ابراج آخر يوم بالسنه _ الخميس 31/12/2020

الحمل ♈
مهنياً:مواضيع مالية وعقارية بتشغلك بحاجة لحلول ..
نظم امورك وعيد حساباتك وكون دقيق .. عم تتعرض لشوية ضغوط ضمن بيتك او بلامور العائلية بشكل عام وحاسس بتوتر وقصة ممكن تشغلك لاحد اخواتك او ابنائك عم تهتم بأمور عقارية او يمكن الها علاقة بعقد ما او اجار عند البعض او ممكن تغير بيتك .. انت محتاج تكون لحالك وترتاح تحمل شوي وفترة وبتمر طول بالك وبلا ماتكبر المواضيع وتعصب ونشالله تحسن كبير بيرجع ..
عاطفياً:مرق هاليوم ع خير وكتير اخبار حلوة ناطرتك كون هادئ هاليوم وبلاخص بالمعاملة وبلا ماتعصب وتدايق مانك مرتاح وحاسس في قلت اهتمام ومشاكل وماعم تفهم على الشريك لان هو مو فهمان حالو .. حاول دافع عن نفسك ضمن المجال صحيح بعيد عن الاستفزاز وتوترات بالعلاقة ..
صحياً:نقاشات وتوترات مع البعض قد تسبب لك بوضع صحي وانت مو ناقصك مشاكل صحية فوق مشاكلك نتبه له شي وروق مافي شي مستاهل .

الثور ♉
مهنياً:مابعرف اذا عم تفكر بأجازة او حابب تبعد عن الاجواء المشحونة انا معك بهاشي لترتاح نفسيتك .. قادر توصل وتنجح وممكن شراء شي مهم عندك حاول تكون واقعي بيومك ولا تحلم كتير وكلشي بوقتو حلو .. لا تهتم للوعود وللكلام وخلي كلشي على ارض الواقع ولشي الملموس .. فرصة لشغل او تنقل وحركة وسفرة قصيرة تواصل واتصالات مهمة وهاشي بحسن من شروطك وطاقتك بهاليوم لتنجح برغم من كل الصعوبات والعراقيل ..
عاطفياً:انت كتير حليان اليوم وجاذبيتك وسحرك عم تمارسه ع الكل وانت بموقع كتار بدهم القرب منك لازم تكون اكتر شفافية وسلاسة وكون واضح بتعامل وفيك بهاليوم تتقرب من الشريك اذا موجود وتحل بعض الامور العالقة او لتتقرب من شخص بهمك امرو .. استغل هاليوم بأوقات ولحظات حلوة وتواصل واتصالات ..
صحياً:الرياضة مفيدة الك بلاخص لاعصابك..وعم تتفق مع رفقاتك او مع ناس بمشوار او سفرة قصير لتغير جو كتير منيح الك هالفترة وبشجعك على هاشي

الجوزاء ♊
مهنياً:قصة مالية بتشغلك وهاشي عم يخليك مدايق ومصاريف بتكتر ويمكن في قبض بس لازم تفكر بموارد افضل لتتكيف مع ظروف ومابيخلى الامر من تتطورات عم تكون لصالحك وعم تغير من طريقتك وحتى الوضع حواليك عم يتغير وممكن عم تفكر تتعلم شي جديد او تفوت بمجال او شغل جديد لا تتهاون بشغلك وتابع امورك ونظم امورك المالية بشكل جيد ..
عاطفياً:برغم من جاذبيتك بس يبدو مانك بأفضل أيامك يمكن مانك عم تتحمل الوضع ومامرتاح من الشريك وتصرفاتو لازم تتفهم وجهة نظرو ولا تعمل من الحبة قبة وتكبر القصص يوم متقلب عاطفياً .. والبعض بفكرك بشريك قديم ومابيعرف شو بدو ارتباط وحب وعاطفة بيكبر اءا مرتبط حديثاً..
صحياً:اي عارض صحي ممكن تشعر به مهما كان صغير تابعه ولا تهمله وبتعد عن الانفعالات ممكن تسبب لك وضع صحي

السرطان ♋
مهنياً:القمر ببرجك استعد لامور مالية وتحسن مهني مرتاح اليوم والحظ حدك وبرافقك بكلشي بدك تعملو حاول تبذل جهد لتوصل وتنجح ومافي شي بيجي من دون تعب بلاخص اذا الحظ عم يساندك بادر بالحلول وبأيجاد خطواط اكثر فاعلية بتحقق نجاح بشغلك وعود ايجابية .. وممكن تكتشف بعض الاشخاص على حقيقتها تحسن بيومك وطاقة وسفر قصير ونقاشات مهمة ..
عاطفياً:جذاب وعاطفي والعين عليك فرصة لتظبط امورك برغم من الوضع ما كان منيح او سوء تفاهم كان موجود يوم فيك تصلح الوضع وتمرقو على خير وتلاقي حلول .. حاول تفهم الشريك وتوصل عاطفتك وحبك بشكل اوضح واستغل انك من الايام الي بتكون فيها بكامل جاذبيتك لارتباط وحب والقلب بدق من جديد ..
صحياً:نتبه لأكل اليوم ممكن عندك عارض صحي ممكن بالجهاز الهضمي او بالمعدة بتحديد..

الأسد ♌
مهنياً:روق هاليوم ولا تتسرع ونتبه منيح وامورك كتير رح تتحسن من الثلاثاء .. حاول تخلص الامور ضرورية هاليوم ولا تفوت بنقاشات وساير قد مافيك بدون انفعال وعصبية لانك كتير ضايج ومكركبة امورك وعم تعاني من خذلان البعض الك .. عم تفكر بشي خاص فيك ممكن تقدم على عملية شراء او عندك اهتمام بمشوع وعروض مقدمة .. نتبه من كسر او ضيع شي مهم واعطال ..
عاطفياً:اخبار حلوة هاليومين بس اليوم مانك مرتاح والشريك ماعم يأدي دوره بشكل فعال وهاشي كتير عم يدايقك وحتى ممكن تاركك لحالك تواجه الامور والمصاعب وممكن عم يتولد عندك حالة من فقدان ثقة وماعم تقدر تواكب الوضع العاطفي .. والوحدة عم تأثر فيك منيح نتبه له شي .. البعض عم يكون في مفاجئة حلوة من قبل الشريك بكلام حلو وعم يرفع معنوياته بعد توتر كان حاصل بدو يراضيك مو بكيفو ..
صحياً:قلقان لوضع صحي ممكن الك او لحدا بخصك كتير حاول تنتبه منيح.

العذراء ♍
مهنياً:يوم مساعد الك.. تنقلات وحركة وناس حولك وانت افضل اجتماعياً وعم تكون بين رفقاتك وقادر تنجح وتوصل وتتواصل بهاليوم ويكون الك خصوصية معينة عم تتغير الاجواء لصالحك واشياء ايجابية بس نتبهلي من أرأئك وحافظ على نجاحاتك ولا تتكاسل وتابع بتحسن امورك نحو الافضل .. راحة نفسية وجسدية .. كمان بيحملك هاليوم عزيمة او دعوة ولمة حلوة …
عاطفياً:برغم الوضع انت افضل عاطفياً بهاليوم.. لا تكون مندفع زيادة ولا تتراخى مع الوضع ع الأخر لاندفاع ممكن يوقعك بمشاكل وتراخي ممكن تنفهم غلط .. حاول تكون وسطي بعواطفك وتبع حدسك واحساسك بهدوء .. يوم حلو ومميز عاطفياً استغل جاذبيتك ومحبة ناس الك لتكون منيح وتلاقي اعجاب فيك ..
صحياً:لا تجهد حالك بهاليوم جسمك بحاجة لراحة كمان خلص شغلك وشي المهم بس ..

الميزان ♎
مهنياً:مهام جديدة ومسؤوليات وتحديات بيومك فكون جاهز الها .. بحاجة لتكون حكيم وترفع منسوب التركيز لا تتسرع ولا تصعد اي خلاف خليك واثق من نفسك ونتبه على سمعتك .. لا تخلي الوضع المحيط فيك يأثر عليك بشكل سلبي لان ممكن في سوء تفاهم وممكن تخسر صديق مقرب او شخص غالي عليك .. عندك فرصة بهاليوم لتشوف حدا مهم او مقابلة وممكن تبحث عن شي جديد وحلول لمشاكلك خليك مركز على امورك الخاصة وبتعد عن ناس سلبية بحياتك ونشالله امورك بتكون منيحة .
عاطفياً:نتبه للاشاعات ولاخبار المغرضة بهاليوم لا تتسرع ونتبهلي لكلامك وتصرفاتك وحسبها صح برغم انو هاليوم عم يكون في امور عشوائية لانك انت مو مرتاح من جوا بلاخص للمرتبط الخيارات محدودة اما الاستمرار او نتحمل الوضع كما هو .. الاعزب والمرتبط غير خاطب او متزوج عم يقضي وقت حلو واتصالات ممتعة مع الشريك ..
صحياً:عندك نوع من تعب والارهاق النفسي والعصبي نتبه من هاشي رح يأثر على صحتك.

العقرب ♏
مهنياً:القمر ببرج السرطان الصديق .. اجواء مميزة وتطورات ايجابية تواصل ونجاح وبتقنع الكل برأيك ..
عم ترتاح للأجواء نوعاً ما وكتير في أحداث عندك طاقة وحركة وافكار جديدة ومجازفة وعندك حلول ومبادرات لكتير قصص عم تتلقى اتصالات لدعوات او عرض ما وسفر قصير وعم تتحرر من القيود .. ونتبه من ناس الي بوجهين ..
عاطفياً:جاذبية واندفاع عاطفي وماعم تتهدا وارتباط ممكن عند الاعزب .. خبر حلو بتتلقاه هاليوم وهاشي بيعطيك راحة وطمأنينة وبزيد طموحك لتحسن علاقتك مع الشريك .. كون سلس بتعامل ولا تعقد الامور لان في قصص صغيرة بدي منك لا تعمل من الحبة قبة او تكون عنيد فيا.. ولا ترد على شائعات وبادر لتحسن امورك لان كتير ظروف بتساعدك له شي خليك بحد الشريك وامنحه الامان وثقة ..
صحياً:تحسن صحي وشفاء من مرض ونفسياً بترتاح كتير وتمتع بصحة جيدة هاليوم

القوس ♐
مهنياً:يوم رح يكون في مسؤوليات وتطورات جديدة وممكن تعمل مصالات يوم مهم لنتخلص من ضغوط ولتأسس لمرحلة جديدة افضل بالحظ ونجاح وطاقة .. اليوم بدي منك تعتمد على حالك ولا تنطر حدا حتى مايمنن عليك لان البعض ممكن يشكك بقدراتك على الوصول ونجاح .. فترة مهمة عندك لتتخلص من امور قضائية او محاكم وقانونية اذا عندك .. نتبه للامور المالية لانك مشغول بقصص مالية ونقاشات بالمال ..
عاطفياً:حب جديد ناطرك والمرتبط بدك تهدي حالك وتبعد عن توترات ونرفزة وتوجيه الكلام العشوائي ..
بدي منك تعطي وقتك لعاطفتك بعيد عن اجواء العمل لان ممكن هيك قصص تأثر على وضعك العاطفي حاول تكون دبلوماسي وخفف من طباعك الحادة وروق بمعاملتك عندك فرصة ليصير تقارب وايجاد مخارج وحلول لهذا الوضع بهيك يوم ..
صحياً:نتبه تضعف وحدا يغريك بطعام خلي اراتك قوية وقاوم هالأغراءات ولا تقول بس هالمرة لان الوزن بلش يزيد ها نتبه ..

الجدي ♑
مهنياً:مابعرف شبك بس توتر وحاسس بضيق بصدرك وبدك بس لترتاح من شي كتير شاغلك فاقد القدرة على تركيز وافكار عم تاخدك وتجيبك وبدك تعمل كلشي لكن مربط صديقي انت بحاجة لتهدي من نفسيتك وتروق وكلشي بوقتو حلو خلي عندك ثقة انو الانفراج رح يكون كبير بلايام الي جاي الوضع الي عم يتعبك مارح يضر غيرك لاتهتم لكلام البعض او اذا في مضايقات رتب امورك وفي اوراق بأيدك فيك تستخدمها عند لزوم لمهم تكون حكيم بمعالجة بعض توترات والمضايقات وبلا عصبية .. كمان بدي البعض ينتبه للمعاملات وسجلات ويدقق فيها منيح حتى بيشغلك قصة عقد او شراكة او شريك .. لا تخاف مرق نهارك ع خير ولا تكبر الامور كلو الو حل…
عاطفياً:داري الوضع ونتبهلي على علاقتك هالفترة مابدي ياك تخسر حب سنين بغلطة او خطأ بينحل بشويت تفاهم هدي اعصابك ولا تتردد او تحتار بشي اليوم لتوصل للاستقرار وممكن البعض عندو ارتباط .. وفي تواصل بعلاقات متعددة عند البعض ويمكن في مين ناطرك وعم تعاني البعد عنو ..
صحياً:نتبه على صحتك هالفترة وخصص وقت لرياضة سبق وحكيت انو ممكن تزور طبيب اسنان او جلدية بس انت أجلت الموضوع فاتحمل تبعات هالفترة

الدلو ♒
مهنياً:لا تخلي لاعمال تتراكم عليك وخلص شغلك الي بأيدك لتبلش بشغل تاني كون دقيق بمواعيدك وبحساباتك وبلش بضروري .. في كتير اعمال ممكن تقوم فيها بس خلص المهم والي محتاجو وممكن في اختبار او امتحان جهز حالك هاليومين وفرصة لتعبر عن افكارك وشي جديد وسفر ممكن او مشوار .. فكر منيح بحالك ولا تخلي تفكير السلبي يسيطر عليك لتطلع من هالوضع المتعب نشالله قريباً ..
عاطفياً:ماعم تلاقي حل وبرودة بعلاقاتك .. عم ضيع بين علاقة قديمة او أرتباط جديد او عندك حنين لشخص .. لا تلتفت للوراء وعيش يومك والي بقي معك تمسك فيه ولا ترجع لعلاقة متعبة خلي عينك لقدام دائماً وخليك واثق بحالك وبعاطفتك وأحساسك وبتوقع في ناس كتير معجبة فيك وتواصل عم يكبر ويزيد مع شخص شفتو بعد فترة طويلة ..
صحياً:عم تعاني من خدران او حساسية جلدية وممكن حاسس بأنتفاخ بمكان ما لا تهمل الامر وشوف طبيب

الحوت ♓
مهنياً:القمر ببرج السرطان الصديق يوم جيد بالحظ وطاقة يوم واعد بتطورات ايجابية وفرص متعددة ومشاركات وفعاليات واخبار حلوة وعزايم بيدعمك هاليوم بأفكار غنية وقدرة على تواصل ولتحقق نجاح بمجالك وهاد كلو لانو عندك أصرار وتصميم .. ممكن في شي مالي عندك او اذا بحاجة مساعدة لا تتردد لقاء مهم وعندك تنقلات وفرصة لسفر قريب بدي قلك مبروك او بدي قدمك تهاني ممكن هاليومين ..
عاطفياً:اجواء بتتحسن مصالحات وشريك قديم الى الواجهة من جديد .. جاذبية كبيرة وعاطفة حلوة لتحسن امورك وحاول تستغل هاليوم بمبادرات وحلول وتحسن عاطفتك ومشاعرك لان في نوع من البرودة والفتور بالعلاقة فيك تتجاوز هاشي اليوم وتبادر لتملك قلب الشريك افضل من سوء تفاهم الحاصل خلي ثقة موجودة لتحل امورك .. فرصة الارتباط وشريك قديم ممكن يرجع..
صحياً:عم تعاني الم بأسفل الظهر نتيجة الجلوس لفترة طويلة على شاشة التلفزيون او الموبايل ورا المكتب حتى نتبه من تحريك او حمل شي ثقيل..