنتبه لعلاقاتك مع رفقاتك وبلا ماتخسر حدا والبعض عندو دفع على اعطال او سيارة وموبايل ..
عاطفياً:الحب عم يتعبك اكتر ماعم يريحك والوضع بدو مين يهتم فيك ويدللك ..حاسك مو ع بعضك وعم يكون في أهمال ولامور بحاجة لحل وحسم عاطفي اكتر .. حاول كتير ترجع العلاقة من جديد لتعيش يوم عاطفي وبادر بالحلول او ممكن تتلقى اتصال بريحك .. في اوقات حلوة ناطرتك ورومنسية لازم تستغلها لتنجح ..
صحياً:انتبه على صحتك عم تحس بألم والبعض في طبيب او مشفى ..

السرطان ♋
مهنياً:يوم حلو وداعم وعم يتحرك وضعك بعد ضغط بالبيت .. حرية وتنقلات وقادر تتواصل وتغير جو وعم تنفرج عليك شوي شوي لان فعلاً تعبت من وضعك ..
في خبر أن شاء الله بكون حلو وفرصة لشغل جديد او شراكة ومال من شريك .. تحسن مالي بس أنتبه لمصاريفك وكلشي رح يتغير لصالحك استقرار وراحة وعم تنشط اجتماعياً ولقاءات وتحركات وبتقدر تقنع واذا في عزيمة لا تتردد..
عاطفياً:فرصة لحب جديد وتطور بعلاقاتك .. يوم بيحملك وعود عاطفية واجواء فيها استقرار ومصالحات في انسجام وتفاهم على بعض الامور وفيك تطلع وتغير جو مع الشريك .. لقاءات مميزة واتصالات وتواصل وحب عم يكبر وشخص قديم بيتواصل معك ..
صحياً:لا تفكر كتير بالوضع ريح حالك واستفيد من طاقتك ..

الأسد ♌
مهنياً:مو مرتاح والوضع بالبيت متعبك ..قصص عائلية او خبر على صعيد العائلي بحاجة لتركيز وأعادة تنظيم لان بتحس ضغط وتوتر من يلي حواليك حاول تبتعد عن الفوضى ومرق هاليومين على خير بلا مشاكل وانفعال مو ناقصك مشاكل ولا تشيل هم المحيط وفكر بحالك وساير .. البعض قصة عقار بتشغلوا او تجهيز او نقل ويمكن بيع عقار وانتبه على صحة ..
عاطفياً:بتعاني ضغوط بحاجة لهدوء بس .. الوضع متقلب عند المتزوج بدي منك لا تعتب على حدا ماكان بيستاهلك ولا تزعل على شي واي قرار مهم بهاليوم حاول تتجنبو وبنصحك تفكر منيح بوضعك اكتر وأنتبه على مستقبلك العاطفي .. الاعزب فترة مهمة مقدم عليها عاطفيا ً..
صحياً:بحاجة لتنتبه لتنظم وقتك الغذائي وخفف تناول الاكل الجاهز وصحة حدا بالعيلة

العذراء ♍
مهنياً:تغيرات بوضعك وانت افضل .. يوم للعلاقات والاتصالات لكتيرة وناس مقربة منك وبلاخص الامور المالية في استقبال وارسال وقصة سيارة او موبايل وعم تعمل شي جديد حلو ع مواقع التواصل .. عندك قدرة ع الأقناع وبتلاقي حلول وسفر قصير واوراق .. والبعض في حركة تجارية وبيع وشراء وعقار ..
عاطفياً:تقارب واتصال داعم والعلاقة تحت الاختبار .. اعطي اهتمام لوضعك العاطفي ولا تكبر المشاكل وفيك تناقش بهدوء وتحكي كلشي جواتك ويمكن بتلاقي حلول وتغيرات بوضعك بعض شيء .. بتفكر بلقاء او جو رومنسي مع شخص قديم او ممكن تبادر بأتصال او تواصل والبعض عندو مفاجئة ..
صحياً:التهابات او كريب وريح حالك من تعب والأرهاق

الميزان ♎
مهنياً:يومك مالي في دفع وقبض ومصاريف على عزائم او سيارة وممكن صحة واذا بحاجة لمبلغ فيك تطلب وتتلقى مساعدة من حدا بالعيلة .. في عزيمة واكل طيب وعم تفكر بمورد جديد تحسن وضعك المالي بعد مصاريف كتيرة بالفترة الاخيرة .. نتبه من الكسل وحاول تستغل طاقتك ولا تستسلم .. تطورات قدامك حافظ على اسقرار وضعك المالي والعائلي لتنجح ..
عاطفياً:حافظ على هدوئك ولا تخلي الملل يسيطر ..
هديلي بمعاملتك لانك بحاجة فعلاً للاستقرار العاطفي حاول تقرب وجهات نظر بعلاقتك وتبدأ بحلول جدية بينك وبينو هاشي بينعكس بشكل ايجابي عليك وعلى محيطك .. مصالحات و علاقات ولقاءات ممكن تتبلور هالفترة وعودة روح لعلاقتك بانسجام اكتر ..
صحياً:امورك منيحة ورفه عن نفسك ونام منيح ..
ولا تشغل بالك بالتفكير المستمر ..

العقرب ♏
مهنياً:من الايام الحلوة وداعمة الك حظ وطاقة واخبار وحلول لوضعك المهني ومالي وفكرة سفر وفي قصة سيارة او موبايل .. يوم بترتاح في من ضغط مالي عائلي ثقة بترجعلك وعم تقلب الامور لصالحك.. اجواء حلوة اتصال مهم وتنقلات واجواء اجتماعية وممكن عم تتسوق وتشتري وتعمل تغييرات بشكلك ..
عاطفياً:حدد خياراتك واستغل يومك في تنازل واعتذار … خبر بيسعدك بعلاقتك واحساس جديد و تحسن وراحة واستقرار وممكن تأسس لمرحلة عاطفية حلوة واجواء بتكون لصالحك وفي شغف عاطفي .. الاعزب تطورات حلوة لصالحك وحب بدق بابك ..
صحياً:بدك تنتبهلي على صحتك بهاليوم بعدو الوضع بدو اهتمام وحذر لترتاح ..

القوس ♐
مهنياً: لا تحسم شي بيوم ضعيف الحظ نتبه لقراراتك والتزم بالامور المهمة وضرورية .. بعرف تعبان من ناس الحواليك وفي تعب ونكد بشغلك وبيتك وعلاقاتك مع المسؤولين والمقربين نتبه والحذر واجب احسن ماتتسبب بخلاف وعم تكشف ناس على حقيقتها وبلاخص ناس ماكنت مفكرها هيك .. قدامك كتير تحسن واخبار حلوة بس انطر هاليومين ليمرقو ع خير … والبعض في قصة قضائية وزيارة لمركز امني او قضائي لا تاكل هم بتنحل بس نتبه لكلامك ونشالله في مين بيدعمك..
عاطفياً:لا تخلي حدا يدخل بوضعك العاطفي انت بتعرف بتحل امور لكن اي حدا ممكن يدخل بوضع رح يزيد الوضع توتر وخلاف وسوء تفاهم لهيك مابدي منك تفقد الامل وتكبر القصص بشوية تركيز وصبر ولا تخاف كون جريئ وحط نقاط على الحروف.. لازم يكون في شوية تنازل ومسايرة لتتحسن الامور بس اكيد مو ع حساب كرامتك ..
صحياً:لازم تهتم بصحتك ولا تهملها وحاول تتجنب الوقوع بأمراض لتبقى بصحة جيدة وامنح نفسك طاقة ولا تقلق او تتوتر من شي .

الجدي ♑
مهنياً:عم تطلع من وضع متعب وامورك افضل .. عندك ناس وعزائم واصدقاء حولك وعم تلاقي تحسن بوضعك المالي والمهني ودعم الك ومساعدة من رفقات وفي لمة حلوة وشغل في من وراه مال لهيك ركز .. يوم اجتماعي عم تفكر بأمور مستقبلية او شي مشترك استفيد من طاقتك لتتغلب على صعوبات وأنتبه من ناس الي بوجهين يوم جيد لتنهي اعمالك بعد فترة كان فيها ضغط مهني وعائلي ..
عاطفياً:هدي بمشاعرك مع الشريك يومك جيد عم يكوم في تقارب بس لاهتمام زايد اوقات بخلي الشريك يتراخى معك .. في مفاجئة حلوة وافكار جديدة جذاب وحليان اوقات حلوة والعين عليك عم تحط نقاط على الحروف وتواصل ولقاء وعلاقة حميمية وسرية عند البعض ..
صحياً:صداع ودوخة لازم تنظم اكلك منيح بلاخص اذا اول وجبة عم تكون بوقت متأخر

الدلو ♒
مهنياً:يوم عم يكون عندك شعبية وشهرة وعم تتحرك باكتر من اتجاه وعم يكون في لقاء او تواصل مع ناس مهمة وصديق داعم الك بشغلك الاضواء مسلطة عليك هالفترة بس انتبه الغلط او تعمل مشكلة مع مدير او حدا مهم بشغلك ولا تتأخر بتنفيذ اعمالك ورتب امورك وقصة أب بتشغلك .. وضعك بعدو تحت الاختبار لهيك لا تستعجل بشي وخليك محافظ على سمعتك .. قصة او اتصال بخص وظيفتك او شغل ويوم أجتماعي وناس كتيرة ..
عاطفياً:عم يكون في اشخاص عم ترجع وناس وشخصيات عم تبدي اعجاب فيك وممكن حب عن طريق الانترنت افتح قلبك من جديد لانك بحاجة لشخص يطالعك من وضعك .. بس المرتبط والمتزوج
لازم تنتبه ع وضعك العاطفي وتساير ولا تصعد او تخلي اي سوء تفاهم يسبب بتفاقم الامور او توصل لطريق مسدود ..بعض نساء ممكن في عندن حرد روق وهدي حالك ع الاقل هاليومين ..
صحياً:عم تتجنب اي شي ممكن يأثر على صحتك او يزعجك رغم ضغط الي عليك ..

الحوت ♓
مهنياً:من الايام الي بتعطيك الكاريزمة والبرستيج العالي والي بتكون محوري بلقاءات وبين رفقاتك وعم يكون في تنقلات او لمة حلوة وعزيمة وممكن تحصل على سفر او شي بخص سفر وعم تتواصل مع ناس بعاد عنك وبساعدوك في فرصة حلوة او البعض ممكن يجي مال او حوالة وعم تكون منفتح ع الخارج .. حتى البعض عندو شي بخص دراسة او عقود ..
عاطفياً:عندك قدرة على جذب اشخاص الك وتعارف بيكبر وممكن سفر للقاء عاطفي عند البعض .. من الايام الي وضعك بيتغير وفي مفاجئة بيومك واعجاب مشترك وصدفة وفيك تعمل مصالحات ويرجع تواصل من جديد وثقة عم تكبر وشخص قديم بحاكيك ..يوم منيح وتطورات حلوة عند الاغلبية وبلاخص لاعزب جهز حالك لتعارف وشي ممكن يغير حياتك قريباً ..
صحياً:خفف من تناول الوجبات بوقت متأخر من لليل وتابع وضعك صحي ..