سعر الدولار واليوروفنون

قراءة الأبراج فضول وتسليه .. ليس إلا _ الأحد 25/10/2020

الحمل ♈
مهنياً:علاقات اجتماعية وناس كتار ومال عندك .. اصدقاء وناس غالية عليك عم تعزم او عم تنعزم ومساعدة بيومك لا تتردد وممكن حدا مقرب يطلب منك شي .. الفلك داعم الك بأجواء وتطورات رغم عندك شغل وعم تبدا بداية يوم في مسؤوليات والوقت ضيق شوي لكن بالمجمل يوم افضل نوعاً ما .. حاول تستفيد منو لصالحك وتحقق انجازات وتحسن مالي تدريجي بعد مصاريف كتيرة ..
عاطفياً: تحسن بالوضع وعم تحاول تفصل كتير امور عن بعضها حتى عندك نقاش بخص مصير علاقتك بدي ياك تتجنب المواجهات وتصعيد اثناء نقاشاتك والبعض يمكن عم يحكي شخص جديد او عم تتجدد الامور مع شخص قديم وتطورات حلوة واجواء اكثر رومنسية وشغف ..
صحياً:عم ترتاح صحياً وعم تشفى من مرض تدريجي الك او لحدا بخصك .. عندك طاقة لتتحمل وتتخلص من شي تعبك

الثور ♉
مهنياً:مال وعاطفة واختبار بيومك وقصة واجتماعي .. مضغوط اليوم بقصص كتيرة وناس كتار ومسؤوليات والتزامات وبتشغلك كمان امور مالية واقساط حاول تعيد حساباتك من جديد.. كون حذر من المحيطين وركز منيح لتوصل وتنجح ولا تخلي حدا يشكك فيك وبقدراتك وعندك لقاء مهم وتتطورات مهمة بالمجمل بتخص شغل وعلاقات وناس كتيرة وعزيمة.
عاطفياً:عم تعاني تأجيل وشريك ماعم يريحك وعلاقتك بحاجة لحسم .. رغم تعب والارهاق الي عم تعاني منو عاطفياً ممكن تبادر لتلاقي حل وعندك رغبة بلقاء ووضع نقاط على الحروف وحل لامور عالقة بس دائماً عم تلاقي تأجيل وتأخير .. وممكن بتشوف شخص غالي عليك وتواصل معو بلقاء أو اتصال ..
صحياً:بشوية اهتمام وقت كافي لصحتك امورك بتتحسن للافضل نشالله

الجوزاء ♊
مهنياً: اتصالات ولقاءات وحركة وتنقلات ومشوار حلو وعم تطمن على حدا غالي .. الحظ بساعدك وبيدعمك وبوفر الظروف الملائمة لتنجز اعمالك كلها يوم في طاقة وتحسن وتحركات وشي جديد .. في نقاشات ولقاء مهم وسفره قصيرة وامورك افضل بيوم مميز.. تحسن مهني مالي أجتماعي وناس بتكون جديدة وعم تتقرب منك وحلول وانفراج نشالله اختبار او امتحان بيومك فكون جاهز ونتبه ..
عاطفياً:جذاب وساحر والقلب بدق من جديد في تقارب وتجاذب وبتلاقي الحب ورومنسية واجواء حلوة بلقاءات واتصالات ولتمتلك قلب الشريك .. حاول تستغل هاليوم وتطلع من حالة الفتور والبرودة وتكون مرن اكتر بتعامل وتعالج بعض توترات والمشاكل بعلاقتك .. وفرصة لاعجاب وحب جديد .
صحياً:حاول تتقرب من ناس الي بتعطيك طاقة ايجابية ع طول وبعد عن ضغوط والقلق

السرطان ♋
مهنياً:مزاجي انت ومال بيومك بين قبض ودفع وحسابات وحلول مالية .. عم تعاني ضغوط مالية ودفع ومستلزمات وتأمين ضرائب وعندك تسديد فواتير او ديون .. في شغل بيومك خلص ضروري والمهم انت بحاجة لشوية تركيز لتوصل وتنجح وهدوء اعصاب ولا تكركب حالك .. ناطرتك اجواء حلوة وعزيمة ورح تحملك تطورات بتخص المال وتحسن ممكن هالفترة بشكل منيح .. واذا ناطر حلول لامور قانونية بتصير بس بتستلزم بعض دفع .
عاطفياً:مرق يومك على خير يمكن في قدامك مشكلة بدا حل ومواجهات كانت موجودة عم تلاقي صعوبة بحلها حاول لا تترك الامور بدون حلول جذرية وامورك بتتحسن بعد هاليوم .. لا تخاف ركز هاليوم بس وممكن يصير لقاء واتصالات واجواء اكتر افضل من المسا او شريك اخر ..
صحياً:خفف ضغوط النفسية حتى ماتتعرض لوعكة صحية وتعب وارهاق بهيك يوم

الأسد ♌
مهنياً:حافظ على اسرارك ونتبه من عيون الحاسدين .. أنتبه لكلامك ولانفعالاتك بيوم لازم تعتمد في على حالك يمكن ماعم تعرف القصص من وين عم تطلعلك ويمكن في امر طارئ وعم تتقابل بمواجهات او حدا طالعلك عائق قدامك وهاشي عم يدايقك .. بعد عن المواجهات وحاول تساير ولا تعطي أهمية لحدا ولا تكبر الامور اكتر من لازم او تتسرع بشي .. والبعض عندو شغل جديد ويوم داعم لتدخل اتفاق او شراكة جديدة.
عاطفياً: تطورات بعلاقاتك واجواء حميمية عم تزيد واتصالات طويلة .. المرتبط بدي منك تهدي وتروق ونتبه للانفعال والعصبية بيومك حتى ماتكبر القصة وتوصل لطريق مسدود حاول تعيد حساباتك بهاليوم لتتوصل لراحة والاستقرار بيومك وامورك بتتحسن .. الاعزب شراكة عاطفية رغم بعض العرقلة الي صارت بس كلو خير نشالله بلايام الي جاي ..
صحياً:بحاجة لراحة ونوم الكافي ونتبه لبعض لاطعمة الدسمة حتى ماتسبب عندك مشاكل القلب وسمنة وضغط وتنفس

العذراء ♍
مهنياً:ركز بيومك وقرر صح لان عندك شغل ومسؤوليات وبدك تلحق .. مابدي ياك تستعجل لان ممكن توقع بأخطاء وحسابات حاول تنتبه له شي وتكون هادي بطبعك مشان ماتعصب وتنفعل يوم في روتين متعب ممكن تتأخر بعض الانجازات لكن هاشي مؤقت لا تاكل هم ممكن عندك التزامات ودفع مالي حاول تنجز هاشي حتى ماتسمع كلمة من حدا وبنفس الوقت نتبه ضغوط تأثر على صحتك وهتم بوضعك الاجتماعي والعائلي.
عاطفياً:لا تستعجل على شي وتعب راسك شيل هالافكار سلبية الي عم تراودك بين الحين والاخر لو كان في عراقيل كتير الانفراج وتحسن قريب وكلشي بوقتو حلو .. ممكن في تتطور بعلاقاتك عبر الأتصال وتواصل وممكن صداقات كتيرة بهاليوم واجواء بتتحسن ..
صحياً:تحسن صحي ببلش والبعض نتبه من نقص المعادن والفيتامينات او مشاكل الضغط

الميزان ♎
مهنياً:الحظ بساعدك وخبر حلو وفرصة لتلاقي حلول وتحط نقاط على الحروف بيوم مدعوم في وانفراج تدريجي .. بتمتلك القدرة على تخطي المشاكل وقصص تعبتك في تحسن نفسي وراحة وشي بخص شغلك وبيتك بتستعيد مكانتك او مكان جديد ومصالحات بيومك بعد قطيعة وتوتر وزعل يوم حلو بلقاءات وتعارف واوقات ممتعة وحلوة وقصة بتخص الاطفال وشراء ومصاريف و مال عندك بيومك ..
عاطفياً:الحظ داعم الك لترجع كلشي متل ماكان ويكون عندك تطورات بوضعك العاطفي وتحقق مصالحات ودعم ايجابي القمر عم يدعم بيتك العاطفي بعلاقات جديد او حب ممكن يرجع .. واذا كانت علاقتك متوترة هدي وفرصة لحلول مرضية وتسوية وتطور بوضعك العاطفي اذا قدرت تسيطر على انفعالاتك .. والبعض عندو لقاء واجواء حميمية وتعارف جديد .
صحياً:نظم اكلك منيح وبعض الالتهابات وممكن البعض عندو عملية او تجميل وراحة من تعب وارهاق

العقرب ♏
مهنياً:ضغط ومسؤوليات بشغلك وبيتك .. قصص عائلية بتشغلك وماعم تلحق بيوم في مزاجية وتقلب بلامور وماعم تعرف القصص من وين بتطلع وماحدا عم يوقف معك او يفهم عليك .. عندك شي مفاجئ واضطراري وتواصل بشكل عام شوي صعب هاليوم روق ولا تحمل القصص اكتر مابتستاهل ولا تتسرع وتجنب الأنفعال وتوتر وبعد هاليوم انت منيح وتطورات قادمة وبلاخص قصص العاطفية..
عاطفياً:اهمال ولحالك وروتين متعبك بعلاقتك ماعم تكون مرتاح نفسياً وبلاخص اذا شريك بعيد عنك او في زعل او عم يغيب لوقت طويل بدي منك تركز وتحط حد للقلق الي عم تشعر في هالفترة يمكن في مطالب واهداف حاطتها براسك ولازم تحققها.. البعض بعد عن الماضي افضل الك ونتبه لعلاقتك منيح وروق على شريك ولا تقدم على خطوات او تهور مانك حاسب حسابو منيح ..
صحيا:اذا حسيت باي شي صحي او عارض لازمك شوف طبيب ولا تتأخر
القوس ♐
مهنياً:طاقة وتنقلات وخبر حلو وقصة عائلية .. عم يكون في تواصل واتصالات كتير وممكن لقاء مهم عم يكون عندك حس انساني وتعاطف مع البعض ومساعدة استغل هاليوم لتطلع من وضعك وتغير جو .. مال ومصايف بيومك وممكن تشتري او تغير شي وعندك فرصة لتكسب خبرات جديدة او شي بخص عقار او بيت وبعض تجهيزات وفي تقدير لجهودك لترتاح من قصص قضائية او ادارية ..
عاطفياً:يومك منيح بين لقاءات واتصالات وبتقضي وقت حلو ويمكن كمان تطلع مشوار وتغير جو وممكن مفاجئة بيومك ورومنسية ..فرصة لتفاهمات ولتطلع من حالتك نفسية الصعبة واكيد نشالله بكون يومك حلو و واعد بأمور أيجابية او عم تتلقى تهاني واصدقاء بحدك بكونو وصدفة حلوة .
صحياً:حافظ على صحتك ولا تعب حالك وتجهد نفسك جسدياً ونفسياً واي عارض صحي عليك بأستشارة طبيب

الجدي ♑
مهنياً: لقاء وتنقلات ومال بيومك .. ضب ايدك ومصاريفك كترانة .. عندك شغل وتنقلات يوم في ضغط شغل كتير وامورك فيها نوع من الاستقرار وممكن عندك حظ واعد وبتبلش ترتاح نسبياً .. حدث مهم انت مقدم عليه بما يخص وضع العمل والعيلة او تنقل وفرص بتكتر بتعيد حساباتك المالية وبتفكر بمورد جديد من اجل مدخول مالي أضافي جديد او لتتخلص من تراكم الضغوط المالية او بعض ديون ..
عاطفياً: ليبقى وضعك مستقر هدي وروق والامور بخير .. بدي منك تخفف شكوك ولا تشغل حالك بلافكار المتعبة ولا تخلي سوء تفاهم صغير يعمل مشكلة كبيرة .. أنتبه على علاقتك وحاول تقضي وقت حلو مع الشريك بأتصال او لقاء ولاجواء منيحة لا تخاف لمهم خففلي شكوك .. والبعض علاقات اخرى عم تتطور وسرية منها وممكن موعد او اتصال حميمي ..
صحياً:حاول بعد عن الاجواء الصاخبة وتشنجات الجسدي والفكرية واضبط اعصابك وراقب صحتك هالفترة لتتحسن امورك

الدلو ♒
مهنياً:اوقات حلوة وعرض او اتفاق او مكان مهم وحركة بيع او شراء عند البعض .. طاقتك وثقة بترجع وبتكون متحرر بشكل افضل .. انسى الماضي وأفتح صفحة جديدة وحاول تحل امورك لترتاح اكتر ويوم في تغييرات نشالله افضل لصالحك وبلاخص على صعيد الشخصي وشكلي واتصال ممكن ناطرك وحكي وخبر منيح وراحة نفسية من الكركبة الي كانت ..
عاطفياً:الحظ معك وتغييرات لصالحك وفيك تقدم على اي خطوة تغير من واقعك وتفتح صفحة جديدة وتجدد بعلاقتك وممكن يصير تفاهم على بعض نقاط المتعبة بلاخص المتزوج لترجع الثقة الي نفقدت وتخفف الشكوك الي عم تزيد وخليك هادي بقراراتك .. الاعزب والمرتبط اوقات حلوة واعجاب وتفاهم ..
صحياً:خفف ضغوط نفسية والاكل المتأخر والبعض عندو عملية وتغييرات شكلية او تجميلية

الحوت ♓
مهنياً: لا تتسرع ونتبه من المواجهات وبعد عن اي توتر بدو يتعبك ..عم تعاني من تاخير وبتحس ماعم تظبط الامور متل مابدك .. لا تشتغل شي بيوم ضعيف الحظ وطاقة وروق بعلاقاتك ونقاشاتك وقصة بتصير بشغلك بتعبك ووضع العائلي صار لازم تحطلو حد ممكن سوء تفاهم مع حدا من أهلك او مع صديق او مقرب هدي وروق ولا تكبر القصة ومرق هاليوم على خير بس لتتحسن الامور من المسا ..
عاطفياً:ماتعطي اهتمام لحدا مو مهتملك لان ماحدا بيستاهل محبوب وجذاب وملفت بكلشي .. اي علاقة عم تعبك بعد عنا بلاخص انك تعبت من نفاق ولف ودوران .. انت بحاجة لشخص يفهمك ويصدق بكلامو ومشاعره وهاشي عم يتعبك وعم يعرضك للاستغلال .. فترة قادمة فيها استقرار وممكن البعض يجهز حالو لارتباط او شي رسمي بس اليوم هتم بحالك وبعلاقاتك والي بدو يضل اهلاً وسهلاً والي بدو يروح قلو الله معك ..
صحياً:بعد عن الاجواء المتوترة وعن ناس السلبية بحياتك لترتاح صحياً من ضغوط ولازم تاخد قسط من راحة ونوم جيد