رجل الحوت / لطيف .. حساس .. عاطفي .. لكن رزقه قليل

الحمل ♈
مهنياً:عم تعيد حساباتك وعم تشوف شو الك وشو عليك وترتيب لبيتك المالي بين قبض ومصروف .. عم تلاقي مساعدة وتيسير بامورك واطلب ولا تتردد في مين بوقف معك يوم في التزامات كمان ومصاريف بالعيلة وبالبيت وتسديد لنفقات وعم تشتري شي ريح حالك ونام وقت كافي ولا تجهد حالك وفكر بمورد جديد بشغلك .. صداقات كتيرة واجواء ولمة حلوة وشخص غالي ومال قادم ..
عاطفياً:فكر كيف توصل بعلاقتك للاستقرار وتحافظ على هدوئك وتكون بعيد عن الاستفزاز .. كون هادئ ودبلوماسي بلاخص انو يومك مو كتير بالعاطفة وبتحس في برود وشكوك واخلاقك ديقة ..احسب حساب لكلشي ولا تكبر القصص وطنش ماحدا بيستاهل والاعزب في علاقات جديدة عم تتطور ..
صحياً:بيشغلك وضع صحي بالبيت وانت وضعك صحي افضل وراحة نفسية بعد توترات صحية

الثور ♉
مهنياً:يوم جيد عم تستعيد طاقتك من جديد والحظ بساعدك وبوقف معك وبغير من وضعك ولتلاقي تحسن نفسي دقق امورك بشكل منيح حتى تفاصيل لصغيرة .. اتصالات ولقاء واجواء عائلية واخبار حلوة وعم يكون في عندك يوم ممتع بالعلاقات والاصدقاء والعزائم وتنقلات ولمة حلوة وبتتخلص من مشكلة تعبتك رتب امورك واستغل الوقت وقصة شغل جديد وشي مالي ناطرك هالفترة ..
عاطفياً:شخص مهم وفرصة ارتباط وعلاقات جديدة بس كون دقيق بأختيارك .. يومك مميز بحضورك وانت جذاب أستغل هاشي لتأثر على الشريك وتمتلك قلبو .. الاجواء فيها حب ورومنسية والعين بتكون عليك .. المرتبط عندك فرصة بهاليوم لتصلح الامور وتتقرب وتبقى مسيطر على الوضع بس بدي منك لا تستسلم ..
صحياً:لا تخلي البرود والكسل يسيطر عليك عندك طاقة حاول تستغلها لتحسن نفسيتك وصحتك

الجوزاء ♊
مهنياً:ضغوط بالبيت وبشغلك ومسؤوليات كتيرة وبدك تكون هادي لتعاملك مع لكل حاول اليوم لا تحسم شي وتجنب المواجهات مع رفقاتك او مع المسؤولين عنك حافظ على اسرارك حتى تنجح وتوصل خلص شغلك وبلاخص الاعمال الموكلة اليك وفيك تحط حد لبعض ناس الي تصرفاتها عم دايقك .. مافي شي بيبقى على حالوا وأنتظر مفاجئة وتغيرات حلوة بالمال والعمل وفي مشوار وعزيمة المسا واتصال منيح ..
عاطفياً:مانك مرتاح وفي استفزازات كون متفهم للوضع ولا تتسرع بشي ولا تخلي تصرفاتك عشوائية وغير محسوبة نتائج ..خلي عندك احساس بالمسؤولية تجاه الشريك لانو في عزلة وكأبة عم تعيشها لا تخلي الوحدة تسيطر عليك ولا تخاف من شي ..المسا بتوقع تواصل ايجابي وافضل لتتحسن الامور ولقاء او لبعض بشوف شخص غالي عليه ..
صحياً:انتبه على صحتك ولحالة نفسيةومشاكل المفاصل المهم لا تجهد حالك او ضل قاعد لفترة طويلة

السرطان ♋
مهنياً:يومك عم يكون في قصص مالية ومصاريف ضب ايدك وممكن يجيك مال في علاقات كتيرة ودعم الك ويوم الاجواء حلوة وخبر منيح ولتعمل مصالحات وعزائم وسهرة وكتر ناس حاوليك حاول تحسب صح ولا تغلط او تتسرع بشي وناطر شي حكومي هالفترة .. بحاجة لتغير معاملتك مع البعض وبلاخص المقربين منك الي عم يسببوا مشاكل او تصرفاتهم ماعم تعجبك ..
عاطفياً:يومك افضل بلاخص الي مو مرتبط لتقضي وقت حلو وتتغير لامور او يدخل شخص لحياتك وممكن صديق تتغير الامور معو .. المرتبط حاول تهدي الوضع او أنتبه توقع بسوء تفاهم بسيط بينحل بس بدك تكون رايق ولا تكبر لقصص لانها مو مستاهلة وخليك دبلوماسي ..اجواء حلوة بمشوار او سهرة حلوة واتصالات طويلة .. والبعض انتبه لعلاقات سرية ..
صحياً:عم تهمل صحتك هالفترة وانتبه من وعكة وفكر بنشاط رياضي جديد .

الأسد ♌
مهنياً:يومك في شغل كتير وماعم تلحق شغل بالبيت وناس كتار وزيارات وشغل بتحس مو بوقتو وعلاقات مهمة لازم تكون دبلوماسي وحافظ على سمعتك ولا تهتم للأشاعات وقصة حدا بالعيلة او شراكة جديدة يوم عم تخطف الاضواء وعم تكون مميز بعلاقاتك وناس جديد وتواصل لمهم لا تصعد الخلافات مع حدا ولا تتأخر بشغلك وحافظ على صحتك ..
عاطفياً:شراكة جديدة عند الخالي من الحب والمرتبط بدك تكون كتير دبلوماسي .. يومك منيح لكن ضروري تعرف كيف تختار شخص مناسب وتساير وتتفهم الوضع بعيد عن الحساسيات وبعيد عن تسرع والعصبية .. فكر واختار صح بلاخص اذا غي حب جديد او توتر مع الشريك كتير مهم تركز وتكون دبلوماسي لتلاقي حل مرضي وانتبه من الي حواليك لان اغلب مشاكلك منهم والمسا افضل انت ..
صحياً:عم تشتغل كتير بيومك خفف عن حالك او اذا في عصبية نتبه ع صحتك وصحة حدا عندك ..

العذراء ♍
مهنياً:يوم في علاقات كتيرة وعم تتواصل مع اشخاص كتار بعاد عنك واتصال من شخص بعيد وعم يكون عندك محبين وعزائم وفكرة سفر وعم تلاقي تحسن بوضعك بالبيت وعم تفكر تبعد عن عادات سيئة وناس سلبية بحياتك واعطي الاهتمام لصحتك .. فرصة ممكن يجيك منها مال او مبلغ من حدا بعيد ولازم هالفترة تستعجل لتزهي امورك بلاوراف والمعاملات …
عاطفياً:يومك منيح تطورات جديدة وارتباط وتحسن بالوضت مع الشريك .. عم تحل مشاكل بعلاقتك وتقارب بوجهات النظر وتفاهمات في راحة بالوضع واوقات حلوة عم تقضيها بلقاء او مشوار مع الشريك وصدفة بتجمعك بشخص او اتصال .. لأمور بتعود للاستقرار حافظ على علاقتك قدر المستطاع ..
صحياً:قصة بتخص الانجاب وصداع متكرر ومشاكل اسفل الظهر .. والبعض بيرتاح من عملية

الميزان ♎
مهنياً:بحاجة لدعم مساعدك ويكون حدا من اهلك واقف معك لان الاعباء العائلية عم تزيد الالتزامات والمصاريف عندك والحمل على كتافك .. فكر كيف تلاقي حلول وتكون دبلوماسي وعم تصرف مال على بيت وتجهيز وتصليح .. في راحة من صغوط عائلية ومالية ونقاش بخص مال وممكن تحصل على مبلغ من ميراث او عقار وفكرة بيع عقار وعقد جديد .. ومن المسا تغيرات منيحة لصالحك بتنقلات واتصالات وناس ..
عاطفياً:وضعك منيح وعم يكون في تقارب مع شخص جديد وتطوات بالحب بلاخص عند الاعزب .. المتزوج لا تتسرع واحسم نقاشاتك حتى مايتوتر الوضع وتكون بحالة من العزلة وبلاخص النساء ممكن يكون في حرد او ترك منزل وزعل .. المرتبط انت بوضع افضل لتتقرب وتحل مشاكلك وتحسن ايجابي واكيد في اتصال وتواصل ومصالحات وحكي حلو بتسمع ..
صحياً:صداع متكرر بالرأس ومشاكل المفاصل وأنتبه على عيونك واذا الوضع بيطلب طيب لا تتردد

العقرب ♏
مهنياً: بدك تهدي بهاليوم وتروق وتكون دبلوماسية وتساير وتتجنب نقاشات الي لا بتقدم ولا بتأخر وممكن تتعرض لنقد ولوم في بعض المواقف المحرجة خليك حذر وبلاخص بالامور العائلية .. يومك في اختبار لقدراتك وكيف ممكن تتجاوز توترات .. شراكة عمل او عاطفية وشي مهم انت مقبل عليه والبعض بتشغلوا قصة جمعية مالية او سكنية وعم تتفق على شي مع اخ ..
عاطفياً:المرتبط عزز علاقتك والمتزوج روق كتير وهدي والاعزب شراكة جديدة .. بدك تساير هاليوم مو بايدك احسن ماتكبر القصة وتنهي وضع عاطفي شوية دبلوماسية لتقدر تستمر .. في ضغط من شريك وعم يكبر الوضع وانت امام خيارات جديدة ولازم تحسم امورك .. لاعزب حب جديد بيدخل لقلبك او البعض عم يعمل شراكة عاطفية جديدة ..
صحياً:مشاكل بالمعدة او الكولون وسبب في زعل وعصبية تجنب هاشي

القوس ♐
مهنياً:يومك في امور شغل بالبيت وتراكم اعمل من شغلك والتزامات حتى كمان بدك تنتبه ماتجهد حالك وتكون حريص على صحتك .. رتب امورك بشكل منيح يمكن عندك ضغط بالبيت وناس كتار وزيارات وهاشي ممكن يتعبك جسدياً ويخليك تصرف مال .. احسم امورك ونقاش بامر مهم او عم تتفق على شي عيد حساباتك وخلص المهم وانتبه من الاعطال والحوادث وفرصة سفر ومال رح يجيك من شغل ..
عاطفياً:الوضع متقلب عند المرتبط محتاج اهتمام وتصرفات ماعم تعجبك لهيك لا تنفعل وتكبر القصة افضل ماتروح لوضع عاطفي متعب روق وخليك متل مابعرفك لان عندك القدرة تتجاوز اي طارئ بوضعك ..
الاعزب والمرتبط جديد امورك افضل وتغيرات على صعيدك الشخصي ..
صحياً:أنتبه من وعكة صحية ممكن تزور طبيب او تسأل أخصائي وعملية للبعض .. وفي تحسن من وضع متعب وعم تعمل شي جديد ..

الجدي ♑
مهنياً:يومك منيح وتغيير لصالحك عم ترتاح من قصة بالبيت وفي كلام حلو بحقك وبتلاقي تقدير لجهودك يوم في ناس كتار وعزائم ولمة حلوة والتزامات او واجب عم تقوم في وزيارات .. ثقة ومكانتك بترجع وبتشوف اشخاص الك زمان ماشفتا في حكي بأمور مالية وناطر شي مالي منيح او مبلغ هاليومين تواصل بيكبر وحل لقصة وشي بخص لانجاب والاطفال
عاطفياً:عم تتحسن امورك العاطفية وعم تراعي الشريك وعم تقدم الي فيك عليه يوم جيد وعندك اوقات حلوة بتواصل طويل وعم تتمسك بالمبادئ رغم انك عم تعمل كتير اشيا كرمال الشريك وعم تصلح الامور وتقدم بالوضع وكتير مهم تستغل المواقف وتقضي وقت حلوة … من الايام لحلوة لتبدأ قصة حب جديدة بعيد عن الاجواء صاخبة والمشحونة ..
صحياً:بدي تنتبه تكتر هالفترة من تناول الحلويات مشان الاسنان وسكري .. ممكن زيارة لطبيب او مراجعة هالفترة او لصحة حدا من اهلك .

الدلو ♒
مهنياً:عم يكون في اهتمام عائلي وقصص ضمن البيت وعم تزور حدا مقرب اخ او اخت وعم تهتم بصحة حدا وممكن عزيمة ولمة عائلية وفي تغيير مكان او تغيير ديكور وتصليحات بالبيت .. حاول تنتبه لكلامك مع حدا من اهلك وكون دبلوماسي حتى ماتتطور نقاشات لمشكلة .. في مصاريف بالبيت وعلى اهلك ومرق هاليوم ع خير والمسا انت افضل ..
عاطفياً:مانك مرتاح ولامور مو ظابطة اليوم حاول لا تخلي شي يأثر على وضعك العاطفي وتعلم من اخطائك ولا تعطي ثقة لمين ماكان .. في برود وركود عاطفي لهيك فكر بحالك وبمصلحتك ولا تزعل على شي حاول ترتب امورك العاطفية مع العائلية لتوصل لحلول مشتركة وتخلص من ضغوط مع نهاية هاليوم مافي شي رح يبقى على حالو وناطرك شي حلو وتغيرات مفاجئة بأجواء عاطفية من المسا ..
صحياً:مشاكل المفاصل واسفل ظهر والقدم او الحوض والازم تراجع طبيب اذا لزم الامر .

الحوت ♓
مهنياً:عم يكون يومك افضل وتحسن نفسي ولقاءات واتصالات وعزائم ومناسبة او سهرة وجفي تواصل كبيى وعم تفكر تعمل شي على مواقع تواصل وعم زيد الاعجاب وشعبيتك وبكون في دعم من صديق او اخ الك وفيك تسافر او تطلع مشوار وتخلص ضروري بيومك وقصة بيع او شراء وعقار وناس جديدة بس كون حذر من الاعطال والحوادث وقصة عائلية..
عاطفياً:تحسن مع شريك ويوم داعم للعلاقات العاطفية .. بتكون مميز وتجذب الجنس الاخر الك العين عليك وتعارف جديد عند الاعزب .. المرتبط وضعك بيتحسن رغم التوترات الي كانت موجودة استغل هاليوم اذا عندك لقاء لتقضي وقت حلو ورومنسي مع الشريك وتتمتع بجاذبية عالية وتحسن علاقتك ..
صحياً:التهاب بلعوم واعراض كريب وكتر من تناول الحمضيات وخفف تدخين ومنبهات ..