ابراج اليوم _ الأحد 8/11/2020

الحمل ♈
مهنياً:القمر بلاسد الصديق تحسن بيومك وخبر وانفراج .. عندك شغل وبدك تبذل جهد في مسؤوليات ومرحلة مهمة بحاجة لتركيز وصبر .. وتحسن تدريجي لقاءات وناس غالية عليك وبتشغلك قصة حدا بعيلتك .. في امور ممكن تتأجل بس لا تخاف بتنحل خفف من عصبيتك ولا تتسرع بشي وخلص ضروري يوم في اتفاق واجواء وعزيمة وبدك تنظم امورك ومواعيدك وشي بخصوص شغل ..
عاطفياً:المرتبط فرصة لتصالح وتحسن الامور بتقدر توصل وبتكون جذاب واجواء مميزة بلقاء او اتصال .. واعجاب وتواصل للاعزب .. المتزوج مانك مرتاح وامورك فيها كركبة وعم تعاني شوية توترات وصوتك طالع روق وهدي ولا تكبر القصص اكتر حتى تتجاوز اي سوء تفاهم بيومك ..
صحياً:لا تعب حالك ونتبه على صحتك وبلاخص اذا الوقت طويل او اذا عم تتأخر بشغلك

الثور ♉
مهنياً:القمر بالأسد توتر وعصبية بيومك وضع البيت زاعجك بس روق لان تغيرات افضل تدريجي بيومك.. عم يكون يومك بقصص عائلية وبعض الامور المفاجئة هدي وأحسب حساب لكلامك وردة فعلك .. قصة بيت بتشغلك والبعض ممكن تغير مكان شغلك او بيتك او بدو يعمل بعض تصليحات ع العموم قصص بتخص عقارات ممكنة بهاليوم.. تغييرات مفاجئة بشغل وحدا بعيلتك وضعو بيشغلك والمسا الامور افضل ومال او لقاء مهم ..
عاطفياً: تعبان وفي شكوك ومانك راضي عن الوضع بدك تهدي بيومك حتى مايزيد الوضع توتر ..بشوية هدوء ودبلوماسية بتقدر تكسب قلب الشريك بعيد عن العصبية وتصرفات طائشة الي مابتوصلك لحل .. انت بحاجة لترتاح مع شخص يفهمك وتفهمو ويكون بيستاهلك .. والمسا كلشي لصالحك لا تخاف وتحسن واتصال طويل او ممكن لقاء عم يكون في حكي ونقاش بامور مهمة ..
صحياً:لا تعب حالك وتجهد جسمك وتفكيرك لانو كلو رح ينعكس عليك صحياً

الجوزاء ♊
مهنياً:القمر بالاسد يوم مساعد الك لتوصل وتنجح بس بدك تبذل جهد لتوصل .. عندك حركة وتنقل ونشاط بعد كام يوم تعب و ركود .. في دعم من علاقات وعندك القدرة لتواصل ولتنجح مهنيا ولتعمل شي جديد يوم في اوراق وحركة بتخص عقارات وحركة بيع او شراء بتزيد وحتى يوم حلو لتتعلم شي جديد اتصالات ولقاءات مهمة ونقاشات وسفر وعزيمة والمسا قصة بالعائلية ..
عاطفياً:استغل هاليوم لتقارب ومصالحات وحلول عاطفية .. عم تكتر الاتصالات وفرصة للقاء مهم او عم تجهز موعد عاطفي جذاب وساحر حاول لا تتردد وتخلي الفرصة تروح من ايدك بلاخص المرتبط لتصالح وتتفاهم مع الشريك على قصص معينة .. وفي حكي بشي مستقبلي عند البعض ..
صحياً:عليك ان تقاوم بعض الاغراءات بالاطعمة لانها عم تسبب تفخة وعسر هضم وماعم تخليك تنام

السرطان ♋
مهنياً:القمر بالاسد بحاجة لموارد جديدة لتغير وتحسن وضعك ومال بيومك .. عم يكون في قبض او مردود بس المشكلة ماعم تهدي المصاري معك وصرفك عم يكون اكتر من المدخول وفي تزايد مستمر وهاشي كتير عم يسبب ضيق ومشاكل حاول تعيد حساباتك منيح .. في شي قريب منيح الك حاول تغير جو اليوم بعزائم وناس جديدة وفرصة ليجيك مدخول وتقبض وانطر اتصال وخبر او لقاء وجهز لامتحان او اختبار قادم ..
عاطفياً:مو مرتاح وافكارك مشوشة وعم تحس حالك لوحدك ومافي اهتمام حاول تهدي و لا تخلي لافكار سودة تسيطر على الوضع او تحمل القصة اكتر مابتستاهل .. في مبادرة عم يكون في شوية تنازل وعم تعيد حساباتك العاطفية ببعض المواقف .. فيك تبادر بلقاء او اتصال لتلاقي حل وتحسن الوضع من جديد .
صحياً:ضغوط ممكن تأثر على صحتك حاول قدر الأمكن تخفف عن حالك وترتاح

الأسد ♌
مهنياً:القمر ببرجك دعم على صعيدك الشخصي بعلاقاتك وانجاز .. عم تتحسن طاقتك وحظك وخبر منيح وانفراج بيومك .. عندك اصرار على تفوق ونجاح وبترتاح من ضغوط وايجاد الحلول المناسبة لعدة مشاكل .. عم تلتقي بناس الك زمان ماشفتن وعلاقات جديدة واتصالات مهمة فرصة لتنقل ومشوار وعزيمة واجواء حلوة بتقضيا ..
عاطفياً:جذاب وحليان وعم تعمل تغييرات بشكلك وهاشي عم يخلي لعيون عليك وشفاف وقادر تسحر الكل وتمتلك قلب الجنس الاخر بهاليوم وممكن حدا يعترف بحبو وكلام غزل عم تسمع .. في تطورات سريعة وهدوء بوضعك او اتفاق عاطفي وتقارب مع الشريك .. المهم تخفف من غيرتك وردت فعلك واستفزازك مع الشريك وبلاخص المتزوج ..
صحياً:ريح حالك هالفترة لتتخلص من مرض او شي جلدي وبلاخص اذا عملت عملية نتبه من المضاعفات

العذراء ♍
مهنياً:القمر بالاسد لتزم بتعليمات عندك ضغوط صبح وبعد ضهر امورك افضل وتحسن كبير .. عندك ضغط وفي شي كابس على نفسك وعم تعاني من قصص عم توجع راس او عم ترجع ع الواجهة او تأجيل .. حاول تنتبه من الامور القانونية وصحة عم تشغلك .. ريح راسك وحاول تكون اجتماعي مع ناس بتحبا والي بتعطيك طاقة ايجابية وممكن شي مهم او لقاء وقصة فيها نقاش وشي بتخص الاطفال ومن بعد ضهر امورك افضل وبترتاح من ضغط كبير ..
عاطفياً:نتبه من ناس لا بتقدم ولا بتأخر ومو شاطرة غير بالحكي لا تعطي ثقتك لمين ماكان قلبك طيب وبسامح بس هاشي عم يوقعك بأخطاء عم تتكرر.. ماعم تستوعب الأمور اليوم وردة الفعل ماعم تعجبك مرق هاليوم على خير وتطورات منيحة قادمة الك او حدث مهم على هذا صعيد بس روق بهاليوم ولا تكبرو القصص والمسا افضل ..
صحياً:مشاكل المعدة بيومك ولوضع المحيط مؤثر بهاليوم الفلك بيدعمك وخبر منيح صحياً وممكن تراجع

الميزان ♎
مهنياً:القمر بالاسد يوم حلو لتنقلات وناس جديدة ولمة حلوة بترتاح نفسياً بلاخص بناس ورفقات الي بيعطوك طاقة ايجابية برغم الي جواتك وافكار عم تفكر فيا .. فرصة لنقاشات ومقترحات بأمور شغلك او شي بخص عقار حاول تفكر بجدية اكتر بدون استهتار وتردد لتحقق اهدافك وامور بتخص المال عندك واستفادة من الاصدقاء وناس الحواليك ..
عاطفياً:حليان وجذاب وفرصة لتلتقي بشخص واعجاب مبدئي وبتحس بالاهتمام .. لا تضعف وتفوت بقصص مامنها نتيجة لامور العاطفية لصالحك وبترتاح من ضغوط والاجواء حميمية واتصال حلو بيومك ومهم كتير تاخد قرار وتحسم امورك هالفترة بأتجاه الشريك بلاخص اذا مرتبط جديد .
صحياً:ممكن وضع صحي الك او لحدا بعيلتك وقصة بتخص الاطفال او الانجاب بتشغلك البعض

العقرب ♏
مهنياً:القمر بالاسد هدي ولا تستعجل علي شي وبلا عصبية واستفزاز .. أنتبه لعلاقتك مع محيطك حاول لا تناقش او تدخل بجدالات مع حدا وروق ولا تتسرع حتى لا توقع ببعض الاخطاء وقعت فيا قبل .. وحافظ على سمعتك او من سوء تفاهم مع شخص غالي وفي خبر منيح بخص شغلك نشاللة وبلاخص الي مقدم على شغل او عندو اختبار وقصة بالمال رح تحكي فيها او توصلك ..
عاطفياً:لا دخل شريك بأمورك الشخصية وبعد عن المشاكل .. يومك بحاجة لهدوء ولحدا يفهمك منيح بعدو في قلت اهتمام واهمال حاول تتقرب وتعمل جو بلقاء او اتصال وهاد الي محتاجوا هالفترة .. لمرتبط جديد اموره افضل واتصالات وكلام في حب وغزل والاعزب الاجواء الاجتماعي بتخليك تكون مؤثر على الجنس الاخر وقريباً نتائج جيدة الك بارتباط او حب ..
صحياً:بتعاني مشاكل بالفم او الاسنان ويوم ممكن في طبيب لحدا بالعيلة وانت نتبه من وعكة خفيفة

القوس ♐
مهنياً:القمر بالأسد الصديق تفائل وطاقة ايجابية وبتنجز اعمالك المهمة .. فرصة أستغلها لتكون بمكان جيد وانفراج بما يخص اوراق ومعاملات حتى بيدعمك بأختباراتك او سفر وعقار .. يوم في اجواء حلوة وعلاقات اجتماعية او لتتعرف على اشخاص جدد بس قدر الامكان بعد عن المسؤولين بشغلك او ببيتك .. اتصالات بعيدة ولقاءات وناس وشي بخص شغل قريباً ..
عاطفياً:يوم حلو في تفاهم وجاذبية واجواء رومنسية .. يمكن شخص عن طريق صدفة تتعرف عليه وشريك قديم عم يتواصل او عم تسمع شي عنو .. يومك عاطفي ساحر بحضورك واتصالاتك خلي عندك اهتمام حتى بأدق تفاصيل حتى ماتتعرض للوم ونقد بلاخص المرتبطين .. صح في شوية ضغوط من شريك بس هاشي مابيمنع تحكي الي بقلبك وتصارح وتصالح وتساير شوي ..
صحياً:خفف تناول طعام ليلاً وبحاجة لتنظم اكلك وشربك وقاوم بعض المغريات والحلويات

الجدي ♑
مهنياً:القمر بالاسد يوم لتحسب شو الك وشو عليك
وكلشي بيتغير بتشغلك امور مالية قصص شراكة وعم تحصل على اتعاب او مستحقات او عم تساعد وعم تلبي قدر المستطاع وقصة عائلية كمان بتخف .. عندك مصاريف مالية وتسديد ديون ومستحقات او على شي بخص صحة وبترتاح من قصص تعبتك ومصالحات وحاول تطلع من روتينك الممل عزائم واجواء وزيارات وجهز حالك لتنقل قريب ولقاء شخص مهم ..
عاطفياً:يوم في تغيير وتحسن والبعض بمشوار مع الشريك أستغل جاذبيتك لتمتلك قلب الشريك او لتأثر على جنس الأخر اذا اعزب .. بتلاقي حلول ببعض الامور عم تتعمق بعاطفتك وحبك وعم يكون في تجديد بعلاقتك افضل من الايام الي راحت وتحسن ملحوظ .. والبعض احساس بارتباط رسمي او حدا يضل جنبك عم يكبر ..
صحياً:مشاكل الاسنان وحموضة بالمعدة لتزم بتعليمات وممكن تزور طبيب وتحسن صحي عند لكتار بلاخص اذا عامل عملية

الدلو ♒
مهنياً:القمر بالأسد ضغط وتوتر وروتين ماعم يتغير ومحتاج لفترة فيها تجديد لكلشي بحياتك من ناس وعمل وعاطفة .. هدي حالك يمكن عصبي ومتوتر ومو طايق شي عندك مصاريف مالية او عم يشغلك المال و قصة شراكة واوراق .. ركز منيح في تحسن طفيف او تدخل بشراكة او عمل او مشوار جماعي وانفراج ببلش تدريجي المهم تهدي وتبعد عن المواجهات والبعض عندو سفر قريب ..
عاطفياً:فرصة لتعارف جديد او مواعيد مهمة هالفترة وشراكة عاطفية ممكن تصير .. المرتبط بحاجة تتفهم الامور اكتر لان في عصبية وصوتك طالع حاول تفهم الوضع وتروق .. العلاقة بحاجة لصراحة والاستماع وتفاهم وتبادل نقاشات ..
صحياً:مشاكل المفاصل كتيرة أنتبه تحرك او تشيل شي تقيل وبلاخص أنتبه على فقرات ظهر

الحوت ♓
مهنياً:القمر بالاسد كون دقيق بيومك ولا تهتم .. يوم بيحملك مسؤوليات جديدة وماعم تلحق امورك وانت كتير بحاجة للهدوء وصبر وكون بعيد عن لانفعالات لان ممكن تأثر على شغلك وقراراتك بلاخص اذا عندك شغل كتير واجبات .. مافي شي بيبقى على حالو هدي لتوصل لمكان منيح وترتاح وتستقر .. وعم يشغلك توتر مع صديق مقرب كتير نتبه وفكر منيح ..
عاطفياً:لأهمال عم يسببلك ازعاج وتوتر وشكوك عم تزيد وبحاجة لشخص يفهمك .. محتار ومتردد ومابتعرف شو بدك في احساس بالوحدة وبحاجة لحدا يحس فيك ويكون حدك .. فكر بحب جديد وبعد عن لملاضي حتى لو عاد من جديد .. حافظ على اسرارك ونتبه من امور قديمة عاطفية .. والبعض في شي جديد عاطفياً والقلب بدق من جديد ..
صحياً:وعكة صحية بشكل مفاجئ في خمول بالجسم وتعب ومالك نفس ع شي