أبراج اليوم _ الجمعه 18/12/2020

الحمل ♈
مهنياً:العشرية الاولى اجتماعي وقصص بتخص موسسة حكومية والثانية والثالثة عاطفة ومال وعلاقات كتيرة .. علاقات اجتماعية وانت افضل لتحسن امورك صح عندك ضغط وناس كتير وعم تعالج امور كانت متعبتك وبدك تلحق امورك بهاليوم الاضواء مسلطة عليك وعلى شغلك وممكن مال يجيك من شغلك وعم تفكر تغير شي او تعمل تغييرات وكتير يومك في لقاءات مع رفقاتك واهلك وناس بتحبن وعزيمة ومساعدة اذا طلبت ..
عاطفياً:البرود والفتور بالفترة الاخيرة تعبتك ومن حقك ترتاح في اشخاص حواليك كتار لهيك بدي منك تفكر وتختار صح وتبقى عم تفكر بلاستقرار .. يومك افضل علاقات كتيرة وحب عم يكبر وفي مصالحات والحظ بيدعمك بحلول جديدة بتكون مميز وساحر وجذاب استغل هاليوم اذا عندك لقاء لتحسن وضعك ..صداقات ممكن عم تتحول لاعجاب وارتباط وعلاقات حميمية وسرية عند البعض.
صحيا:مشاكل بصدر وحموضة وصداع بعد عن تدخين لان وضعك متقلب ومو مستقر يعدو

الثور ♉
مهنياً:العشرية الأولى علاقات وعاطفة والثانية والثالثة شغل ومال .. علاقات اجتماعية وموضوع مهم ومصيري بنسبة الك حاول تركز وحافظ على سمعتك من القيل والقال .. بتجهز الاختبارات بيومك ولازم تكون صاحي ولا تخالف او تغلط لانو الغلط ممنوع بشوية هدوء وتركيز بتنجح وبتوصل .. ممكن عمل جديد او تحسن بشغلك او نقل لو كان في مسؤوليات لازم تكون قدا وفرصة عند البعض لشهرة وشعبية كبيرة وعلاقات وبتعمل شي جديد على مواقع التواصل الاجتماعي ولا تاكل هم المال هاليومين ..
عاطفياً: امورك نوعاً ما افضل وفي اخبار منيحة الك وتتطورات جديدة .. بشكل عام المتزوج والمرتبط وبلاخص الي علاقتو متوترة بدك تنتبه على وضعك حتى ماتخسر لا تنفعل وتكون عصبي وحاول تكون دبلوماسي لتستقر أمورك شيل الافكار سودة من راسك ولا تبقى لحالك وتقرب أكتر .. الاعزب بتخطط لشي جديد وبتدرس خطوة جديدة وعلاقة رح تكبر ..
صحياً:بتبلش ترتاح من قصة صحية حاول لا تفكر كتير وتعب حالك وممكن صحة حدا بالبيت متعبة

الجوزاء ♊
مهنياً:العشرية الاولى قصص بشغلك وناس وعلاقات والثانية والثالثة اوجه غريبة وسفر بيشغلك واتصالات واجواء افصل .. تحسن بوضعك وبتقنع برأيك اتصالات او لقاءات مهمة وناس كتار وجديدة وعلاقات حلوة وسفر او مشوار وتنقلات .. عم تتحسن امورك المهنية وفي تقدير لجهودك حركة بيومك خليك واثق من حالك ولا تتردد بحل مشاكلك بشغلك وبيتك استغل هالفترة لصالحك وجهز لاختبار مهم هالفترة والبعض بتشغلو قصة سيارة او موبايل ..
عاطفياً: جاذبية وسحر خاص وبتأثر على الكل عانيت من فترة متعبة من الشريك وكان في توتر وصعوبة بتواصل او خف بالفترة الاخيرة يومك داعم الك عاطفياً رومنسي في تفاهم وتقارب بيومك وخبر حلو وشريك عم يتواصل والاعزب في اعجاب وناس جديدة عم تدخل حياتك وتواصل بيكبر ..
صحياً:لا تعب حالك جسدياً وفكرياً وريح حالك ونام منيح وبنصحك تبعد عن ناس الي كلها طاقة سلبية

السرطان ♋
مهنياً:العشرية الاولى سفر وتنقلات وناس وامتحان والثانية والثالثة مال بيشغلك .. بتشغلك امور مالية عائلية بيومك وامور مشتركو بتخص المال حتى بعض ديون والالتزامات وحاول ضب ايدك على مصاريفك بلاخص اذا اجاك مال .. بتتخلص من امور كانت مؤجلة وفي موضوع قانوني بدو حل .. حاول تبتعد عن قصص حوليك وهتم بشغلك وبيتك بتكون مشغول بس بشوية تركيز بترتاح بتوصل الاتفاق او شراكة في اتصالات مهمة تواصل واجواء عائلية ولا ترد على بعض الاستفزازات.
عاطفياً:عندك فرصة استغلها لترجع علاقتك وحبك وتعمل مصالحة .. عيد حساباتك بهاليوم ولا تكون استفزازي وعصبي ولا تتسرع بقراراتك لان اليوم منيح وممكن يتغير في كتير قصص وممكن تلاقي حلول كتيرة بعلاقتك وتحسن ايجابي بعاطفتك وجاذبيتك.. لقاء او اتصال رومنسي المهم حاول تقضي وقت مع الشريك لترجع متل ماكنت ..
صحيا:اعطي صحتك الاهتمام والوقت واستفيد من هاليوم لتطلع ع حديقة او مكان حلو او تلعب رياضة

الأسد ♌
مهنياً:العشرية الاولى قصص مالية والثانية والثالثة علاقات وشراكات وقصص جمعيات اما مالية او سكنية وانت مو ع بعضك .. في كذا قصة عم دايقك بالبيت او مع اخواتك وانت مكركب حاول لا تتسرع بأي شي مو مضمون فتروة وبتقطع .. بعد عن تشائم وفكر بعقد جديد او شراكة بقصة مع حدا لان في عرض او شراكة وبتجهز اوراق كون دبلوماسي بتعاملك وبعد عن توترات والاستفزازات وكون مساير بهاليوم لترتاح وانتبه من الحوادث اذا في سيارة ..
عاطفياً:محتار بيومك حتى في قلق داخلي عم تعاني منو حاول لا تزيد الكركبة بوضعك ولا تكبر الامور مع الشريك اي سوء تفاهم ممكن يسبب توتر وتنهي علاقة .. اذا كنت خالي من الحب عندك فرصة لارتباط وشراكة جديدة وتواصل طويل ..
صحياً:صداع برأس ومساكل الاطراف والبعض عندو اهتمام بتجميل وعالم الموضة

العذراء ♍
مهنياً:العشرية الاولى مال وشراكات والثانية والثالثة شغل وصحة … ضغط ومسؤوليات وصحة بتشغلك
رتب امورك وانتبه شوي مالياً عم تحسم امور بشغلك او ممكن تم اتفاق وبتكون كتير مضغوط بشغلك ومسؤوليات كل مانها عم تكبر وبتحس كلو اجا بوقت واحد وماعم تلحق .. نظم امورك ورتب وضعك وبلش بالمهم لتخفف عنك هاضغط وتبعد عن المشاحنات وتساعد بوضع العيلة وبتقدر تغير جو بسهرة ولمة حلوة ..
عاطفياً:مابتعرف شو بدك ومحتار بوضعك بكفي ولا لأ
دور على حب يغير من الواقع شي احسن ماتبقى مكانك راوح وتقضيا وعود فاضية او عطاء فرص ع الفاضي .. مانك مرتاح وفي ضغوط من الشريك ومافي انسجام وتفاهم وبتحس في تناقض .. بدي منك تكون حذر من ضغوط ولاحتكاكات والكلام العشوائي خليك واثق بحالك وبعد عن المشاكل بيومك حتى ماتخسر لا ترد على كلام ناس وفكر بحالك بس .. وتواصل مع شريك او حب قديم ..
صحياً:أنتبه من مشاكل المعدة او وضع صحي متعب ضمن بيتك وغير جو بمكان منيح

الميزان ♎
مهنياً:العشرية الاولى شغل ومشوار وأنتبه على صحتك والثانية والثالثة عاطفة ومال ..طاقة واخبار حلوة وتحسن بعد تعب من قصص شغليتك وعملتلك توترات بلاخص بتلاقي حلول لمشاكلك العائلية والمهنية .. استغل الفرص بهاليوم وممكن في مفاجئة حلوة .. اجواء حلوة واتصالات كتيرة وشي بخص المال والاطفال المهم لا تأجل شي وتخلص ضروري ولا تتكل على حدا.
عاطفياً:من الايام المميزة عاطفياً استغل فيها جاذبيتك وحليان والعين عليك وحضورك ملفت يوم في حب وعاطفة حميمية واذا شريك بيستاهل معلش ساير وقدم شوية تنازلات ممكن غيرة وشكوك زايدة لا تتردد بالمبادرة وخلي عندك ثقة بحالك .. اوقات حلوة بأنتظارك وفرصة بوقتها .. بتعود الامور لوضعها طبيعي وصلحة وحل لمشكلة مع الشريك .. ممكن شريك قديم او اشخاص قديمة ترجع تحاكيك .
صحيا:صحتك منيحة بس المسا أنتبه من اي وعكة والتهابات ومشاكل بالعضلات والعيون.

العقرب ♏
مهنياً:العشرية الاولى مال وعاطفة والثانية والثالثة قصص عائلية وتنقلات واجواء بالعيلة .. بتشغلك قصص كتيرة وتوتر يمكن بالعيلة وبتحس حالك فاقد لطاقة او مالك نفس على شي .. عم تكبر المسؤوليات وضغط عم يزيد حاول تنتبه على وضع العيلة او بعض العلاقات حواليك او شي صحي وبتكون بحاجة للمال .. في نقاشات وتغيرات او نقل لسكن او مكان جديد .. في سوء تفاهم ركز وروق نشالله بيمرق هاليوم لا تخاف حاول تساير وتكون دبلوماسي ..
عاطفياً:عم تعاني روتين بحياتك العاطفية وشوية جمود وبرودة ولازم يكون في تغييرات واهتمام اكتر وضخ دماء جديدة بالعلاقة في غيرة زايدة وتعب وفي استفسارات وشريك متعبك .. روق وهدي شوية كركبة لا تخليها تعملك مشاكل كبيرة كلو بينحل ولامور رح تتحسن بس روق هاليوم لان كمان ناطرك اجواء حلوة تدريجي .
صحياً:في عندك تعب وارهاق في قصة عائلية بتشغلك او صحة حدا بعيلتك

القوس ♐
مهنياً:العشرية الاولى قصص عائلية والثانية والثالثة تنقلات وحركة استغل يومك والفرص الي ممكن تجيك .. صح عندك شغل ومجهود عم تبذلو لكن بتنجح عندك فرصة تنقلات بيومك حتى ممكن تدخل شي جديد او علم جديد او بتجهز لاختبار وقصص دراسية عندك .. بتكتر الاتصالات ولقاءات وبتنشط أجتماعياً حتى عندك موضوع بخص أحد الاخوة او المقربين وقصة عقار قادر توصل صوتك وتكون محوري ويوم في عزائم او سهرة وزيارات بس انتبه من الحوادث والاعطال ..
عاطفياً:استغل هاليوم لتعزز علاقتك وتحل مشكلتك وفرصة لمصالحة .. لازم تطلع من الاجواء الي عم تمر فيها والاجواء المحيطة الي عم تسبب ضغط اكتر عليك يوم بكون داعم الك ليكون في تبادل للمشاعر ولقاءات او اتصالات وبتقدر تقنع بأفكارك وتمتلك الجاذبية في شي حلو بيومك وممكن بدك تهدي او تتلقى هدية او تغير شي عندك .. والبعض لا تتسرع بشي وختار صح ..
صحياً:عم تعب حالك بامور انا مو شايفها مهمة او مو وقتها هلق انتبه على صحتك وطاقتك بهاليوم .

الجدي ♑
مهنياً:العشرية الاولى مال والثانية والثالثة دفع وتنقلات وعم تجهز لشي وحسابات .. تغيرات نسبية بشغلك قرار جديد او شغل جديد عم دور قصص هاليوم بين تنقلات وقصص مالية اغلبها مصاريف عم تكتر لكن في قبض مالي او مكافئة الك حتى ممكن يصير نقل عند البعض بشكل عام وضعك بدو ترتيب وبلاخص المالي عم تعيد حساباتك وفيك تتأقلم مع الوضع لان عندك الارادة وتصميم مرق هاليوم لترتاح وبتشوف ناس الك فترة ماشفتها او جديدة وحاول تغير جو بمكان ترتاح في او عزيمة .
عاطفياً:مو مرتاح بيومك وتواصل عم يخف والمشاعر فيها برود وتصرفات الشريك ومعاملتو متغيرة ..حاول تتقرب أكتر وتعطي الاهتمام وانت خفف شكوك وغيرة ولا تتسرع بشي حتى ماتتعرض لنقد ولوم وكلشي بالهدوء ورواق بصير .. حتى البعض ممكن يكون في مشكلة بسبب مال او مصاريف وحاسس بالوضع لا يحتمل .. لمرتبط جديد والأعزب تواصل واتصال وشخص بيرجعلك .
صحياً:انتبه من كريب والبعض لازمو تحاليل .. وانتبه من تفخة وريح حالك

الدلو ♒
مهنياً:العشرية الاولى مال والثانية والثالثة طاقة وحظ .. بتطلع من تعبك وحظ وطاقة بيومك اخبار حلوة ناطرتك وحلول لعدة مشاكل وبتفكر بمشروع جديد بتتحسن امورك تدريجي وانفراجات ونشاطات بتقوم فيا واتصال بيحمل أمور أيجابية والبعض فرصة لنقل قريب .. بتلاقي دعم والمساعدة عندك حرية بالحركة وتصرف وعم ترجع ثقة ومكانتك بتعود .. في نقاشات وحسم وامر مالي واذا بحاجة لا تتردد .. صدقات وناس كتار واجواء حلوة ..
عاطفيا:قادر تكسب قلوب وتلفت نظر وتكون محط الانظار بيوم داعم عاطفياً .. جاذبية وحليان و واثق بحالك وبتصرفاتك ومانك ندمان على شي اخبار حلوة بيومك ثقة بترجعلك وتبادل للافكار في اوقات حلوة واتصالات وسهرة ولاعزب حب جديد بدق بابك او بتحس اهتمام من اشخاص كتار والمتزوج نتبه ع وضعك شوي ..
صحيا:خفف سهر ونام منيح لان ممكن تعاني تعب وارهاق وكسل بسبب الجو رغم طاقتك لكبيرة .

الحوت ♓
مهنياً:العشرية الاولى نتبه على علاقاتك وتغيرات تدريجي والثانية والثالثة علاقات اجتماعية كتيرة ومانك مرتاح للبعض الي حواليك .. انتبه للوضع المال من خسارة مال او شخص غالي لهيك نتبه من سوء تفاهم وخفف قلق ومابعرف حاسس او في شي مفاجئ وطارئ بيومك .. بدي منك تخفف من حدة كلامك ونقاشاتك بشغلك وببيتك ومع رفقاتك حاول تمرق هاليوم بلا مشاكل وفي ناس منافقة .. حاول تطلع برا البيت وتغير جو ولازمك عزيمة وتنتبه شوي لصحة والعيلة..
عاطفياً:لاتزعل ع حدا مابيستاهل ويومك بدو هدوء وعدم تسرع بلاخص انو شريك في امور عم يتجاوزها .. فكر بحالك وكيف تكون رايق بعيد عن جو توتر ولامبالات .. أنتبه لنقاشاتك معو مافي رضى عن الوضع .. لا تكبر الامور مابدي ياك تخسر ولا تكون عنيد ومستفز وروق وخليك منطقي بتعاملك وأهتم بحالك .
صحياً:عندك مشاكل هضمية لهيك اذا شفت اكلة طيبة شوي شوي على معدتك