رجل الجوزاء / ذكي محب للحياة ..فصيح اللسان .. قليل الحظ .. لكنه شيخ مع الشيوخ وفاسق مع الفساق

الحمل ♈
مهنياً:عندك بداية حلوة بيومك وعلاقات كتيرة واوقات حلوة بتقضيا وناس جديدة واتصالات عم تكتر وعندك قدرة تتعامل مع الكل بطريقة مميزة وفيك توصل وتسمع اخبار حلوة بس خففلي من طريقتك بالكلام ومن عصبيتك وردت فعلك العشوائية .. وبعد ضهر والمسا شغل جديد وعلاقات اجتماعية وشعبية وشهرة وقصة اب بتشغلك ولمة حلوة ..
عاطفياً:استغل فترة لنهار لتقضي وقت وتسمع اخبار حلوة بتخص وضعك وتعزز علاقتك ويكون في تفاهم اكتر جاذبيتك بتزيد وبتبلش تحس بلاعجاب اكتر وشخص مهم بحاكيك وحتى علاقات من ضمن شغلك بتتحسن وبتتغير بلاخص لاعزب .. والمتزوج بدك تروق وتهدي المسا لان عندك ضغط عاطفي .. والبعض بحس ماعاد عندو ثقة بحدا بلاخص عم يكونوا كلن مصالح ..
صحياً:لا تعب حالك وتجهد جسمك وبدك تنتبه من مشاكل رقبة واسفل الظهر

الثور ♉
مهنياً:يوم مالي وتغيرات بعد ضهر لصالحك .. لازم تستغل الامور المالية وفي امور عم تتحلحل عندك وعم تمشي صح وبلاخص الاوراق والقضايا والامور المالية يومك في دفع وقبض ومال من شراكة او ميراث ودين بيشغلك .. بعد ضهر انت افضل وتغيرات وتنقلات ولقاءات واتصالات كتيرة ويداية جديدة و بتجهز لسفر ..
عاطفياً:روق بنهارك لا تتسرع ولا تكبر القصة وخلي خط لرجعة ولا تخلي لامور تتجاوز حدها وخلي حيز لتفاهم بينك وبينو .. بعد ضهر في تتطور بتجاه الافضل وبلاخص اذا ناوي تبادر او يصير مصالحات وتعزيز علاقتك بالشريك او شخص بعود من جديد وتحسن بوضعك العاطفي ..
صحياً:لا تستهان باي عارض صحي وانتبه لوضعك لتتحسن منيح

الجوزاء ♊
مهنياً:تجنب المواجهات بنهارك وفي كتير قصص شاغلتك وبتحس ماحدا عم يفهم عليك وانت مو متحمل لا كلمة ولا حدا قدر الامكان تحاول تكون بعيد عن المواجهات والمشاكل وتغير شوي بأسلوبك .. قصص شراكات بتشغلك وقصة مع شخص جديد وانهي شراكات ضعيفة .. بعد الضهر في مال وانتبه لمصاريفك ورتب امورك وبتحل مشكلة عندك وعزيمة ..
عاطفياً:في عرقلة بنهارك او تأجيل وحاول لا توثق بحدا وحافظ على اسرارك ولا تصعد لان بعرف ماعم تطلع من مشكلة حتى تفوت بمشكلة بسبب قلة الأهتمام وعدم الاحساس وتقدير الك .. بس بعد ضهر وفترة المسا الامور بتنقلب لصالحك وناطرك اجواء حلوة ومستجدات جدبدة وشخص بيتقرب منك وبتتطور علاقتك في ..
صحياً:لازم تخفف تناول طعام بوقت متأخر او أعتمد على الخضار بشكل كبير وبعد عن الجاهز والمعجنات

السرطان ♋
مهنياً:عم تكون مو فاضي تحك راسك وفي تعب وشغل وحتى بالبيت وفي التزامات ولازمك حلول من هالوضع المتعب وتنتبه من حكي ناس وعين قوية عم تترصدك ومحسود .. مستجدات جديدة وفي عقد وشراكة والبعض انتبه من شراكات تنتهي لهيك لازم تكون مساير ودبلوماسي ..
عاطفياً:يوم بخص علاقات بين بداية شراكة ونهاية لشراكة .. احسبها منيح وبلاخص المرتبط ولا تقدم على اي فعل وردة فعل بدون ماتكون مركز لان ممكن يكون في توتر وتخسر الموقف ولازم تعطي وقت لشريك لان كمان في عتب ولوم .. وفي شراكة جديدة بتبلش واعتراف بالحب ..
صحياً:انتبه لصحتك وخفف شرب منبهات واستبدلها بزهورات والكمون لتريح حالك واعصابك ..

الأسد ♌
مهنياً:بدك تستغل يومك في تحسن نسبي وطاقة وحلول لبعض القصص وفي شي مالي وعلاقات كتيرة ولقاءات وتنقلات كتيرة ..ولازم تنتبه بعد ضهر من مسؤوليات وحاول تستغل نهارك حتى ماتتراكم الامور عليك المسا وقدفي ضغط شغل او خبر بخص شغل ولازم تفكر بكلامك وتنتبه من الغلط ومن ضغط زايد بشغل والبيت يسبب وضع صحي .
عاطفياً:تحسن بوضعك العاطفي واحداث جديدة وممكن لقاء واتصالات وتواصل ومشوار واخبار حلوة .. بعد ضهر وفترة المسا بدك تكون دبلوماسي وبلا ملاحظات والاتصعد الخلافات وانتبه من توتر لان في ضغوط على علاقتك ..والبعض عم يعيش تناقض بين حب قديم وحب جديد ومحتار بس مابيعرف شو بدو يعمل ..
صحياً:أهتمام صحي وتغييرات بشكلك والبعض وعكة صحية او لحدا من العيلة ..

العذراء ♍
مهنياً:قصص عائلية بنهارك وبعد ضهر لامور بتبلش تتحسن .. شوية قصص عائلية وفي حيرة وماحدا عم يفهم عليك وعم تواجه ضغوط والصعوبات لحالك عم تعمل جهدك وماعم تقصر بالحلول والمساعدات .. بتتحسن الامور بعد ضهر وتغيرات جديدة بالحظ وطاقة وتحسن مهني وعائلي وبتعالج قضايا تعبتك وخبر حلو ومال بيومك وعزائم وقصة بتخص الاطفال والابناء ..
عاطفياً:روق بنهارك وشوي شوي بيتحسن وضعك وعلاقاتك وحب قديم بيومك ..أنتبهلي من مشكلة بنهارك وخفف من انفعالك وبعد عن الاجواء السلبية .. البعض ممكن شريك بحدك وبتقضي وقت معو بين لقاء واتصالات حاول تنبسط بهيك يوم .. بعد ضهر في تغيير مهم عندك واجواء عاطفية مميزة وممكن ارتباط ..واذا مفكر بارتباط لا تقدم على اي خطوة مو بمحلها ..
صحياً:شفاء من مرض والبعض انتبه من كريب وصداع متكرر ..

الميزان ♎
مهنياً:بنهارك افضل والمسا عائلة وعقار .. قادر توصل افكارك وتقنع برأيك عندك الكاريزمة ودبلوماسية الي بتساعدك له شي.. عم تكسب خبرات جديدة وثقة بحالك اكتر لتوصل وتكون محط اعجاب لقاءات وحركة وتنقل او مشوار واجواء حلوة واتصالات عم تكتر ويوم ايجابي الك نسبياً فاستغلوا لصالحك ونتبه من الحوادث والاعطال بعد ضهر قصص عائلية عندك ونقل لمكان ولمة ..
عاطفياً:بدي منك تفكر تصلح الوضع وتنسا الي صار ..لان يومك في عتب كبير وممكن يكون في اعتذار والبعض عم يقدم تنازل وممكن عم تمنح الشريك فرصة جديدة .. لقاء او اتصال وتفاهم على بعض نقاط وعم تفكر بعلاقة جديدة واعجاب عم يطور .. المتزوج روق ولا تعصب في قصة بالبيت زاعجتك بس مابدا كل هاشي ..
صحياً:درهم وقاية خير من قنطار علاج تجنب الامراض المعدية وبلاخص لكريب ..

العقرب ♏
مهنياً:مال بنهارك بيشغلك وبعد ضهر الامور افضل .. فرصة لتبدأ شي جديد واليوم بخص المال بين قبض ودفع ومصاريف عم تكتر لهيك بدي منك تعيد حساباتك من جديد وترتب بيتك المالي وضب ايدك .. ومن ضهر قصة سفر او مشوار وعزيمة واتصالات وعلاقات وقصة اخ واختبارات والبعض عندو قصة سيارة او موبايل وأنتبه من الاعطال والحوادث وحكي من منافقين ..
عاطفياً:شوية هدوء بنهارك وكلشي رح يكون لصالحك عم تتحس لامور تدريجي .. انتبه للمعاملة ولنقاشات واحسم نقاشات طويلة احسن مايصير استفزاز لانو وضعك بشكل عام بيتحسن وبكون عندك جاذبية وحكي حلو واجواء رومنسية وتفاهم افضل من قبل ..
صحياً:امورك افضل بس انتبه شوي لطقس وحافظ على جسمك لبعض عم يكون في نزول كتير

القوس ♐
مهنياً:طاقة وحظ بنهارك ومال تدريجي .. تتطورات وعلاقات وناس حواليك وعم تحل مشاكل وطاقتك ايجابية واتصالات مهمة بس بدي منك تخلص ضروري هاليوم مشان ترتاح مهام جديدة وتأثيرات ايجابية .. تنقلات واتصالات وعزائم من بعد ضهر فرصة لتكسب مال ومبلغ او تعويض وحوالة وخفف مصاريف على عزائم وصحة ..
عاطفياً:عزز علاقتك وعيش ايامك في لقاء او اتصال ولاجواء حلوة وداعمة وشي مهم هالفترة .. حلول ومصالحات وتحسن نسبي بالعاطفة بلاخص انو الفلك عم يدعمك عاطفياً هالفترة عم تكون هادي بمعاملتك وعم تتعاطى مع الامور بشكل منيح وهاشي اكيد رح يحسن من امورك وممكن الشريك عندو أهتمام وتصرفاتوا افضل من قبل ..
صحياً:عم تتحسن امورك بلاخص بالفترة الاخيرة كان في مشفى او طبيب او ممكن البعض عمل عملية .

الجدي ♑
مهنياً:اعباء اضافية وكتير بحاجة لراحة وناس كتير وضغط وانت مو مرتاح في تعب وتأجيل .. رغم عندك تنقلات وحركة بس طاقتك ضعيفة مرق فترة لنهار وضب ايدك مصروفك عم يكبر .. من المسا تغيرات مهمة لقاء واتصال وراحة افضل وكلشي بكون لصالحك ورفقات واجواء حلوة وسهرة وحلول ومفاجئة وجهز حالك مال ناطرك هالفترة ..
عاطفياً:بدك تروق بنهارك وتهدي لانك من اي كلمة مستعد تعمل مشكلة .. لا ترفع من مستوى نقاش وخلي خط لرجعة وانتبه من سوء تفاهم ولا تصر على اسلوبك حتى لا تفقد سيطرة على الاحداث .. شوية وقت ومن بعد ضهر كلشي بيتصلح وبتحل مشكلة وخبر حلو ورح تتحسن امورك لمهم شوية رواق بنهارك ..
صحياً:شوية تعب وارهاق بروح وتحسن بوضعك تدريجي وتغير من نفسيتك وخفف شرب المنبهات ..

الدلو ♒
مهنياً:علاقات اجتماعية واجواء عم تخص مقربين وناس واصدقاء بس بتحس حالك مجبر تقعد معن .. برغم العلاقات لكتير بس بدك تنتبه من نفاق عند الاشخاص ولازم تخلص شغلك والتزاماتك لتتجاوز بعض المشاكل .. في عزيمة ولقاء بشخص غالي وطلب عندك انتبه من تأجيل وعرقلة ..شوي شوي لامور رح تبلش تتغير بلاخص بموضوع عائلي او سفر واتصال او لقاء مهم عم تجهز الو هالفترة .
عاطفياً:جذاب وساحر بحضورك وعم تمارس جاذبية كبيرة بدي منك تهدي الوضع مع الشريك وحاول تزيد فرص راحة وتتأقلم مع الوضع من جديد .. عندك مواعيد واتصالات كتيرة ورح تعزز علاقتك بعيد عن اي انفعال مغامرات وحب وعلاقات حميمية ..والمسا هدي وانتبه من الاستفزاز وناس مابتريد الخير الك ..
صحياً:عندك قلق وتقلبات اثناء نوم وعم تتأخر بنومتك ريح بالك قبل كل شي ..

الحوت ♓
مهنياً:بعدو نهارك في تعب وعندك اختبار وقصة عم تشغلك او لقاء مهم وبدك تنتبه من امور بشغلك وبالبيت وفي ناس عم تلعب من ورا ضهرك روق وركز لتطلع من روتين الممل وتستقر امورك وحاول لا تخالف القانون وهدي بمشاكلك .. الامور بتتحسن بعد ضهر في سهرة وعلاقات كتير واصدقاء وعزيمة وبتستفاد من دعم الاصدقاء بقصة ما ..
عاطفياً:تغيرات منيحة بس بدك تعرف كيف تستغلها لتوصل للاستقرار .. تدريجي بيومك امورك بتتحسن في تنازل بالعلاقة لترجع الامور من جديد وتلاقي حلول لمشاكلك وفرصة عم تمنحها لشريك .. ولبعض اي علاقة مافي منها نتيجة بعد عنها ونتبهلي لعلاقاتك السرية صدفة او غائب ممكن تلتقي في وعلاقات صداقة عم تتحول لحب ..
صحياً:بتتجاوز وضع صحي وامورك اليوم بتبلش تتحسن من المسا ..