قراءة الأبراج فضول وتسليه .. ليس إلا _ الجمعه 16/10/2020

الحمل ♈
مهنياً:العشرية الاولى امور مالية والثانية شغل ومسؤوليات والثالثة عاطفة ومنزل .. عم تخلص اعمالك بشكل كتير منيح هاشي بخليك بعيد عن توجيه الملاحظات او المشككين بقدراتك .. مشكلتك ماعم ترتاح وبضل حاسس بتوتر الامور وبضل اكل هم الكل .. عندك قصص كتير بيومك ومصاريفك بتزيد كمان نتبه من توتر بعض العلاقات او شراكات .. ممكن في نقاش المسا بقصة مالية وبتشوف شخص غالي عليك وسهرة ..
عاطفياً: هدي بنهارك وبلا مزاجية وتقلب وعصبية بامورك العاطفية نتبه من سوء تفاهم يكركب الوضع
روق لتلاقي الحلول واخبار منيحة ومرق المشاكل بهاليوم على خير .. قصة شراكة وارتباط عند البعض او مصالحة .. اوقات القلب طيب مابينفع لانك عطيتو للاشخاص الغلط والي خذلوك بحياتك ..
صحياً:تجنب انتقال عدوا وبلاخص لكريب بهاليوم كون على حذر

الثور ♉
مهنياً:العشرية الاولى تحسن نسبي واتفاق الثانية شغل وتنقلات والثالثة نتبه على صحتك وقصة مالية .. اجل المهم وضروري وحاول تبتعد عن الاجواء المتوترة والعصبية والانفعال طاقتك ضعيفة وماعم تلحق شي عم تمر بفترة فيها ضغوط وماعم ترتاح وبلاخص ماعم تعرف القصص والمسؤوليات من وين بتطلعلك .. عم تعاني من فهم الاشخاص ولا حدا عم يفهم عليك جهز حالك الاختبار وشراكة حاول تساير لتنجح والمسا الامور افضل بتكون تدريجي ..
عاطفياً:خطوة جديدة خبر منيح واعجاب مبدئي .. فترة فيها نقاش ونشالله بتتوصل لحلول منطقية وبتقضي هاليوم مع الشريك اما باتصال طويل او لقاء وحوار وجه لوجه .. بس كتير بدك تنتبه للقصص تكبر او تعمل من الحبة قبة وبدك تساير ولازم يكون في تنازل لتخفف حدة توترات الي موجودة على لاقل للمسا ليتحسن وضعك ..
صحياً:نتبه على صحتك منيح في تعب وارهاق وخفف من المنبهات عم تأثر على صحتك أكتر

الجوزاء ♊
مهنياً:العشرية الاولى عندك شغل كتير والثانية يوم عاطفي وتنقلات والثالثة مال واطفال .. اجواء حلوة حظ وطاقة ومال بيومك انت افضل من قبل عندك ناس جديدة واجواء حلوة مابدي منك تقلق وتخاف من شي لان امورك عم تمشي على طريق صحيح بادر بالخطوة الاولى لتنجح اهم شي تنظم امورك حتى ماتتراكم عليك فرصة لتقبض مال ودفع اكبر من المدخول وقصة انجاب او عم تقضي يوم مع اطفالك ..
عاطفياً:اجواء حلوة وعاطفتك بتزيد وانت بوضع بخليك مرتاح نوعاً ما في تواصل واتصالات بس رغم كلشي بعدا الامور مو متل مابدك لكن بضل افضل من قبل .. البعض عم يفكر بشريك قديم او عم بتواصل معو وممكن البعض عندو عرض لارتباط .. بس المسا بنصحك تركز وتنتبه من سوء تفاهم صغير يكبر وبلاخص العشرية الاولى ..
صحياً:تحسن صحي منيح حاول تستغل هالأيام لتحسن من طاقتك وتمارس رياضة والمسا بتحس بشوية خمول وتعب شي طبيعي من ضغوط

السرطان ♋
مهنياً:العشرية الاولى تحسن بيومك والثانية عائلية والثالثة قصة حدا بتشغلك ومنزل .. خليك واثق بحالك وبشغلك ولا تخلي حدا يغرر فيك او بمستقبلك وحاول تعرف كيف تتصرف اذا كان عندك شغل او اختبار وكيف تتصرف ببيتك ومع اهلك مشغول ومضغوط وعندك مصاريف مالية وفي عندك شوية تعب .. يوم في اتصالات وتواصل وحكي كتير مع العيلة والمقربين .. بترتاح من المسا ونتظر خبر حلو وتغيرات ايجابية ..
عاطفياً:عليك بتفريق بين امورك العائلية والعاطفية والا الوضع رح يبقى هيك .. الضبابية الي كانت مسيطرة عليك ولقلق والحيرة هاد كلو بروح تدريجي خلال يومك وبتعزز علاقتك وبترفع منسوب الثقة وأنتظر لقاء واتصال رومنسي .. الاعزب يوم حلو لأجواء حلوة وتطورات واعجاب بلاخص من المسا ..
صحياً:عم تتعرض لتعب وأرهاق حاول انو هاليوم تستغلوا براحة وتغير من نفسيتك

الأسد ♌
مهنياً:العشرية الاولى قصة منزل او حدا من اهلك والثانية والثالثة طاقة ونشاط بتبلش نهارك فيها .. يوم حلو للحركة وتنقلات وفيك تعمل زيارات او مشوار واذا عندك سفرة او مشوار يوم جيد .. بكون عندك لقاءات وناس جديدة وبتحل امور كانت مدايقتك وبتبقى مسيطر على الوضع في امور عامة بتخص عقارات بتشغلك واتصالات مهمة وخبر حلو .. في قصص عائلية المسا او اتصال عائلي او لمة ..
عاطفياً:اجواء حلوة وقادر توصل لقلب الشريك وممكن يكون في لقاء او تروح مشوار وبتلاقي كلام حلو وغزل واتصال رومنسي او حكي بخطبة نشالله للبعض .. بس بدي منك تنتبه على نقاشاتك المسا ولا تكبرا مشان مايصير سوء تفاهم ..
صحياً:امورك صحية بتبلش تكون منيحة بهاليوم بس ضروري تريح حالة وتنام منيح لتحافظ على طاقتك

العذراء ♍
مهنياً:العشرية الاولى تنقلات وعزائم ومصاريف والثانية والثالثة امور مالية وشراء وممكن يوصلك مال .. مشغول اليوم بأكتر من قصة عائلية ومالية وشغل لازم تكون صاحب حركة اكتر لتقدر تمشي مع الامور بشكل افضل وحتى ماتتعرض لبعض الحساسيات يوم في تنقلات وعزائم وضيوف .. لا تتردد بقراراتك وكون متعاون وضب ايدك مالياً في مصاريف كتيرة اتصالات او مشوار وعزائم جهز حالك ..
عاطفياً:حاول لا تعب حالك بتفكير كل الوقت وعم تفكر تبتعد عن المشاكل وتشنجات وعن اي توتر ممكن يكون مع الشريك .. اوقات حلوة المسا واذا بدك فرصة الأتصال وتواصل حلو وممكن لقاء ولاجواء فيها انسجام اكتر ..
صحياً:لا تكابر على حالك فترة لازم تريح فيها نفسك وعكة صحية بسبب ضغوط ونتبه لسكري الي عم يسبب ضعف جنسي لدى البعض

الميزان ♎
مهنياً:العشرية الاولى قصص مالية والثانية والثالثة تغيرات شخصية .. عندك يوم مميز واطلالة حلوة وحضورك طاغي بتتعلم شي جديد وعندك تغيير بوضعك ودعم مقدم الك ونقاشات بامورك الخاصة عم تبني امال جديدة وعم تنجز اعمالك بس لا تستعجل على شي .. ممكن قصة مالية بتشغلك وبحاجة لحدا يكون حدك وفي سهرة ولمة حلوة او عزيمة…
عاطفياً:الحظ داعم الك جذاب وساحر وعلاقات .. عندك كاريزما حلوة لتجذب الجنس الأخر وكل مين حولك وبتلاقي فرصة بهاليوم لحدث مهم او لتحسن امورك ولتغير بالوضع والمسا حاول تعيد تقييم علاقتك وبلاخص اذا كان في تتطورات بالفترة الأخيرة تعبتك ..اجواء حلوة ناطرتك ورومنسية غير شكل وتواصل ولاتصالات من جديد..
صحياً:عم تحس بتعب وجسمك كتير بحاجة لراحة أبتعد عن تشنجات وتوترات صحية

العقرب ♏
مهنياً:العشرية الاولى تحسن بيومك وتغيرات افضل والثانية والثالثة علاقات وتنقلات وعزائم .. مو مرتاح لا بيتك ولا بشغلك ولا لوضع المالي .. لا تسرع بشي واجل كلشي مهم وبلا ماتعكر مزاجك على شي بلا طعمة يوم في علاقات وناس واتصالات وبتكتر لاجواء اجتماعية .. تغيرات لصالحك بتبلش من المسا ثقة بترجعلك وصفحة جديدة واخبار حلوة وبتحس بالحرية بالحركة وتنقلات ..
عاطفياً:ناقش امورك وحاول تتفهم الشريك لان عندك مواضيع مثيرة للجدل وفيها نقاش وهاشي كتير بخفف من الخلافات تدريجي لان المسا الامور بتكون لصالحك وحلول وتحسن وانت افضل وجذاب بسهرتك ولقاءاتك ورومنسي بأتصالك لاعزب ارتباط واعجاب بهاليومين والبعض ركز على مواضيع الاتصالات والمراسلات السرية حتى لا تكتشف ..
صحياً:عليك بلانتباه الاكلك هالفترة وجسمك بحاجة للفيتامينات والمعادن

القوس ♐
مهنياً:العشرية الاولى علاقات اجتماعية والثانية عاطفة والثالثة مال بيشغلك وقصص اطفال .. تفائُل وعلاقات كتير وخبر ناطرك ونفسيا افضل .. علاقات اجتماعية في حدك رفقات ويومك في لقاءات واتصالات وممكن عزائم عم تكون رايق بنقاشاتك في صراحة واتفاق ونشالله بتحل بعض مشاكلك المهنية والصحية بلاخص اذا ناطر شي من مؤسسة حكومية هالفترة او اوراق .. خلص كلشي بنهارك واحسم امورك ولا تأجل شي ممكن يجيك مال وقصة اطفال ..المسا خليك دبلوماسي ولا تخلي حدا يستفزك ..
عاطفياً:برغم من فترة كتير كانت الامور مو منيحة او على الأقل مو مستقرة بس اليوم ممكن تكون افضل وتستقر نسبياً حاول تكون مع الشريك بأتصال اولقاء .. والمسا بدي منك تحاول تفهم الشريك رغم انك مو مرتاح بس بدنا نساير ونروق شوي لحتى نوصل لحلول مشتركة ترضي طرفين والبعض يبدو في قصة عاطفية او لقاء او حكي بخطبة بالمستقبل ..
صحياً:دسم وسكريات ممكن يسببو الك وضع صحي لهيك نتبه واعمل حمية وبعض رجال نتبه من نسبة السكري عندك تسبب ضعف

الجدي ♑
مهنياً:العشرية الاولى افضل وتغيرات ايجابية والثانية علاقات وناس والثالثة شغل وضغط بالبيت .. مدايق وعصبي وبسرعة عم تنفعل يمكن قصة بتخص شغلك او مدايق من تصرفات البعض الي حواليك .. بدنا نروق ونهدي عندك اختبار بهاليوم بشغلك او بعلاقاتك حاول كتير انو لا تقدم على اي تصرف غلط او مانك حاسب حساب كلامك .. نتبه وتريث ولا تستعجل بقراراتك او شي بخص شغلك اوظيفتك ممكن تحصل على المال ولقاء مهم وحرية وتنقلات وعلاقات اجتماعية وخبر عائلي عم يشغلك ..
عاطفياً:لا تعمل من الحبة قبة خفف شوي من حدة التوترات هالفترة يمكن الشريك عم يحاول يتقرب منك بس انت مابعرف شو شاغلك ممكن يكون وضع شغلك او عم تلاقي صعوبة بتواصل وبلاخص اذا كنت بعيد نتبه على وضعك ولا تصعبا .. لمسا تدريجي الامور بتتغير تواصل واتصالات وكلام حلو .. تواصل مع شخص او علاقة صداقة ممكن تتحول لحب وامور رح تتبلور هالفترة بلاخص لاعزب.
صحياً:حاول ترجع طاقتك وتستعيد نشاطك وحيويتك الضغط الصحي والارهاق هو نتيجة الاعمال المجهدة التي قمت بها

الدلو ♒
مهنياً:العشرية الاولى علاقات كتيرة وتنقلات والثانية مشوار وناس جديدة والثالثة اختبار واتصال مهم .. يوم في اتصالات وشغل اتفاق وخبر منيح و تنقلات .. استغل فترة نهارك لتنجح واستغل طاقتك الايجابية ورتب امورك المالية .. عم تتخلص من عدة عقبات كانت موجودة عندك عم تكون جريء في اتخاذ القرارات صعبة وبتنتصر على الاعداء .. لقاء واجواء حلوة وخبر جيد وبتكون واضح بتعاملك ونتبه من الحوادث والاعطال وشي بخص الاتصالات .. المسا مابدي منك تشغل حالك بأمور مابدك هيي او تدخل بشي بخليك مستفز ..
عاطفياً:ماعم تستقر امورك ممكن صار توتر وحسم بالفترة الاخيرة .. فرصة لتعيد تقييم وضعك العاطفي وتأسس لمستقبلك وتلاقي اعجاب وارتباط بهالفترة ممكن حدا قديم او شخص بعيد عنك او الو فترة غايب عنك ممكن يوصلك اتصال منو او يرجع يتواصل واجواء احسن نوعاً ما .. والمسا بدك تهدي وساير مع الشريك او شخص مقرب من القلب او شريك قديم بتشغلك ..
صحياً:بدك ترتاح نفسياً لا تفكر كتير وخود الامور ببساطة وتفائل شوي بعرف انك تعبان ونشالله الفرج قريب

الحوت ♓
مهنياً:العشرية الاولى تنقلات ومشوار وعزائم والثانية مال وشراء وتغيير والثالثة ضب ايدك على مصاريفك كبرت .. احداث كتيرة وتطورات ايجابية عليك بأستغلال الفرص عندك انفراج بعدة قضايا ومفاجئة حلوة ومال ناطرك هاليومين بين دفع وقبض وحرية وحركة .. بتغير جو وممكن مشوار حلو وعزيمة وممكن تتلقى دعوات وانت عندك حضور حلو ومميز وبتعمل جو حلو ..وتطورات جديدة ناطرتك استغل الفرص من المسا وفكرت سفر ..
عاطفياً:امورك ما كانت منيحة وشريك متعبك ويمكن الوضع بشكل عام كان متوتر .. اليوم الاجواء افضل عم ترجع بعض الامور لطبيعتها تدريجي عندك جاذبية والعين عليك واعجاب من الجنس الاخر .. الغير مرتبط ممكن ارتباط بهاليوم وتحط نقاط على الحروف واتفاق مبدئي .. بشكل عام عندك اهتمام ببيتك وبعاطفتك هالفترة اكتر ..
صحياً:حاول تستفيد من الاجواء اليوم وتتمتع بيومك وتحسن نفسيتك مو كل يوم بتصحلك قعدة حلوة وناس ورفقات وعزائم