رجل الجوزاء : ذكي اجتماعي متعدد المواهب .. ضحوك السن .. الا انه قليل الحظ

الحمل ♈
مهنياً: يوم للعائلة وقصص بتخص حدا بعيلتك او موضوع سكن بيشغلك وبدك حلول نظم امورك وعيد حساباتك وكون دقيق .. عم تتعرض لشوية ضغوط ضمن بيتك او بلامور العائلية بشكل عام وحاسس بتوتر وقصة ممكن تشغلك لاحد اخواتك او ابنائك عم تهتم بأمور عقارية او يمكن الها علاقة بعقد ما او اجار عند البعض او ممكن تغير بيتك هالفترة .. انت محتاج تكون لحالك وترتاح تحمل شوي وفترة وبتمر طول بالك وبلا ماتكبر المواضيع وتعصب ونشالله تحسن تدريجي قادم ..
عاطفياً ❤️ :مرق هاليوم ع خير وكتير اخبار حلوة ناطرتك كون هادئ هاليوم وبلاخص بالمعاملة وبلا ماتعصب وتدايق مانك مرتاح وحاسس في قلت اهتمام ومشاكل وماعم تفهم على الشريك هدي هاليوم حتى مايطلع صوتك حاول دافع عن نفسك بعيد عن الاستفزاز وتوترات بالعلاقة ..
صحياً:مو ناقصك مشاكل صحية لهيك بعد عن نقاشات وتوترات نتبه له شي وروق مافي شي مستاهل

الثور ♉
مهنياً: لقاءات واتصالات مهمة والاجواء افضل .. قادر توصل وتنجح اذا عندك اختبار او مقابلة وناس جديدة وممكن عندك شي بخص شراء او بيع .. خليك واقعي ولا تهتم للوعود وللكلام بدك شي ملموس .. فرصة لشغل او تنقل وحركة وسفرة قصيرة تواصل واتصالات مهمة وهاشي بحسن من شروطك وطاقتك بهاليوم لتنجح برغم من كل الصعوبات والعراقيل الي عم تواجهها بتخطف الاضواء بعزيمة او لمة ..
عاطفياً ❤️ :انت كتير حليان اليوم وجاذبيتك وسحرك عم تمارسه ع الكل وانت بموقع كتار بدهم القرب منك لازم تكون اكتر شفافية ودبلوماسية وكون واضح بتعامل وفيك بهاليوم تتقرب من الشريك اذا موجود وتحل بعض الامور العالقة او لتتقرب من شخص بهمك امرو .. استغل هاليوم بأوقات ولحظات حلوة وتواصل واتصالات والكاريزمة العاطفية عندك عالية ..
صحياً:الرياضة مفيدة الك بلاخص للاعصابك حاول تغير جو وتطلع مشوار ..

الجوزاء ♊
مهنياً:نتبه لمصاريفك المالية ونقاشات بتخص المال .. يومك بدور بين قبض ودفع وصار لازم تفكر بموارد جديدة وتواكب تطورات وتحاول تتكيف مع الظروف تطورات مالية .. عم تغير من طريقتك وحتى الوضع حواليك عم يتغير وممكن عم تفكر تتعلم شي جديد او تفوت بمجال او شغل جديد لا تتهاون بشغلك وتابع امورك ونظم امورك المالية بشكل جيد ..
عاطفياً ❤️ :برغم من جاذبيتك بس يبدو مانك بأفضل أيامك يمكن مانك عم تتحمل الوضع ومامرتاح من الشريك وتصرفاتو لازم تتفهم وجهة نظرو ولا تعمل من الحبة قبة وتكبر القصص يوم متقلب عاطفياً .. والاعزب بفكر بشخص ومابيعرف شو بدو ومحتار .. وبعض العلاقات ممكن تطور وتتحسن بهاليوم ..
صحياً:اي عارض صحي ممكن تشعر به مهما كان صغير تابعه ولا تهمل صحتك وبتعد عن الانفعالات ممكن تسبب لك وضع صحي

السرطان ♋
مهنياً:طاقة وتنقلات ونقاشات مهمة .. القمر ببرجك الحظ حدك وبرافقك بكلشي بدك تعملو حاول تبذل جهد لتوصل وتنجح ومافي شي بيجي من دون تعب بلاخص اذا الحظ عم يساندك بادر بالحلول وبأيجاد خطواط اكثر فاعلية بتحقق نجاح بشغلك وهناك وعود ايجابية .. بتتخلص من ناس مزعجة واجواء اجتماعية ..
عاطفياً ❤️ :جذاب وعاطفي والعين عليك فرصة لتظبط امورك برغم من الوضع ما كان منيح او سوء تفاهم كان موجود يوم فيك تصلح الوضع وتمرقو على خير وتلاقي حلول حاول تفهم الشريك وتوصل عاطفتك وحبك بشكل اوضح واستغل انك من الايام الي بتكون فيها بكامل جاذبيتك لارتباط وحب ..
صحياً:وعكة صحية بس نتبه لاكلك مشاكل بالمعدة وجهاز الهضمي او صعوبة بالبلع اثناء طعام

الأسد ♌
مهنياً:روق هاليوم ولا تتسرع ونشالله أمورك بتتحسن كتير .. حاول تخلص الامور ضرورية هاليوم ولا تفوت بنقاشات وساير قد مافيك بدون انفعال وعصبية لانك كتير ضايج ومكركبة امورك وعم تعاني من نفاق وخذلان .. عم تفكر بشي خاص فيك ممكن تقدم على عملية شراء او عندك اهتمام بمشروع او عرض مقدمة .. نتبه الاعطال والكسر او ضيع شي مهم او اوراق .
عاطفياً ❤️ :مانك مرتاح والشريك ماعم يأدي دوره بشكل فعال وهاشي كتير عم يدايقك الحمل عليك عم تواجه بعض المصاعب والعراقيل في فقدان لثقة والوحدة عم تأثر فيك بس اكيد مو الكل هيك لبعض شريك بدو يراضي بعد توتر الاجواء من المسا رح تكون افضل ..
صحياً:قلقان لوضع صحي ممكن الك او لحدا بخصك حاول تنتبه ولا تهمل ضروري وبلاخص من العصبية الي عم تسبب مشاكل بالمعدة او التهابات

العذراء ♍
مهنياً:يوم عاطفي واجواء مميزة اجتماعياً .. نقلات وحركة وناس حولك وعم تكون بين رفقاتك واهلك وقادر تنجح وتوصل وتتواصل بهاليوم ويكون الك خصوصية معينة عم تتغير الاجواء لصالحك واشياء ايجابية بس نتبهلي من أرأئك وحافظ على نجاحاتك ولا تتكاسل بتحسن امورك نحو الافضل بترتاح من ضغوط نفسية والجسدية وعزيمة او دعوة ولمة حلوة … والبعض ناطر اتفاق او خبر نشالله بيوصلك..
عاطفياً ❤️ :برغم الوضع انت افضل عاطفياً .. يوم حلو ومميز عاطفياً استغل جاذبيتك ومحبة ناس الك لتكون منيح وتلاقي الاعجاب فيك حاول تهدي بعواطفك ولا تندفع زيادة او تتكاس في تعبير عن مشاعرك وعواطفك حاول تتبع حدسك وأعتمد مبدء الوسطية في المعاملة لتكون مميز وتتحسن امورك وتعيش يوم حلو ..
صحياً:لا تجهد حالك بهاليوم جسمك بحاجة لراحة كمان خلص شغلك وشي المهم بس ..

الميزان ♎
مهنياً:بداية شغل وعلاقات أجتماعية كتيرة .. عندك مهام جديدة ومسؤوليات وتحديات بيومك جهز حالك لتوصل كبير وعلاقات وسمعة طيبة وشهرة ودعم اجتماعي لا تتسرع بشيء اليوم وخليك حكيم ودبلوماسي حاول تهدي اي خلاف بيومك حتى ماتخسر صديق او غالي .. عندك فرصة بهاليوم لتشوف حدا بخصك وممكن تبحث عن شي جديد وحلول لمشاكلك خليك مركز على امورك الخاصة وبتعد عن ناس سلبية بحياتك ونشالله امورك بتتحسن.
عاطفياً ❤️ :نتبه لسمعتك ولا تتسرع ونتبهلي لكلامك وتصرفاتك وحسبها صح برغم انو هاليوم عم يكون في امور عشوائية لانك انت مو مرتاح من جوا بلاخص للمرتبط الخيارات محدودة اما الاستمرار او نتحمل الوضع كما هو ولا ترد على كلام ناس او اذا سمعت كلمة من هون او من هون .. والبعض عم يقضي وقت حلو واتصالات مع الشريك او علاقة اخرى ..
صحياً:تعب وارهاق وتوتر عصبي نفسي لازمك مشوار يغير من نفسيتك ويعطيك طاقة ايجابية مع ناس بتحبا

العقرب ♏
مهنياً:بتتحرر من كتير قيود وطاقتك أيجابية واجواء مميزة .. انت قادر تقنع وتوصل افكارك ويومك في احداث ايجابية وحركة ومجاذفة بتلاقي حل لقصة تعبتك ومبادرات جديدة عم تتلقى اتصال منيح لعزيمة او عرض مهم .. وعندك تأجيل او تأخير لسفر وعندك فرصة لمشوار وهاشي بخليك تغير روتينك وتتخلى عن بعض العادات ورح تلاقي تقدير لجهودك حاول تكون حذر من ناس الي بوجهين ..
عاطفياً ❤️ :عندك غيرة وماعم تتحمل رغم كلشي .. جاذبية واندفاع عاطفي وارتباط ممكن عند الاعزب .. خبر حلو بتتلقاه هاليوم او في تطمينات وهاشي بيعطيك راحة وبزيد طموحك لتحسن علاقتك مع الشريك كون دبلوماسي بتعامل ولا تعقد الامور لان في قصص صغيرة بدي منك لا تعمل من الحبة قبة او تكون عنيد .. ولا ترد على شائعات وبادر لتحسن امورك لان كتير ظروف بتساعدك له شي خليك بحد الشريك وامنحه الامان وثقة لتعود الامور لمجراها صحيح..
صحياً:تحسن صحي وشفاء من مرض ونفسياً بترتاح كتير وتمتع بصحة جيدة ..

القوس ♐
مهنياً: امور مالية ومصالحات وبتأسس لمرحة افضل بالحظ وطاقة ونجاح .. تابع امورك لتنجح ولا تخلي حدا يشكك بقدراتك او يكون الو فضل عليك فترة مهمة عندك لتتخلص من امور قضائية او قانونية اذا عندك هالفترة .. نتبه للامور المالية لانك مشغول بقصص مالية ونقاشات بالمال ودفع فواتير ومستحقات وموارد مشتركة وممكن يجيك مال او حوالة ..
عاطفياً ❤️ :المرتبط بدك تهدي حالك وتبعد عن توترات ونرفزة وتوجيه الكلام العشوائي حاول تخصص وقت لحبك ولا تخلي شي يأثر عليك حاول تكون دبلوماسي وخفف من طباعك الحادة وروق بمعاملتك عندك فرصة ليصير تقارب وايجاد مخارج وحلول لهذا الوضع بهيك يوم .. وفرصة لبعض يصير عندو أعجاب مبدئي .
صحياً:قاوم الأغراءات هاليوم بلاخص ببعض الاطعمة الي بتحبا ونتبه لوزنك .

الجدي ♑
مهنياً:عندك كسل وبرود وحرك حالك لتخلص اعمالك ولا تأجل شي او تعتذر عن مواعيد .. بعدك مضغوط بشغل وماعم تلحق وافكار كتيرة عم تشغلك هدي وروق ولانفراجات رح تكون قريبة لاتهتم لكلام البعض او اذا في مضايقات رتب امورك واحسمها ولا تعلق حالك بأشخاص عم توعد وماتوفي لمهم تكون حكيم بمعالجة بعض توترات والمضايقات وبلا عصبية .. كمان بدي البعض ينتبه لبعض الامور ويدقق فيها منيح.. بتشغلك قصة عقد او شراكة او شريك وممكن عم تجهز لسفرة قصيرة ولقاءات وعزايم ممكن تتلاقها .. وممكن يجيك مال هاليومين ..
عاطفياً ❤️ :نتبهلي على علاقتك هالفترة مابدي ياك تخسر شريك بغلطة او خطأ بينحل بشوية تفاهم هدي اعصابك ولا تتردد او تحتار بشي اليوم لتوصل للاستقرار وممكن البعض عندو ارتباط .. وفي تواصل بعلاقات متعددة عند البعض وفرصة لتم شراكة او تلتقي بشريك واتصال ..بعرف الشريك مستفز لهيك خفف من حدة كلامك وردود افعالك ..
صحياً:عندك خمول جسدي ومشاكل اسفل ضهر وكريب

الدلو ♒
مهنياً:يوم للعمل والامور الصحية عم تشغلك .. لا تخلي لاعمال تتراكم عليك وخلص شغلك الي بأيدك لتبلش بشغل تاني كون دقيق بمواعيدك وبحساباتك وبلش بضروري .. في كتير اعمال ممكن تقوم فيها بس خلص المهم والي محتاجو وممكن في اختبار ات عندك جهز حالك هاليومين وفرصة لتعبر عن افكارك وشي جديد وسفر قريباً .. لمهم لا تشغل حالك بكثرة التفكير وبلاخص الافكار السلبية المتشائمة .. والبعض عم يجهز لشراكة والمعالم بلشت تتوضح ..
عاطفياً ❤️ :في برودة بعلاقاتك ولازمك حل .. عم ضيع بين علاقة قديمة او أرتباط جديد او عندك حنين لشخص .. لا تلتفت للوراء وعيش يومك والي بقي معك تمسك فيه ولا ترجع لعلاقة متعبة خلي عينك لقدام دائماً وخليك واثق بحالك وبعاطفتك وأحساسك وبتوقع في ناس كتير معجبة فيك وتواصل رح يكبر بس مهم كتير حسم الامور والي ناطرو بخصوص سفر او شريك قادم من سفر بدو وقت بس نشالله بيظبط ..
صحياً:عم تعاني من حساسية جلدية وممكن حاسس بأنتفاخ بمكان ما لا تهمل الامر وشوف طبيب والبعض بيهتم لحدا بعيلتو ..

الحوت ♓
مهنياً:حظ وطاقة ويوم واعد بأمور ايجابية وفرص متعددة ومشاركات وفعاليات واخبار حلوة وعزايم بيدعمك هاليوم بأفكار غنية وقدرة على تواصل ولتحقق نجاح بمجالك بعد اصرار وتصميم ..ممكن في شي مالي عندك او اذا بحاجة مساعدة لا تتردد لقاء مهم وعندك تنقلات وفرصة لسفر او مشوار وممكن في مبروك الك او لشي بالعيلة او ممكن طفل قادم ..
عاطفياً ❤️ :جاذبية وسحر خاص والعين عليك امور عم تتحسن ومصالحات بيومك وحلول رغم البرود والفتور الي كان مسيطر عليك في مبادرات بهاليوم لتملك قلب الشريك افضل من سوء تفاهم الحاصل خلي ثقة موجودة لتحل امورك .. فرصة الارتباط وشريك قديم ممكن يرجع .. والبعض عم يزيد تواصل وممكن تفكر بلقاء مع شخص احسبها صح ..
صحياً:عم تعاني الم بأسفل الظهر نتيجة الجلوس لفترة طويلة حتى نتبه من تحريك شي تقيل هاليوم وبالاخص المرأة الحامل ..