أبراج اليوم _ الجمعه 4/12/2020

الحمل ♈
مهنياً:شوية تغييرات بالبيت وديكور ومن ضهر افضل انت .. بحاجة لمساعدة وحلول وتسويات وقصة حدا من اهلك تصليح او تجهيز وموضوع في حكي كتير .. بعد ضهر القمر بيعطيك الطاقة والحظ وتحسن تدريجي بوضعك وحلول لمشاكل وتحسن مهني وبيجيك مال .. استغل فترة بعد ضهر أجواء حلوة ناطرتك واتصالات وعزائم وقصة اطفال .
عاطفياً:مو مرتاح صبح وضايج وافكار مخربطة بعد ضهر جاذبيتك بتزيد وحلول وتطورات مفاجئة وخبر حلو ناطرك .. بتكون احسن وامور مهمة عندك لتقضي اوقات بين حب وارتباط وبتسمع كلام حلو استغل فترة المسا لكلشي حلو نشالله لتواصل وتقارب وتعارف وعلاقة ممكن تتحول لحب بشكل سريع .. وبلاخص المتزوج هدي صبح وتغيرات منيحة المسا لصالحك ..
صحياً:ممكن خبر بخص الانجاب او تحسن صحي عندك ولا تفقد العزيمة والارادة بأي شي ممكن يحسن صحتك

الثور ♉
مهنياً:نهارك افضل بعد ضهر قصص عائلية .. خلص المهم بنهارك اذا في لقاء او اختبار او اذا بدك تسافر بتكون امورك افضل اتصال مهم او لقاء بدك تحط نقاط على الحروف في ..من ضهر قصص بتخص العيلة ومسؤوليات جديدة وعم تأجل بعض المواضيع الي مو وقتها وعم يكون في عرقلة بقصة ما او قصة ببيتك عم تعبك وشكلك مشغول بحدا الامور بدا رواق ودبلوماسية وصبر لتتجاوزها لمة وسهرة مع عيلتك ..
عاطفياً:لا تتسرع بكلامك وتصرفاتك وطنش قدر المستطاع طيبة قلبك خليا على جنب ومو كل الاوقات لازم نسامح دنيا دوارة وحقك بيوصلك .. حاول لا تصعد الامور ولا تخلي علاقتك تاخد منحى أخر فكر بهدوء وهدي من عصبيتك ولا دخل الامور العاطفية بالعائلة .. والبعض عندو قصة او فرحة بتخص حدا بالعيلة ..
صحياً:مزاجك متقلب لهيك بعد عن الاجواء الي فيا ضجيج وحكي كتير وريح راسك من صداع ..

الجوزاء ♊
مهنياً:مال الصبح وتنقلات وتحسن من ضهر .. كون جريء بشغلك لا تتردد حتى لا توقع بمشاكل اتخاذ القرارات بشكل عشوائي مو لصالحك عندك مال صبح بين دفع وقبض .. من ضهر طاقة بتزيد واتصال وتواصل وخبر منيح واذا ناطري شي بيوصلك ناس جديدة بيومك وحركة للبيع وشراء عندك اهتمامات شكلية واتصالات ومفاوضات وحلول لمشاكل تعبتك وبتفكر بسفر او عم يشغلك هالفترة وخبرات جديدة وقصص دراسية او امتحان ..
عاطفياً:جهد عاطفي عم تبذلوا بلاخص اذا في زعل بدك تراضي رغم برودة المشاعر .. الامور بتتحسن بعد ضهر والمسا في تقارب وانسجام نوعي وتغييرات بوجهات النظر عم تزيد جاذبيتك وخبر منيح الك بتكتر الاتصالات من المسا او اذا في لقاء افضل الك وحكي كتير ومشاعر و انتبه على اسرارك او لمين عم تحكي الي جواتك ..بادر ولا تتردد لتغير الوضع لصالحك لامور المسا فيها انسجام وتفاهم ..
صحياً:تجنب تحريك او حمل الاشياء الثقيلة حتى لا تتسبب لنفسك مشاكل الظهر والرقبة والمفاصل

السرطان ♋
مهنياً:أستغل الفرص الصبح واي شي مهم عندك عملو عندك طاقة والحظ بساعدك وبتخلص شغلك وتنقلات وحركة وفايق بكير لتخلص شغلك .. من ضهر قصة بتخص مقرب او شي طارئ وأخبار بدا تركيز وامور مالية بدا تشغلك بين دفع وقبض حاول تنتبه لوضع العيلة ..
عاطفياً:مصالحات وحب جديد واعجاب .. تغيرات عاطفية تواصل وحكي كتير جاذبيتك عالية وعندك حيوية ومؤثر على الجنس الأخر بتسيطر على الوضع من جديد وعم تقلب الامور لصالحك حاول تعطي اهتمامك لشريك ولا تصعد الخلافات بلاخص فترة المسا خفف شوي من نقاشات ..
صحياً:نظم وجباتك الغذائية والاهم الوجبة الاولى وخفف منبهات ع ريق

الأسد ♌
مهنياً:روق بنهارك ومن ضهر امورك افضل.. انتبه على علاقاتك باول نهارك ولا تزعج حالك كرمال حدا مابيستاهل واي شي مهم اجلوا .. من ضهر القمر بيعطيك طاقة وحظ وتحسن وراحة وانفراج وعم تعالج مواضيعك وعندك شعبية عم تزيد ولمة حلوة تحسن مالي وبتغير جو وتنقل قصير واخبار حلوة ناطرتك وبتحسم امر صار في حكي كتير .. ولمة حلوة وسهرة واجواء ممتعة ..
عاطفياً:يوم بحسن العلاقات عند المرتبط والاعزب اعجاب والمتزوج هدي صبح .. شوية رواق ودبلوماسية بتعامل والحظ من ضهر بيعطيك الجاذبية وبتكون حليان وأعجاب فيك من الجنس الاخر يوم لتعالج بعض الامور عندك ولتقضي وقت حلو وتسمع حكي حلو او لتتعرف بشخص عن طريق صدفة او من خلال شغلك ومحيطك واعجاب عم يطور بشكل تدريجي وعودة شريك وخبر عم تسمعو ..
صحياً:تعب صحي وعكة خفيفة عند البعض وهدي بأعصابك

العذراء ♍
مهنياً:مال وعلاقات وشخص مهم وتواصل .. خلص المهم وضروري صبح وحاول لا تتكاسل او تأجل شي لبعد ضهر لان مو لصالحك لا تتردد بطلبك او اذا بدك مساعدة .. بعد ضهر في عندك نوع من الحيرة او خيارات متعددة حاول لا تحسم شي هلق وهدي هاليومين شوي وفكر بقرار مناسب او شراكة تحسن وضعك المالي وانا بشوف تستعجل ولا تتردد صبح افضل .. يوم اجتماعي علاقات وناس كتار وتواصل مع شخصية مهمة ..
عاطفياً:فكر بمستقبلك العاطفي وضح مشاعرك ونيتك تجاه الشريك وخلي صراحة موجودة .. بعد عن المشاكل او من نقاشات بلا طعمة توصلك لسوء تفاهم وبلاخص فترة المسا مو ناقصك وجع راس بعرف مضغوط هاليومين .. تفكير بالماضي مارح يجيب نتيجة ولا تهتم للعلاقات العابرة الي من الاساس عم تحسها فاشلة ومارح توصل لشي بدك ياه ..
صحياً:عم تهتم لموضوع اطفال او انجاب واي وعكة صحية لازم تشوف طبيب

الميزان ♎
مهنياً:من ضهر مال وعاطفة وراحة .. الحظ بيدعمك هالفترة بتغيرات لصالحك وامور ايجابية وفرصة مهمة عندك بحاجة تستغلها او اي مجال جديد ممكن تفوت في او قصة او قضية لتنجح فيها .. يوم بتشوف ناس واشخاص بتحبن وعم تمتلك طاقة والحيوية ونشاط واشخاص عم تتقرب منك وفي مساعدة بيومك اذا بحاجة .. لاجواء افضل وبلاخص بعد ضهر وقصص مالية وتنقلات او سفرة ومشوار وعزائم ..
عاطفياً:الاعزب والمرتبط امورك افضل وحب وغزل وجاذبية عالية .. حاول تكون متواضع وتنازل شوي في تطورات ايجابية وعم تطلع من حالتك تدريجي عم تتقرب اكتر من الشريك والمسا في شي حلو وبلاخص اذا كنت منفتح على الشريك وعلى مستقبل العلاقة .. علاقات متعددة او تواصل اخر واتصال حميمي .. واذا في جفا استغل فترة المسا لحل بعلاقتك او صلحة ..
صحياً:نام منيح ولا ترهق حالك صداع برأس متعبك واذا طر الامر شوف طبيب

العقرب ♏
مهنياً:اتصالات وتنقلات والتزامات بدك تخلصها حاول تلاقي حل لوضعك وتستغل فترة نهارك وتعزز علاقاتك وممكن تشوف ناس الك زمان ماشفتا او جديدة عم تتعرف عليها وعم تبحث عن امور مهمة وكتير عم تهتم بامور ضمن بيتك وعم يكون في مال ومصاريف ع تصليحات او شي بخص البيت او صحة وحاسس بضيق وكركبة شوي .. بعد ضهر بدي منك لا تجاذف بأي شي وأنتبه وكون حذر من اي قصة بتخص شغل او زملاء والعائلة وممكن البعض عندو شغل جديد واتصال او شي بخص وظيفتك ..
عاطفياً:حسم لقرارات واتفاق وشي على قصة معينة جذاب وساحر وتواصل بنهارك .. المسا روق وحاول لا تكون مستفز وعصبي وتنازل شوي وهديلي حالك وامورك نشالله بتستقر لانك كتير تعبت من هاضغوط وحاول تفهم كلام الشريك منيح واتصال حلو للمرتبط جديد والاعزب صدفة وتغيرات قادمة ..
صحياً:أنتبه ع صحتك او صحة حدا بعيلتك وممكن تزور طبيب او اذا ناطر شي بخص تحاليل او صورة لا تخالف تعليمات والتزم بالحماية

القوس ♐
مهنياً:قصة مالية ومصاريف وشوية تعب صبح والوضع تدريجي بينقلب لصالحك ..ضبابية ومانك صاحي نقاشات بتخص شغل ومال وقصة قضائية .. بعد ضهر القمر بيعطيك طاقة بتزيد تدريجي وبتطلع من تعب الي كان مسيطر عليك وعم تتجاوز عراقيل بيومك اتصالات مهمة بتحملك امور ايجابية وتحسن بأوضاعك بشكل عام .. بتكون مدعوم باجواء حلوة وتنقلات وعزيمة وركز على امور دراسة واذا بدك تسافر خلي سفر بعد ضهر ..
عاطفياً:تحسن عاطفي ولاجواء افضل عم تتجاوز وضع عاطفي متعب وعم تتخطى بعض العراقيل وممكن حدا يوقف معك او بساعدك بحل ما او مشكلة او ليصير صلحة وتمرق هالمشاكل الي تعبتك وبلاخص الخطوة الاخيرة ماكانت عم تظبط وضعك بتلاقي هاليومين اخبار حلو وجاذبيتك غير شكل والاعزب عندك شي حلو وشريك قديم ممكن يتواصل او صديق غالي عليك ..
صحياً:بحاجة تغير جو وتطلع من تعبك اذا في عزيمة او مشوار لا تتردد

الجدي ♑
مهنياً:بتشغلك شراكات بهارك ومن ضهر امور مالية ..
عندك شغل ومواعيد وبدك لتخلص لترتاح من نق وكتر الحكي احسم امورك والبعض ممكن يعرض شراكة عليك .. تحسن تدريجي من ضهر وفرصة هاليومين لتقبض مال او حوالة وانفراج بوضعك واخبار حلوة ناطرتك استغل يومك لتنجح وتوصل .. عندك عزيمة والعيون عليك هالفترة وعلى شغلك ضب ايدك على مصاريفك المالية لان عم تعبك نفسياً.. بيشغل البعض موضوع دين او ميراث ومصاريف على عزائم وامور صحية ..
عاطفياً: تملك وسيطرة واستفزاز من شريك حكي كتير بس الفعل قليل كلشي بالهدوء ورواق بينحل لمهم تستوعب الشريك وتتقرب منو لا تعمل من الحبة قبة وأحسم امورك العاطفية او خيار عم ياخد تفكير كتير منك لا تصعبها وتكون عنيد وبادر بعلاقتك لشي أيجابي بلاخص فترة المسا فترة منيحة الك لحلول وحسم وسهرة حلوة .. اتصال وتواصل وفرصة لارتباط او علاقة عم تتطور عند البعض ..
صحياً:مشاكل البلعوم والاسنان والمعدة وممكن طبيب للبعض ..وممكن ترتاح من وعكة متعبة

الدلو ♒
مهنياً:صحتك عم تشغلك وشراكات بيومك .. وضعك متقلب وغير مستقر وضابية بعدا موجودة رتب امورك ونظم وقتك ولا تخلي تراكم الاعمال يسبب تعب ركز على المهم وخليك سريع ولا تتهاون بشي .. الخيارات متعددة بس الحلول أهم لتريح حالك لا تخلي عصبيتك ومزاجيتك تعملك مشاكل سواء مع مقربين منك او مع حدا بشغلك .. بعد ضهر امور افضل وقصص شراكة عم ترجع من جديد ركز منيح ولا تتسرع بشي بمايخص المال وتعاملك مع المسؤولين او المقربين منك ..
عاطفياً:فكر بحالك ولا تهتم للحكي وللمقربين وعلاقات ماعم تجبلك نتيجة حاول تتجنب أخطاء وقعت فيها سابقاً او تعطي ثقة لشخص مابيستاهل .. لا تخلي شي يأثر على معنوياتك وانت بتمتلك الارادة والقوة لهيك شي .. محتاج شخص يفهمك ويكون مناسب فرصة حلوة عاطفياً كون جاهز لتغييرات بوضعك او شراكة زوجية هالفترة .. يوم جيد بعد ضهر لتغيرات عاطفية وشراكات جديدة او لتعزز شراكتك مع الشريك ..
صحياً:ممكن في طبيب او مشفى بيومك وحابب تطمن عن وضعك .. والبعض بيشفى من مرض

الحوت ♓
مهنياً:الحظ معك صبح لهيك لا تتأخر وبعد ضهر مضغوط وانتبه على صحتك .. خلص امورك ولقائاتك صبح وممكن تقبض هاليوم او تشوف ناس بتحبا .. لا تتأخر بأنجاز اعمالك المهمة ولا تأجل شي لان مو لصالحك .. بعد ضهر عندك مسؤوليات جديدة وضغط وماعم تعرف كيف بدك تتخلص من هاشي اي قصة ممكن تصير معك المسا بنصحك تروق وتهدي ولا تكبرها .. توتر وتعب صحي الك او لحدا بعيلتك وأبتعد عن نقاشات طويلة وحكي بشغل جديد المسا..
عاطفياً:اذا عندك لقاء او بدك تعمل اتصال خلي بنهارك الحظ داعم واجواء أفضل وجاذبيتك كبيرة تحسن عاطفي بلاخص الاعزب والمرتبط جديد او اذا ناطر مبادرة من شخص .. المتزوج نتبه من بعض الامور العاطفية المسا او سوء تفاهم وتوتر بعلاقتك وأنتبه على اسرارك ولا تكون مندفع بكلامك وتصرفاتك .. البعض أنتبه من بعض العلاقات الي عم تكون مصالح او استغلال وبنهاية ماعم تجيب نتيجة مهما صار فيها تطورات ..
صحياً:ضغط ممكن يولد تعب صحي شكلك مو رايق او ماعم تتحمل حدا أنتبه من وعكة الك او لحدا بالعيلة