أبراج اليوم _ الأربعاء 25/11/2020
الحمل ♈
مهنياً:القمر ببرجك بيعطيك طاقة ايجابية وتحسن نوعي بوضعك بعد اسبوع كنت كتير تعبان في بتطلع من حالتك المتعبة ومن جو الكأيب الي مسيطر عليك عم تبزل جهد وعم تحقق انجازات عم تكسب خبرات وممكن تحقق شي مالي حتى علاقاتك بتتحسن ويوم في لقاءات ولمة حلوة وثقة المحيط فيك بترجعلك وبتشوف حدا غالي عليك ..
عاطفياً:جذاب وساحر والعين عليك .. ماكنت مرتاح بعلاقتك بس اليوم عندك فرصة لتحسن وضعك ويكون في اجواء حلوة ورومنسية او لحتى يكون في نوع من تفاهم مع الشريك بلا مزاجية وتردد .. حاول تتقرب اكتر الحظ بساعدك وكمان فيك تتخلص من حب تعبك كتير لتدخل بحب جديد قريباً ..
ولاعزب امورك افضل وتحسن بوضعك وممكن ارتباط جديد او تطور بعلاقة ما..
صحياً:كتير مهم انك تابع نظام غذائي جيد امورك صحية اليوم افضل نتيجة تحسن الظروف نفسياً
الثور ♉
مهنياً:القمر بالحمل يوم للعلاقات وناس ماعم تتركك بحالك رغم انت عم تحاول تبتعد قدر الامكان عن المشاكل .. اليوم بدو شوية تركيز من المحيط حتى ماتتعرقل امورك واعمالك الي ناوي عليها تجنب هاناس وبلاخص انت بعدك عن ناس راحة الك .. نتبه لاعمالك مابدي حدا ينتقدك لانو عم تعاني تأجيل بامورك وممكن عرقلة بموضوع مهم بدك تروق هالفترة بس ..
عاطفياً:انت بحاجة تتطلع من روتين الممل بحياتك العاطفية وبلاخص هاليوم عم يحملك توتر والوضع مو ظابط والشريك مو مريحك حتى يمكن عجزت عنو وانو كيف ممكن تتعامل معو وعم تكون بحيرة من امرك وفعلاً ماعم تعرف شو تعمل ولا شو بدك بيوم صعب تعامل في مع الشريك ..لهيك روق وفكر بحالك احسن مادمر نفسك من جوا وانا عم انصحك تعيش حياتك وفكر بمستقبلك العاطفية بطريقة تريحك نفسياً ..
صحياً:متل مابتهتم بأمور أخرى أهتم بصحتك حتى لا تسبب لنفسك مشاكل صحية او تعب نفسي
الجوزاء ♊
مهنياً:القمر بالحمل يوم للعلاقات ولقاءات وناس بتحبا وصدفة حلوة بيومك فرصة سفر او مشوار والحظ بساعدك اذا بدك تطلب شي .. يعني كمان بدك تنتبهلي شوي على مزاجيتك لان كمان عندك شوية عصبية وصوتك طالع بس بتروق وبتهدي ولا ضيع وقتك بأمور مو مهمة ومابتجيب غير الهم الك حتى ماتعرقل بعض الأعمال لديك ..
عاطفياً:حديث مطول ممكن يدور بهاليوم بس بدي منك لا تعمل من الحبة قبة ولا تكبر الامور ممكن الشريك حابب يتقرب او يحل موضوع ما..بدك تروق وتكون هادي لتحل مشاكلك وماتعب حالك اكتر من هيك وقدر الأمكان لا تبقى لحالك ولا تبتعد عن الشريك.. والبعض عندو علاقة حميمية وتطورات فيها.
صحياً:حاول لا تستسلم لنوم او تعب او انك تكون قلق من بعض الامور ولا تخلي الافكار والاوهام تسيطر عليك وانت اليوم بصحة جيدة
السرطان ♋
مهنياً:القمر بالحمل بتكون منفتح عالعالم الخارجي وامور بتخص العمل وعلاقاتك الاجتماعية .. لازم تستغل طاقتك لتخلص شغلك وتبتعد عن العصبية شوي عندك ضغط شغل وتحديات وضع البيت مكركب شوي خلص المطلوب منك ونتبه من ناس المقربة منك وحاول لا تفوت بمواجهات او مشاكل ومرق هاليوم ع خير واذا بدك حاول كتير تلتفت للامور ترفيهية بيومك بلمة اوسهرة او مشوار ..
عاطفياً:يبدو انو في تنقير حكي من شريك وشريك مطالبو مابتخلص بدي منك شوي تروق او طنش لان بدو كلشي كن فيكون واذا عندو مطالب مقبولة فيك تعملها حاول كتير تستوعب المواقف ولا تعطي اهمية بلاخص اذا كنت عم تسمع كلام مو عاجبك او اشاعات وفيك تلتقي بشريك اليوم بس متل ماقلتلك هدي وروق..
صحياً:حاول ترفه عن نفسك قد المستطاع ولا تبقى بالبيت وقضي وقت حلو وحاول تخفف شرب منبهات
الأسد ♌
مهنياً:القمر بالحمل حظ وطاقة واجواء اجتماعية حلوة بعد اسبوع كتير تعبك وامور ماكانت لصالحك عم تطلع من حالتك وبتكون احسن وبتفكر تحسن امورك وتحاول من جديد .. بتقلب الامور لصالحك وفي دعم بساندك ومستجدات جديدة فرصة لتحقق نجاح او ممكن سفر قريب وعندك لقاءات واتصالات مهمة وناس جديدة عم تكون متفائل بلاحداث ونتائج عم تكون مرضية الك نشالله ..
عاطفياً:المرتبط انفراج وتحسن والأعزب ارتباط ..
بدك تهديلي حالك وتنتبه لمجريات الاحداث العاطفية ممكن البعض تتحسن الامور لصالحه وعم يلاقي انفراج وتحسن وممكن يصير لقاء واتصالات ولاعزب استغل هاليوم لتبدا علاقة جديدة .. والبعض قد يكتشف نوع من الخيانة بلاخص اذا علاقتك متوترة بالشريك كتير ..
صحياً:نتبه على وضعك الصحي جهد زائد و التهابات ومشاكل بالقلب عند البعض ونتبهلي من الحوادث
العذراء ♍
مهنياً:القمر بالحمل بتنشغل بأمور مالية .. بعد تعب اليوم في تحسن بكتير امور عندك مصالحات وانفراج مالي او ممكن تحصل دين او مكاسب جديدة بتخف ضغوط عنك تفكير وطاقة وامورك اهدا من قبل عم تتحسن علاقاتك وممكن اذا في مشكلة مع حدا ممكن تنحل بهاليوم فالاتخاف وروقلي حالك واجواء حلوة وعائلية او مع رفقاتك والبعض بحاجة لتمويل او قصة ميراث بتشغلك …
عاطفياً:فرصة هاليوم لتلاقي حلول بعد كام يوم كتير صعبين كانو وانت كنت عنيد ومو رضيان تستسلم للوضع بس ليوم ممكن يصير شي الي بدك ياه وممكن تتحسن امورك مع الشريك وعم يكون عندك صلحة عاطفية وعم تهدي الاجواء وعم تراجع حساباتك وهاشي افضل الك .. والبعض ممكن يلتقي بشريك جديد يمهد لخطبة وزواج في المستقبل…
صحياً:اهمال صحتك ممكن يوصلك لنتائج متعبة بقادم الايام وهاشي كتير رح تزعل عليه اهتم لصحتك وتبع تعليمات وشوف طبيب من شو خايف
الميزان ♎
مهنياً:القمر بالحمل .. اتفاقيات وتحسن مالي ونتبه لعلاقاتك او تدخل بمواجهات مع حدا .. عم تهتم بمصالحك بيوم عم تكون صاحب ابداع وتركيز ودقيق حتى بأبسط الامور ولي بدك ياه لازم لكل ينفذو وفوراً .. هلق اكيد انت مابتحب المشاكل ولا لمواجهات مع حدا بس بتبعد عن ناس ماعم تترك بحالك وممكن تتعرض لضغط واستفزاز لهيك بدي منك لا ترد وتدخل بجدالات مامنها فائدة وحاول تطلع من جوك وتطلع مشوار وتحسن نفسيتك..
عاطفياً:حلول لمشاكل معقدة مبادرات كتيرة في ارتباط عند الخالي من الحب وبتفكر بمستقبل علاقتك .. والمتزوج دايق خلقو من الشريك وعلاقتك متوترة بنصحك تلاقي حل لانو تهرب من الشريك صعب كتير لاقي حل مرضي افضل الك ولا تخلي علاقات تانية دمرك ..
صحياً:عم تعاني مشكلة بلاذن الداخلية وبلاخص اذا كنت عم تعاني فقدان توازن ودوار او مشاكل بالعيون
العقرب ♏
مهنياً:يمكن ضغوط تأثر عليك وممكن صحياً .. عم تراكم قصص كتيرة عليك وبدك تخلص لترتاح انت بحاجة لشوية ترتيب وتنظيم وتخلص شغلك المهم وضروري ولا تقصر بشي او تغيب عن شغلك لان ممكن تسمع كلمتين بحقك او نقد او مسؤول يستفزك بلكلام نتبهلي شوي لامورك العائلية يمكن مانك بافضل حالاتك وممكن مشكلة او سوء تفاهم مع احد افرادها.. غير جو هاليوم او تطلع مشوار واذا بدك سفر لمكان بعيد حاول تطلع من الاجواء المتعبة والمتشنجة امورك فيها تحسن تدريجي لمهم تعرف كيف تتعامل مع المواقف ..
عاطفياً:بتحس يومك متقلبك وفي عصبية وتوتر.. اوقات واجواء حلوة لقاء او اتصال طويل او تواصل عبر مواقع تواصل الاجتماعي .. المرتبط يمكن مو راضي عن تصرفات الشريك وعم تحس انو مهمل بهاليوم بدي منك تتقرب وتعرف شو الي مغيرو .. الاعزب فرصة لتلتقي بحدا او شخص كان مقرب منك وبلاخص اذا كان عندو تعب عاطفي .
صحياً:انت بحاجة تتطلع من حالتك وترفه عن نفسك استغل هاليوم لتقدر تواصل اعمالك بقادم الايام
القوس ♐
مهنياً:القمر ببرج الحمل الصديق خبر حلو مهنياً ومالياً عم يكون في طاقة وعم تبذل جهد وعم تتحدا العواقب والعراقيل .. انت افضل الحظ بساندك وبتحل قصة بالبيت او مع اهلك او عم تابع قصة قضائية ولازم تلحقا .. اجواء افضل وناس بتلتقي فين وبتحبن وفرصة حلوة بتساعدك قريباً جداً واتصالات بتكتر وتحسن بوضعك لا تخاف..
عاطفياً:لاعزب امورك فيها تحسن وممكن البعض عم يعيش حالة عاطفية او مقبل على حالة عاطفية مميزة ورومنسية واتصالات طويلة .. ومابعرف اذا انت عم تبادر وتعترف لحدا بحبك او ممكن حب قديم يرجع يتواصل معك .. والمرتبط بدي منك تستغل هاليوم قد مافيك الحظوظ داعمة الك لتصلح الوضع وتحسن علاقتك وتعيش اجواء حلوة وبلاخص اذا عندك لقاء فتوقع انو الحب رح يكون موجود ومصالحة عند البعض ..
صحياً:امورك صحية اليوم افضل وحابب تطلع وتغير جو وانا بنصحك بهاشي لتروح عن نفسك متاعب العمل
الجدي ♑
مهنياً:القمر بالحمل امور عائلية واجواء بتخص البيت ..
رتب امورك لان عندك تنقل او سفرة قصيرة او رايح تشوف حدا بعد غيبة عندك ضغط وناس حواليك عم تضحي ع حسابك والمسؤوليات عم تزيد وقصة بتخص حدا من اخواتك ضغط شغل عندك وانت تعبان جسديا ونفسياً وفي قصص ماعم يصير فيا تقدم مع انك ناطر خبر او شي مهم نتبهلي لسوء تفاهم ولا تعمل مشاكل مع المسؤولين امورك المالية ممكن عم تشهد تحسن وممكن في مال بيومك حتى كمان عندك مصاريف مالية ضب ايدك حاول تنظم امورك وكلشي بيتحسن لا تخاف واسبوع من راحة ..
عاطفياً:البعض بعد فترة توترات اليوم عم يكون افضل وعم يستفيد من الاجواء والانسجام وحاول كتير تستغل يومك وتغير جو مع الشريك .. ولمرتبط للاسف عم يدخل بموجة معقدة بعلاقته وممكن تأثيرات الوضع او مشاكل العائلية والبيت عم تحطو بمواجهات مع الشريك بيطلب منك تكون هادي وتنتبه تضغط على الشريك لان عندو حد معين ..
صحياً:عم تكون تقليدي بأكلك وشربك وماعم تنظم وجباتك الغذائية نتبه من صداع برأس وتعب جسدي ولازم ترتاح وتنام منيح اليوم ..
الدلو ♒
مهنياً:القمر بالحمل سكن بيشغلك وفرصة سفر وبتتعلم شي جديد .. اليوم انت افضل بتبلش تتحسن امورك وشعبيتك بتزيد وانت قادر تكون قيادي بهاليوم وتشكل حلف وعم تنظم امورك وفيك تروح مشوار حلو وتتحرك وتنشط بلقاءات كتير ومواضيع عم تشغلك صار لازم تحطلها حد وممكن تخلص منها هالفترة وترتاح ممكن قضائية او قانونية .. علاقات اجتماعية وناس جديدة ولقاء مهم مع حدا بخصك بس نتبهلي من قصة عائلية ..
عاطفياً:مزاجي بعلاقتك وبدل الحب مايريحك عم يتعبك بس لازم نتخلص من هالمزاجية بتعامل انت بحاجة للأهتمام وشخص يبقى معك ويوقف جنبك .. وهاشي يمكن صعب تلاقي هالفترة .. يومك منيح في لقاءات واتصالات طويلة وصلحة وممكن شريك يتقرب منك او قديم بيتواصل معك بس انت اليوم عم تساير لغاية عندك ..
صحياً:انت اليوم حاسس بنشاط وطاقة وبعلاقات اجتماعية عم تخليك بصحة نوعاً ما افضل
الحوت ♓
مهنياً:القمر بالحمل والفلك بدور ببيت المال عندك بين صرف وقبض .. انت كتير بحاجة تطلع من حالتك لانك تعبت نظم امورك ولا تستهر لوقت عم يمرق.. عيد حساباتك المالية وضبلي ايدك ع مصاريفك وبحاجة الموارد جديدة وفرصة لتقبض مال.. نتبه لردة فعلك ومن سوء تفاهم والعصبية ولازم الي حواليك يراعو ظروفك ويكونو رايقين معك ولازمك عزيمة او مشوار ترفه عن نفسك لانو مزاجة معكر من قصة ..
عاطفياً:قصة وشي عم يزعجك او حدا عم يحاول يستفزك او مابريد الخير الك ممكن يعكر صفوة هذا اليوم .. وممكن في شويت غيرة او عم توصل لمرحلة الشك نتبه هاشي يعملك مشاكل لهيك بدي منك تخفف شكوك وغيرة اذا عندك وتقرب وحاول تعالج هاشي افضل ماتكبر القصة .. والبعض ينتبه من علاقاته سرية
وبلاخص اذا متزوج ..
صحياً:بدي تنتبه للاطعمة دسمة والبعض عم يكثر من تناول اللحومات ودهون نتبه