فنون

قراءة الأبراج فضول وتسليه .. ليس إلا _ الخميس 15/10/2020

الحمل ♈
مهنياً: تحسن تدريجي وطاقة وتركيز وشي جديد عم تقوم في وافكار فيها ابداع بلاخص اذا شغلك بمجال المهن التجميلية وديكور وغيرو .. لا تدخل بنقاش او جدال مع حدا بلاخص نقاشات الي بتستهلك طاقة بلاقناع بدون ماتحصل على نتيجة .. عندك عتب ولوم على شخص مقرب وتصرفاته.. تحسن مهنية ومالي حتى بترتاح صحياً ونفسياً من بعض ضغوط .. وبعض الشراكات الضعيفة بدك تنتبه منها حتى ماتنتهي او ممكن تبلش بأخرى أفضل ..
عاطفياً:هدي شوي من انفعالك وعصبيتك ولا تخلي صوتك يطلع .. لوضع بدو دبلوماسية وماتصعد بهيك يوم مزاجي ومتقلب بلاخص اذا في مشكلة او توتر او جفا .. ممكن في خبر او ناطر قرار او شي بخص علاقتك نشالله بصير .. ولاعزب يوم جيد لتبدء شراكة عاطفية جديدة ..
صحياً:راعي وضعك صحي ولا تجهد حالك وتابع تعليمات وامورك بتتحسن وفيك تطلع وتغير جو وتعمل استجمام وعزايم

الثور ♉
مهنياً:ركز وفكر منيح بيومك ولازم تخلص ضروري والمهم .. فايق بكير وبدك لتخلص شغلك والتزامات لا تخلي الامور تتراكم عليك وبلش بضروري يوم كمان في امور مالية او ناطر شي بخص المال او بحاجة لمبلغ مالي ممكن يكون في تأجيل بعرف هاشي عم يدايقك بس رح يكون مبدئي .. قصص عائلية بتشغلك وفي ملل وضجر ومواضيع عم تتكرر وانت تعبت من هاشي .. رتب امورك ولا تأجل شي واذا بدك مساعدة لا تتردد عم يشغلك موضوع سفر وممكن شغل جديد .
عاطفياً:لاعزب فرصة لاعجاب وتتطور بالعلاقات عندك ..نتبه من علاقات المصالح او من حدا عم يتقرب منك لمصلحة او ممكن شريك عندو وضع ولازم تهدي هالفترة عليه.. المرتبط الشريك مو مريحك نفسياً ولا بتصرفاتو بتحس عم يلف ويدور كتير ومافي صراحة وهاشي ماعم يخلي الامور تستقر .. نتبه من قراراتك او تتسرع بشي وخليك دبلوماسي وناقش بهدوء وبجدية اكتر لتلاقي الحل المناسب .. عليك بضبط عواطفك تجاه بعض الاشخاص ..
صحياً:وضع صحي بالعيلة وانت لازم تنتبه على صحتك اكتر وتمارس احد نشاطتك الرياضية

الجوزاء ♊
مهنياً:يوم عاطفي مالي ودعم من الفلك .. يوم حلو بالحظ وطاقة وبتلاقي انفراج بوضعك عندك تنقلات وعم تفكر بقصة سفر .. عم تنجح بأعمالك وبتخلص الامور المهمة وضرورية بيومك عم تجهز لمرحلة جديدة بشغلك وهاشي ممكن يزيد مدخولك المال وعندك فرصة لتحصل على المال .. بتتلقى دعم ومساعدة وممكن في عرض حلو .. اجواء حلوة ولقاءات مميزة واتصالات وبتلاقي دعم بعدة مجالات والبعض بتشغلوا قصة انجاب او قصة طفل ..
عاطفياً:القمر والشمس عم يكونوا داعمين لوضعك العاطفي وبيعطوك السحر والجاذبية وتغيرات جديدة بالحب والانسجام وممكن تجهز حالك لارتباط جديد والقلب دقاتوا غير هاليوم .. اجواء حلوة وعاطفية وناطر تلاقي حلول لعدة مشاكل بعلاقتك .. هاليوم داعم الك ليكون في مصالحات ولقاء واتصالات وشريك قديم ممكن عم يعود على الواجهة من جديد .. يوم جيد استغله بالحب ورومنسية ولتكون لامور اكثر حميمية ..
صحياً:تحسن صحي نفسي كل ماعطيت صحتك الاهتمام رح تتجنب الوقوع بمشاكل صحية بقادم الايام

السرطان ♋
مهنياً:عندك قصص ببيتك بتشغلك انت مزاجي بتعاملك نتبه من تسرع او تكون عجول وحافظ على كلامك حتى ماتسبب بمشكلة او توتر .. بدي منك تهدي ولا تقدم على اي فعل من شأنه توتر بالعيلة او مع احد افراد عيلتك حاول ماتروح ورا اهوائك ورغباتك ونتبه لامورك المالية والمصاريفك وهتم بالمتطلبات ضرورية .. مشغول بقصص عائلية وعقارية وتغييرات بالمنزل عم تسببلك ضغط وهاشي ممكن يتعبك هدي وروق هاليومين ..
عاطفياً:شريك عم يتعبك وتصرفاتو بتستفزك
بس هاشي مابيغني انك تكون حكيم وتصرف بعقل
افضل الك وله الوضع المتعب بشكل عام نتبه ع وضعك ولا تقدم على اي تصرف بدون دراسة او تاخد قرار مهم هالفترة لان مو من مصلحتك وحتى ماتفقد ثقة من جديد .. فكر بعلاقة تريحك بعيد عن توتر والاضطرابات ..
صحياً:نتبه من عصبيتك ومن ناس الي عم تستفزك وخليتك توصل له المرحلة فكر بصحتك بشكل افضل

الأسد ♌
مهنياً:يوم متقلب والحيرة وتردد بادي عليك .. لازم تحسم امورك وتقلب قراراتك وافكارك مو لصالحك ركز وخليك جريء وندفع شوي معلش .. بتفكر بسفر او عندك تنقلات وحسم امر مهم يوم في اتصالات وخبر او لقاء وفي طلب وبتتخلص من بعض العراقيل وصعوبات .. حرية بالحركة وتواصل وناس جديدة وشي بخص عقارات او سيارة او موبايل واعطال والبعض عندو اختبار او ناطر نتيجة وحركة بيع وشراء ..
عاطفياً:يومك في حكي كتير ونقاشات واتفاق بينك وبين الشريك .. جذاب وحليان رغم في قصص عم تعبك وبحاجة للاستقرار لتظبط معك بدي منك تتصرف مع الشريك بهدوء وكون حذر وشوي شوي بتحصل على الشي الي بدك ياه ولاتخاف على وضعك لامور بتتحسن بشكل تدريجي .. اتصال ولقاء بلاخص المرتبط جديد وصدفة حلوة ..
صحياً:انتبه على صحتك هالفترة لان ممكن عندك وضع صحي اذا مانتبهت منيح او عملية قريبة الك او لحدا مقرب منك

العذراء ♍
مهنياً:تنقلات ومصاريف ومشوار حلو ..بتشغلك امور مالية بحاجة لتنظيم واعادة لحساباتك واكتر جرأة بقراراتك مهما نفرض عليك فكر منيح باي خطوة ولا تتردد حتى ماتخسر وعليك بالمغامرة ياصديقي .. ساير بشغلك وبيتك وفي امور مالية بين صرف وقبض وممكن تسترجع مال او مال بيوصلك .. قصة بتخص الابناء و الاطفال ونشالله في فرحة عندك ومصاريف على عزائم .
عاطفياً:وضعك العاطفي عم يعملك قلق وحاسس بخيبات امل وانو مافي شي عم يكمل ويظبط .. روق وهدي حالك ولازم تساير وتعرف كيف تتعامل مع الشريك وتحسن وضعك معو في امور عم تشغلك عن العاطفة بهاليوم .. ممكن البعض ينطلق بعلاقة جديدة او سرية وفي مبادرة جديدة لحل امر ما تعرضت له بالسابق ..
صحياً:نتبه من الاطعمة التي تحتوي على دسم ودهون واستثمر يومك براحة نفسية وجسدية وسهرة حلوة

الميزان ♎
مهنياً:تطورات بأوضاعك وطاقة وحظ .. عم تتحسن الامور عندك بعد ماكان في عرقلة وتأجيل خبر وقرارات لصالحك .. وبتبلش بشي جديد تحسن مهنية ومالية وتطورات اجتماعية وبتلاقي لكل حواليك حتى بتتعرف بناس جديدة وبتروح اماكن جديدة ولقاءات واتصالات وعزائم واكل طيب وتغيرات على صعيدك الشخصي ..
عاطفياً:انت مقبل على تحسن عاطفي واتصالات ومصالحات .. من الأيام الحلوة عندك بتكون جذاب والعين عليك وعم تحاول تقنع الشريك بوجهة نظرك او هو عم يحاول يقنعك بشي انت مابدك ياه حاول تستفاد من دعم القمر والشمس ببرجك باتصالات وتواصل طويل او لقاء لتوصل لحلول بعد توتر كبير كان بوضعك او على الاقل لترجع علاقتك على طريق صحيح المبادرة هيي الاساس لا تتردد .. الاعزب فرصة ارتباط او عجاب مبدئي وممكن شخص قديم بيرجع ..
صحياً:نتب من الانفعالات وخفف عصبية وخليك هادي بتعاطيك مع الامور حفاظاً على صحتك من وعكة
العقرب ♏
مهنياً:ضب ايدك على مصاريفك ونتبه من توتر بشغلك وبعلاقاتك ومع شخص مهم .. عليك ضغط بس لا تخلي هاشي يعصبك ويدخلك بمواجهات رغم عندك طاقة لتعمل كلشي بس انت مو مرتاح من جواتك بحاجة بهيك يوم لتنتبهلي لامورك المالية ومصاريفك واذا كنت بحاجة اطلب .. بلا مزاجية ولا تتأفف من الوضع .. في رفقات وناس بتوقف معك واتصالات بتكتر وعرض مقدم جديد وممكن تلاقي حل لقضية ما بمساعدة شخص ..
عاطفياً:مابدي منك تفكر بسلبية او تتخذ اي قرار وتخلي الانفعال والعصبية او ردة الفعل تأثر عليك مابدي ياك تندم او تخسر احسب حسابك ولا تتسرع وخلي طريق لرجعة .. فترة فيها برود وفتور عاطفي هدي وكلشي بيتحسن والبعض عندو علاقات حميمية او ممكن يتعرف على شخص تتطور العلاقة قريباً..
صحياً:لا تحبس شي جواتك افضل ماتعب صحتك اكتر
اعتمد على الفيتامينات لتقوي جهازك المناعي وتتجاوز بعض التهابات

القوس ♐
مهنيا:امورك افضل من قبل حظ وطاقة ومال وناس بحدك و بتشوف حدا غالي وناس بتحبن واجواء اجتماعية لمة حلوة وقادر توصل افكارك وتقنع وممكن تلاقي دعم لا تتردد اذا بحاجة شي والبعض بيحملك سفر قصير .. بس بدنا طنش على بعض الانتقادات الي ممكن تطالك لا تهتم لحدا بلاخص المشككين بقدراتك وخبرتك .
عاطفياً:من الايام العاطفية عندك بعلاقات وحب .. بتكون جذاب وساحر بحضورك والك مكانة عند الكل .. بدي منك تهدي الامور مع الشريك ولا تعتب على شي وبلاخص بهاليوم حاول ماتصعد الخلافات كلمة منك وكلمة منو بتروح لطريق مسدود لايام جاي بتحملك اشياء أيجابية روق اليوم وبلا مزاجية بكلامك وافعالك .. والبعض بميل لتعدد العلاقات وعلاقات حميمية وشغف عاطفي .
صحياً:في عملية بتشغل البعض او اذا حاسس بتعب واضطرابات شوف طبيب لتطمن ع وضعك

الجدي ♑
مهنياً:اتصالات بتكتر هالفترة وشي بخص شغل او علاقات مع ناس مهمة وقصص ضمن وظيفتك وبيتك بتشغلك .. فايق بكير وعندك شغل بدك تخلصو لترتاح لان حاسس متل الهم ع قلبك .. لا تخلي شي يتراكم عليك وخلص اعمالك وحل مشاكلك بهاليوم خليك حذر بمعاملتك بلاخص من اصحاب المناصب والمسؤولين والمدراء وتقرب منهم وأستغل هاشي قدر الأمكان لصالحك وتلاقي حلول وتهدي الوضع الي كركبك تغيرات بشغلك وعروض فكر منيح وناس جديدة ومال من ورا شغل للبعض .
عاطفياً:الاعزب فكر منيح وخلي وجهة نظرك تروح للمستقبل وتاخد قرار مهم بعلاقاتك وبعد عن علاقات عم تاخد وقت ع الفاضي وعم تكون متقلبة بلافكار وماعم ترثى على بر .. المرتبط في اهمال وعدم رضى بيومك مابدي تزعل من اي موضوع روق هاليومين وممكن في خلافة بلعيلة مع الشريك بدو هدوء وإلا الوضع مو لصالحك بكون ..
صحياً:مشاكل أسفل ضهر ومفاصل وبين الاكتاف وخفف تناول طعام ليلاً

الدلو ♒
مهنياً:طاقة وحظ وفي جرئة واتفاق والفلك داعم الك بتغيرات ايجابية .. قصص فيها بيع وشراء وعم يجيك مال وعم تسعى جاهداً لتحصل على المال .. يومك في اختبار او امتحان واتصال من مكان بعيد ولقاءات مع ناس غريبة وبتحسم امر مهم لصالحك .. تنقلات وعم تفكر بسفر او ناطر حدا قادم من سفر يوم في دعوة لعزيمة وسهرة واكل طيب استغل الفرصة اليوم لصالحك ..
عاطفياً:القمر والشمس بيدعموك بلقاءات واتصالات عاطفية او اذا في سفر للقاء شريك او مشوار مع شريك .. عليك بحسم امورك ولا تتردد بلاخص اذا بدك تقدم على خطوة عاطفية مهمة ..الأعزب يومك مميز وداعم الك وفرصة لتلتقي شخص وتطور علاقتك في وحب جديد ممكن ..البعض أنتبه للمبالغة بأمورك العاطفية أو تروح ورا علاقات مارح تجيب نتيجة او بعض العلاقات عم تروح لمنحى أخر .
صحياً:بتتحسن امورك الصحية نتيجة تحسن ظروف
وعندك قدرة تشتغل كتير اشياء اليوم

الحوت ♓
مهنياً:بتشغلك امور مالية والتزامات ومال من ترك
وفرصة ممكن تجيك او شراكة مالية .. حاول تستغل الفرص لاتفاقيات ومصالحات وحلول لمشاكل قانونية وادارية .. اتصالات بتكتر وممكن تحصل على مال من شغل ويمكن ماكان ببالك .. الجو واعد وانفراج وتحسن الك ومشوار وضب ايدك ع مصاريفك لان عم تدفع مال على قصة ما .. والبعض عندو قصة ميراث ترتيبات او معاملات وحكي عم ياخد وقت ..
عاطفياً:تقلب ومزاجية ومابترضى تتنازل على حسابك
بلاخص اذا شريك بلف وبدور .. مابعرف حاسك مالل ومابتعرف شو بدك وكل ساعة بمزاج وبدي ومابدي وافكار متقلبة وبعرفك مارح ترضى تتنازل او تنكسر او تعتذر .. مشاكل عم تكون بيومك حاول تهدي وتتفهم الامور وتكون صبور وحاول تلاقي مخرج يرضي طرفين ومايسبب مشاكل اكتر من الي صاير ..
صحياً:خطوات اكتر فعالية لتحسن امورك صحية .. وصحة شخص مقرب منك بتشغلك