رجل القوس / ذكي .. مرح .. متفائل.. صاحب عقل وتدبير .. لكن لسانه سليط

الحمل ♈
مهنياً:عندك شغل ومردود مالي وحدا في قصص شراكات عم تنعرض عليك او عم تتبلور ولقاءات مع اشخاص جديدة بس بدك تنتبه ولا تعمل مشاكل مع حدا حتى ما تنهي شراكة عمل او علاقة .. يوم في قصة ورقة بتشغلك وناطر خبر بخص شخص وحاول تطلع وتشوف ناس بتحبا او الاهل وفي مساعدة من شخص مقرب .. المهم تكون هادي ولا تتسرع ولا تقلق من شي وتنازل شوي وكون دقيق بامورك لتحسن وضع شغل والمال ..
عاطفياً:المرتبط اذا بدك وضعك يستمر لازم تروق وتهدي ولا تنفعل وخفف من نقاشات وكون بعيد عن المجادلات الي بلا طعمة لان وضعك مو لقيان توتر جديد بعرف شريك مو مهتم وماعم يقدر وهاشي عم يخليك محتار وحاسس بضياع ..لاعزب امورك افضل وممكن شي حلو ناطرك وفرصة شراكة عاطفية جديدة …
صحياً:خفف منبهات وتدخين وانتبه من صداع او عم تحس بدوار نتيجة الضغط .

الثور ♉
مهنياً:عم يكون في شغل كتير بيومك وعندك التزامات وترتيب امور خلص شغلك المهم ولا تخلي شي يتراكم عليك وتكون حذر لا تسمع شي كلمة لان ممكن تتحاسب وبنصحك لا تغامر بهاليومين مابدي ياك تخسر ولا تستعجل بقراراتك .. لا تعب حالك واهتم بصحتك وتغيير صخي ونظام جديد بوضعك ..
عاطفياً:برغم تعب والعتب الي عم يكون بيومك وضغوط الي خلت وضعك يتراجع انت اليوم جذاب وعم تمارس سحرك ولازم تستغل هاليوم لتحسم امورك بشرط عدم تسرعة والعصبية وبلاخص اذا كنت ناطر رد او اذا العلاقة متوترة مع الشريك امورك منيحة استغل هاليوم لو كان في شوية توتر بس اكيد لصالحك بعدين …
صحياً:صحة حدا بالعيلة بتشغلك وانت عندك تحسن صحي ان شاء الله .

الجوزاء ♊
مهنياً:يومك داعم بالحظ والطاقة وبتكون بافضل حالاتك واتصالات ولقاء وشخص مهم بساعدك وعم تلتقي باشخاص بتحبن واخبار حلوة ناطرتك وشخص عم يرجع يتواصل معك وقصة اوراق وبتربح قضايا .. يوم في مال ومبلغ او عقد ممكن تحصل عليه وعندك لمة حلوة وعزيمة وسفرة قصيرة وعم تهتم لقصص الاطفال والانجاب والبعض عندو امتحان بكون تمام .. .
عاطفياً:عندك اوقات حلوة واتصال بشخص بعيد او عم تشوف شخص بعد غيبة واشخاص عم ترجع تحاكيك .. يوم رومنسي وحلو وعم تكون دبلوماسي بلاخص المرتبط ولاعزب القلب بدق من جديد .. والمتزوج حاول تتنازل شوي لان عندك فرصة تصلح الوضع وتكون امورك افضل شوية مسايرة بس ..
صحياً:عليك بلانتباه اكثر وتكون بعيد عن ناس سلبية ونشالله امورك الصحية تمام

السرطان ♋
مهنياً:عم تعاني تعب ضمن البيت وكتير لحاجة لتلاقي حل له الوضع وانتبه على اهلك او حدا بعيلتك بقصة او وضع صحي واعطال ضمن البيت .. حاول تكون بعيد عن المواجهات وخفف من عصبيتك لان في مسؤوليات وتصليحات او نقل وتغيير وفي مين بساعدك .. .
عاطفياً:وضعك ماعم يريحك وبلاخص انو في امور عائلية عم تدخل بوضع العاطفة حاول لا تكون بارد او منعزل وتجاوز تحديات بيومك بلاخص المرتبط والمتزوج .. الاعزب أستغل جاذبيتك بهاليوم وبتكون مؤثر على الجنس الاخر .. والبعض بكون في قصة بتخص الاهل بموضوع عاطفي ..
صحياً:روق ولا تخلي العصبية تأثر عليك وممكن في وضع صحي بالبيت ..

الأسد ♌
مهنياً:يوم جيد ولازم تستغلوا في اتصالات وتواصل اكتر وعم تكون منفتح ع الكل وناس واصدقاء وختى لقاءات وبتشوف ناس الك زمان ماشفتا وجديدة .. ممكن في سفر او مشوار للبعض واهتمام بأخ وفيك تعمل شي ع مواقع تواصل الاجتماعي وفرصة لشغل او تجارة وامتحان وقصة سيارة او موبايل وعم تعزز وضعك مع شخص .. .
عاطفياً:بعد فترة متعبة عم يرجع تواصل افضل وممكن في لقاء حلو لتعزز شراكتك العاطفية وعم تكون جذاب بيومك وعم تمتلك قلب الشريم باسلوبك .. عم يكون في اختبار عاطفي وتغيير بشكل والبرستيج واتصال وتواصل وامورك عم تمشي تمام .. البعض بدي منك تنتبه من حكي ناس ولا تنفعل وتكون شكوك وبلاخص المتزوج ..
صحياً:شفاء من مرض وبترتاح صحياً ويومك افضل بس خفف سهر ..

العذراء ♍
مهنياً:يوم داعم بالمال وفي قبض من شغل او حوالة او بيع وعم ترتب بيتك المالي وعم تعيد حساباتك لان كمان في مصاريف على عزائم او على شخص او ضيف او صحة وعلاقات كتيرة وناس بحدك وبتتجاوز بعض العراقيل بشغل لا تتكاسل وفكر بموارد جديدة …
عاطفياً:بيحملك هاليوم راحة وتقارب وتحسن بالعاطفة نتيجة تحسن الوضع من حولك وبتقضي وقت حلو .. المهم تعرف كيف تتصرف وتساير وتبعد عن الماضي وتختار صح .. تفاصيل صغيرة لا تخليها تعملك مشكلة او تسبب بُعد مع الشريك ..
صحياً:ممكن تزور طبيب لتطمن عن وضعك وانتبه من تشنجات وعصبية وكريب .

الميزان ♎
مهنياً:يومك افضل وتغيرات شخصية وعاطفية ومالية .. من الايام داعمة الك لتقدر تطلع من تعب وتحصل على علاقات واوقات حلوة ورفقات وعم يكون في مال بانتظارك وقصة طفل او انجاب للبعض .. طاقة ابجابية ومساعظة ولمة حلوة وتنقلات وتحسن سريع بالوضع العام …
عاطفياً:بعد ايام صعبة بالعاطفة اليوم الحظ معك بلقاء او اتصال وترجع تتواصل مع اشخاص .. استقرار وجاذبية واخبار حلوة والقلب بدق من جديد .. تحسن بعد زعل او سوء تفاهم وحكي حلو وممكن حدا يعترف بحبو الك وشخص ع البال ..
صحياً:يومك افضل لازم تستغل الاجواء لترتاح من هم وتعب ولا تعصب ..

العقرب ♏
مهنياً:يومك في ضغط وعم تشغلك امور بالبيت ولعيلة او صحة حدا وحاول لا تدخل بمواجهات ولا تبدأ شي مهم بيومك وكون منتبه لامور شراكات منيح .. وفكر كيف تحسن وضعك او تشتغل شي جديد او البعض في مؤسسة حكومية بيومك .. المهم تكون هادي ولا تناقش بشي مهم لان في ضبابية بيوم .. يوم اجتماعي وبتشوف حدا الك زمان ماشفتو وقصة شخص مقرب بتشغلك …
عاطفياً:عم يكون في قصة او تصرف عم يدايقك وحاول تروق وتسيطر على انفعالك وعصبيتك بس لو صار توتر لامور بتنحل لمهم تكون دبلوماسي وانتبه من شخص مقرب يأثر عليك .. بدك تنتبه من قصص الغيرة كمان ولا ترد على حدا وعلاقات اخرى عم يكون فيا تواصل عم يكبر برغم ضبابية لازم تحسم امورك ..
صحياً:انتبه من مشاكل الاطراف والبعض عند عملية الو او لحدا مقرب واعتمد على الخضار بشكل كبير

القوس ♐
مهنياً:عم يكون في دعم الك ورفقات وعزائم واكل طيب وعم تلاقي تسهيلات وعم تتمتع بطاقة ايجابية وتواصل اكبر وناس جديدة وحتى في قصة اخ او صديق بتشغلك وممكن البعض قصة سيارة او موبايل وانتبه شوي من الحوادث والاعطال .. ومساعدة من شخص الك وبتخف عنك بعض الضوط وبتعمل تسويات ومال بيومك او حوالة وسفر او مشوار وقصة طفل وبترتاح صحياً بشكل تدريجي …
عاطفياً:عندك فرصة لقاء واتصال وحتى ممكن علاقات تتحول لحب واشخاص عم ترجع تحاكيك وعلاقة سرية وحميمية عم تكبر .. عندك حضور مميز وعم تأثر ع الجنس الاخر وحاول تستفيد من علاقاتك .. المهم يكون في صراحة وثقة وتنتبه الاسلوبك وتصرفاتك وتتأكد من مشاعر الشريك وتعالج الامور بطرق دبلوماسية ليستقر وضعك اكتر ..
صحياً:فيك تبلش نادي او هواية وانتبه لصحة اخ او مقرب وخفف سهر وتدخين ومنبهات وكريب

الجدي ♑
مهنياً:يومك افضل بالعلاقات الاجتماعية وليكون عندك شهرة وشعبية وعلاقات ولمة حلوة وعزيمة عائلية او تفاق وحتى ممكن يوصلك مبلغ مالي من شغل او من شريك وهاشي لازم تثبت جدارتك في لتنجح لان عندك مسؤوليات .. لا تتأخر عن شغلك حتى ماتعمل مشكلة مع مسؤول او مع اب بالبيت واذا بحاجة مساعدة لا تتردد وكون حريص لان في ناس ممكن تسبب تشويه سمعة …
عاطفياً:الوضع بحاجة للاستقرار وللحسم وهاشي صار ضروري .. برغم وضعك مو كتير منيح ومشغول باكتر من قصة بس عندك فرصة لتصلح لوضع وفي بوادر حلول بعد وقت طويل من الخلافات .. فيك تفتح صفحة جديدة واخبار حلوة او اتصال ناطرو او لقاء وفي ناس معجبة او شخصية مشهورة بيومك ..
صحياً:لازم تكون حريص اسا على صحتك وتنام منيح وتفكر تعمل شي يطلعك من هالوضع وتشم هوا نضيف بعيد عن جو المنزل والبعض في طبيب عندو

الدلو ♒
مهنياً:يوم داعم بالحظ وطاقة وتواصل عم يكبر وعم تعزز علاقاتك وعم يكون في تنقلات وسفر وناس بعيدة عم تحاكيك ولقاءات حلوة .. في اختبار بيومك او شي بخص دراسات عليا وعم تعمل تغيير بشكلك وانفراج بقصة تعبتك وقصة عقار ويومك بيحمل اخبار وتتطور بالمال او اذا ناطر شي مالي من بعيد او حوالة والتزامات عم تتخلص منا ..وانتبه من الحوادث والاعطال وقصة سيارة او موبايل ..
عاطفياً:عم يشهد وضعك العاطفي تحسن ايجابي وناطرك اخبار حلوة .. عندك الجاذبية وعم تكون مؤثر على الجنس الاخر وفي لقاء او اتصال وممكن تواصل مع شخص جديد او من الخارج وفي تفاهم بيومك على نقاط كتيرة .. والاعزب امورك منيحة وفرصة لارتباط هاليومين ..
صحياً:صحة حدا بالعيلة وانت انتبه لمشاكل المعدة وحموضة خفف من المقالي والبهارات ..

الحوت ♓
مهنياً:قصص مالية وعلاقات افضل وعم ترتاح من بعض القصص المتعبة والقضايا والمعاملات وناطرك خبر منيح وحتى في قصص اوراق واختبار ومبلغ مالي بيجيك .. عم يكون في دعم من رفقات او ناس جديدة واذا بحاجة اطلب مساعدة وعم تحسم امور عندك وقصة دين ودفع التزامات وفواتير وفي مركز حكومي بيومك وعزيمة وسهرة حلوة …
عاطفياً:انا شايف امورك افضل اليوم برغم من ضبابية الي مسيطرة ع الوضع ولازم تستغل الفرصة لتصلح الامور وتحسمها المهم تكون دبلوماسي ولا تتسرع او تخلي شي يعصبك ويستفزك .. تطورات جديدة لصالحك لقاء او اتصال وتقارب بوجهات النظر وعلاقات عم تتحسن لشي مهم عندك قريباً ..
صحياً:انت كتير بحاجة لحل لوضعك صحي وتخفف من عصببتك لان حاسس بقلق ومالك نفس على شي.