أبراج اليوم _ الثلاثاء 8/12/2020

الحمل ♈
مهنياً:العشرية الاولى علاقات واتفاق وشراكة والثانية مال وعاطفة والثالثة شغل وترتيب امور وصحة .. بدك تحافظ على هدوئك بنهارك وبلا عصبية واستفزاز .. شوية ضغط بنهارك ويمكن قصة حدا من اهلك عم تشغلك وخبر حلو ناطرك .. اتصال بخصوص شغل او سفر .. المسا انت افضل عندك دراسة لفكرة جديدة او شغل شراكة او مال علاقات مميزة وناطر حدا او قصة حدا مقرب وعزائم ..
عاطفياً:تجنب الاصطدام مع الشريك في قلة اهتمام وعدم الامبالات هاشي ممكن يوصل لتوتر وزعل او البعض ممكن ينهي علاقة متعبة .. البعض فرصة لتم شراكة او اعجاب عم يتوضح وانت بحاجة لشخص يستاهلك ويهتم فيك ويعطيك راحة العاطفية .. حدث مهم ايجابي قادم او تحديد موعد وشي معنوي بيوصلك من شريك ..
صحياً:شفاء من مرض او خبر صحي منيح للبعض وانتبه على زيادة الوزن وعكة لحدا بالعيلة

الثور ♉
مهنياً:العشرية الاولى شغل وعمل ومسؤوليات والثانية صحة وتنقلات والثالثة عاطفة ومال .. بنهارك في حلول ولاجواء افضل خبر منيح واتفاق وبيرجعلك شي فقدتو .. المسا مضغوط شوي حاول تكون بعيد عن نقاشات ولقاءات الي بلا طعمة نظم امورك ورتب وضعك وفرصة عند البعض ليدخل شغل جديد او تتلقى دعم ومساعدة وهاشي كلو رح يحسن وضعك صحي ونفسي تدريجي المهم لا تعب حالك بنقاشات ولقاءات فاضية .
عاطفياً:يومك بحاجة لمبادر او تكون رايق بلاخص اذا في لقاء .. اجواء ايجابية تواصل واتصالات وحل لوضع عندك والبعض عندو ارتباط .. بنصحك تبعد عن علاقات متعبة او قديمة ع البال وهاشي صار لازم تحطلو حد .. المسا في عتب ولوم واسئلة بتحس فيها شكوك أنتبه لردت فعلك وتصرفاتك ولا تخاف نشالله الامور نحو تحسن ومتل مابدك لمهم تنتبه لكلامك وحكيك وتبعد عن اي توتر .. لبعض بفوت بارتباط جديد وضبابية بتروح وبتحسم امورك .
صحياً:تحسن صحي الك بعد تعب رافقك .. والبعض انتبه على صحة حدا مقرب المسا..

الجوزاء ♊
مهنياً:العشرية الاولى مال وعاطفة والثانية اطفال وتنقلات ومال والثالثة قصص عائلية وعقارية .. شوية قصص بالعيلة وشاغلك وضع البيت او حدا من اهلك وتصليحات او نقل وممكن سوء تفاهم مع حدا بعيلتك او عزيمة وعم تهتم بحدا ضب ايدك على مصاريفك المالية وممكن تقبض كمان ..المسا طاقتك بترجعلك وتدريجي بتتحسن امورك وخبر حلو ومفاجئ واجواء واتصالات وانطلاقة جديدة ..
عاطفياً:عندك ضبابية بنهارك وبتحس تفكيرك واقف وافكار بتاخدك وبتجيبك .. لا تخلي هاشي
يطور لمواجهات ونقاشات حادة مع الشريك .. المسا انت افضل لتلاقي الحلول وبتخف ضغوط والحظ بساعدك لارتباط جديد او قديم ع بالك استغل المسا للاتصالات واجواء رومنسية وتواصل او لقاء ولتهدي الوضع مع الشريك .
صحياً:شفاء من مرض والبعض لا تجهد حالك بشي مو الك ..

السرطان ♋
مهنياً:العشرية الاولى قصص عائلية ويوم عائلي وتجهيز وتصليح والثانية لقاءات واتصالات واختبار وثالثة سفر وعقارات واوراق .. يوم منيح اذا عندك اختبارات لتنجح وتوصل وتطلع تغير جو وفي ناس جديدة وعلاقات رح تكبر وممكن على مواقع تواصل والبعض بفكر بسفر هالفترة قصص عقارية وبتخص منزل بتشغلك بتفكر بنقل سكن او مكان عملك وعندك حركة اتصالات يمكن بخصوص بيع او شراء ونقاش مالي والمسا اجواء عائلية وقصة بتخص حدا من عيلتك او علاقتك عم تكون مع الأهل ..
عاطفياً:بنهارك افضل في انسجام وتواصل ولقاء او اتصال .. المسا أنتبه من سوء تفاهم ولا تكبر القصة .. تصرف بدبلوماسية وافتح صفحة جديدة بلاخص في نقاشات واوراق قديمة ومطالب جديدة وبعد عن الماضي .. وقصة عاطفية بالعيلة عند البعض ..
صحياً:المسا انتبه على صحتك وصحة حدا بعيلتك والقيل والقال عم يتعبك

الأسد ♌
مهنياً:العشرية الاولى سفر واختبارات والثانية تنقلات واجواء حلوة والثالثة قصص مالية بتشغلك .. عم تشغلك قصص مالية بين صرف وقبض ومستلزمات ونتبه من شوية اعطال عندك ورتب امورك وحاول بنهارك لا تعمل شي مهم .. المسا انت افضل بتتخلص من بعض العراقيل بتتلقى اتصالات كتير وفي لقاء مهم وحركة وحرية اكتر وتنقلات وعزيمة وبدك تشتري شي جديد وقصة موبايل وبيشغلك موضوع سفر .
عاطفياً:خفف نقاشاتك وكلامك مؤثر ضب لسانك اليوم .. بتعاني من سوء تفاهم وردة فعل ومشكلتك عم تكبرها ومو راضي عن الوضع .. عم توجع راسك بقصص صار فيا حكي كتير او في شكوك عندك الوضع مو لصالحك لاتخلي امور صغيرة تخرب العلاقة روق وهدي واعطي شريك فرصة يحكي ويعبر عن مشاعرو .. المسا بتحل شوية مشاكل اتصال طويل وتواصل وبتقنع بوجهة نظرك والبعض بقضي هاليوم سهرة مع الشريك او مشوار حلو .
صحياً:تحسن صحي نفسي بشرط بلا عصبية وانفعال وخفف اكل بهاليوم

العذراء ♍
مهنياً:العشرية الاولى قصص مالية وثانية شغل وعلاقات والثالثة وضعك افضل .. امورك بنهارك افضل خلص المهم عندك اهتمامات شخصية وتغيرات عم ترتاح من بعض ضغوط وعندك راحة وتحسن .. بعد ضهر في قصص مالية بين قبض ودفع وامور مالية رح تشغلك وعرض جديد في نقاش في حكي ومستجدات بشغلك وبالمال او بدك تشتري او تغير شي لهيك ضب ايدك وفي مصاريف على عزائم او صحة ..
عاطفياً:استغل هاليوم لتلاقي حلول لمشاكلك وتعزز علاقتك بشريك وتقرب منو نهارك حلو ورومنسية ويفضل تكون الاتصالات او لقاء بنهار ولا تأجل شي .. المسا حاول تهدي مع الشريك وتحافظ على الاجواء لا تتسرع بقراراتك وخفف من نقاشاتك بلاخص المسا .. الاعزب لا ضيع وقتك بعلاقات مامنها نتيجة ومارح تجبلك شي مهم ..
صحياً:تعب والجهد ممكن يأثر على صحتك لهيك ريح حالك .

الميزان ♎
مهنياً:العشرية الاولى تحسن وتغيرات والثانية تنقلات وعلاقات والثالثة اجواء اجتماعية وناس مهمة ولقاءات ..بعدك محتار وامورك ماعم ترتقي لشي لبدك ياه لا تستعجل وهدي بنهار وانتبه من سوء تفاهم بعلاقاتك ..تدريجي بتتحسن طاقتك وثقة بتعود من جديد وبتتجاوز بعض المتاعب وحل لقضية متعبة ..المسا حظ واخبار منيحة وعندك شراء لشي وتحسن تدريجي بالمال او خبر بخص المال البعض بجهز لسفر او اختبار ..
عاطفياً:تراشق اتهامات وفي عتب .. خليك جاهز لاسئلة ونقاش ولا تكبرها حتى ماتتعرض لكلام مو لصالحك .. برواق يومك بيتحسن اكيد جاذبيتك وسحرك بيرجعو والعين عليك واخبار بتريحك .. استغل فترة المسا لتحسن الوضع وتقضي مع الشريك بسهرة او اتصال وتواصل والبعض في اعجاب وبداية لارتباط جديد او في تقارب وانسجام هاليومين .
صحياً:شوية احتياطات بوضع الصحة مابضر ولا تعب حالك امورك بخير انشالله

العقرب ♏
مهنياً:العشرية الاولى علاقات اجتماعية ومشوار وعزائم وتحسن تدريجي والثانية مال وتغيرات وضب ايدك والثالثة علاقات واهل واطفال وعاطفة واجواء حلوة .. علاقات اجتماعية وناس بتحبا واجواء حلوة .. بعد ضهر قصة عم تتأجل ومانك مرتاح حاول تهدي بعد ضهر بما يخص شراكات مهنية او علاقات ضعيفة عندك التزامات وشوية شغل خلص ولا تتأخر والبعض عندك اختبارات ومال وضب ايدك على مصاريف المالية ولا تجازف بشي مالي ..
عاطفياً:أبتعد عن الازعاجات والمضايقات ولا تخلي حدا يدخل بعلاقتك وكون حريص بامور العائلية ممكن تدخل بوضعك بعدا العين عليك كون حذر .. اجواء فيها حب واتصالات وتواصل واجواء اكثر حميمية وعلاقات صداقة ممكن تتحول لحب بقادم الايام ..حاول تتريث ولا تستعجل بشي أنتبه لثقتك بمين بتحطها كمان ..
صحياً:طاقتك بترجعلك وتحسن تدريجي وبتطلع من وضع صحي ..عليك بممارسة المشي يومياً

القوس ♐
مهنياً:العشرية الاولى يوم في عاطفة ومال والثانية يوم للعلاقات وتسلية والمرح وسهرات والثالثة علاقات وقصص بشغلك او مكان مهم قريباً .. مضغوك و بدك تلحق مانك مرتاح باول نهارك وفي قصص بشغلك وظيفتك وأمر طارئ وانتبه لعلاقتك مع المرؤوسين شوية ضغط صبح وبعد ضهر قصص مالية ورواق بيتحسن وضعك وفي مساعدة واجواء اجتماعية وتواصل وعزيمة وبتتلقى اتصال مهم وبدك تشتري شي وموضوع مالي وبدك تهدي او تتلقى هدية ..
عاطفياً:حاول تهدي بنهارك وبلا انفعال وعصبية وأهتم بحالك اكتر وجهز حالك لحظ معك .. في حكي كتير بيومك وشريك في عندو مطالب او تعليقات بدي منك تتفهم الامور وتبرر موقفه وتتقبلها بكل رحابة صدر .. صلح الوضع وكون دبلوماسي ولا تعند على امور مو مستاهلة .. امورك المسا افضل تطورات عاطفية وعلاقات حميمية ولقاء مهم..
صحياً:البعض ممكن يحتاج عملية او تحديد موعد .. بدي منك تريح حالك وتهتم بحالك بعدو الوضع الصحي مو جيد ..

الجدي ♑
مهنياً:العشرية الاولى علاقات وشغل وسمعة والثانية ناس جديدة واجواء وعزائم واتصالات وفي قلق من قصة قلقان لا تخاف والثالثة سفر وتنقلات واوراق حكومية بس نتبه من الحوادث .. بترتاح من قصة متعبة او كنت اكل هما اتصال وتواصل وناس جديدة وعزائم وسفر صباحاً .. خلص المهم ومصاريف كتيرة
والبعض في قصة شراكة او عقار بتشغلك وركز منيح اذا عم تحضر الاختبار او امتحان .. المسا قصة بتخص شغلك او وظيفتك اجواء اجتماعية حلوة رغم ضغطوط والمسؤوليات فكر تشوف ناس بتحبا .
عاطفياً:الاعزب لا تتسرع ولا تحسم امر بعلاقتك في شوية ضبابية بتروح .. المتزوج لا تفكر كتير وشيل شكوك من راسك وخفف نقاشات بلا طعمة شريك ماعم يستوعب وكبرانة القصة معو .. استغل فترة نهارك لتغير الامور وتواصل افضل وحدا عم يتقرب منك ..المسا بلاخص المرتبط حاول تتخلص من بعض ضبابية بعلاقتك وتعالج بعض المسائل وشكوك ولا تكبر الامور بالوقت الحالي بتوقع نشالله بتنجح بهاشي بدك تساير وتاخد الشريك على قد عقله..
صحياً:مانك مرتاح صحياً في خربطة بجسمك وارهاق نام منيح وبلا سهر هالفترة ..

الدلو ♒
مهنياً:العشرية الاولى اتصالات كتيرة ولقاء مهم وسفر وامتحان والثانية عقارات واوراق واختبار وتنقل قصير والثالثة يوم للمال والالتزامات وضب ايدك .. بتتخلص من بعض القصص المتعبة وانفراج بوضعك وعم تعيد حساباتك المالية ومال بين قبض ودفع وضب ايدك في تسديد لالتزامات وديون وقصة بيع وشراء ..المسا بتتحسن الامور فيك تتحرك وتتنفس الصعداء وبتسمع خبر بخليك تتفائل طاقة وحظ واتصالات حلوة وحركة اكتر وناس جديدة.
عاطفياً:لا تحسم امورك واذا الشريك بيستاهل اعطي فرصة جديدة .. في قلق عم ينتابك بلاخص انت تعب وبدك تستقر وترتاح من كلشي لا تتسرع وخود وقتك .. مرق نهارك على خير والمسا انت افضل بترتاح ولامور بتكون لصالحك قرار مهم واتصال عاطفي وجذاب وساحر في اعجاب وفرصة ارتباط وممكن صدفة او شريك قديم بيومك والبعض في حكي بسفر او لقاء بشريك ..
صحياً:رح جسمك وانتبه من لرطوبة زائدة ولا تفكر كتير خفف شرب منبهات ونام منيح

الحوت ♓
مهنياً:العشرية الاولى قصص مالية والثانية شراكات ومال والتزامات مالية الثالثة شراكات عاطفية وديون وشراء .. هدي بنهارك بشغلك او بعلاقاتك مع الاصدقاء في ضغط وشغل ومسؤوليات حاول لا تعصب .. امورك المسا افضل حلول ومال بتقبض بس ضبلي ايدك لا تأجل شي واستغل الاجواء وعندك تسديد التزامات وقصة دين او ميراث فيا حكي..
عاطفياً:لا تكون عنيد بحاجة لاعادة السيطرة وبسط النفوذ .. فكر منيح قبل ماتاخد اي قرار مهم حتى ماتندم في ضغوط ومجبر على شي واقتراحات ماعم تلبي طموحاتك .. لمسا امورك بتكون افضل لتلاقي حلول وفي اعجاب وبنصحك خود وقتك .. البعض في قصة مالية عم تكون عند الشريك او مال عم يدخل بعلاقتك عم يأثر سلبي بلاخص المتزوج..
صحياً:ريح حالك وانتبه من تقلبات طقس والمسا يعني امورك بتبلش تتحسن ..