قراءة الأبراج فضول وتسليه .. ليس إلا _ الأحد 4/10/2020

الحمل ♈
مهنياً:انت اليوم افضل الحظ عم يساعدك لتحسن الوضع عندك ممكن امور مالية بتشغلك والفلك عم يدور ببيت المال عندك امكانية الحكي بامور مالية ومصاريف مدري من وين بتطلعلك .. انت عندك تركيز وتعزيز لقدراتك وبتحقق تقدم بامور الشغل بتكون هادي بتصرفاتك ومعاملتك وعم تسيطر على الانفعالات وتوترات ضمن بيتك وشغلك وجهز حالك لاجواء افضل ودعوات ومشاركات ..
عاطفياً:برغم من انو الوضع مو مريحك وعندك ملل وبطئ بالأحداث بس بتوقع انو يشهد هاليوم تحسن بعلاقتك وهدوء نسبي الى حد ما والبعض ممكن يتخلص من عراقيل كتيرة كانت موجودة بعلاقتو فرصة حلوة أستغلها او علاقة جديدة وممكن توصلك هبه او شي معنوي..
صحياً:انت افضل صحياً بهاليوم وعم تتجاوز تعب صحي او مرض وعم تزول عندك بعض الشكوك وفرصة لتبلش حمية

الثور ♉
مهنياً:خبر حلو وحلول لمشاكل تعبتك .. اتصال مهم وشغل جديد ناطرك بهالفترة برغم من انو يومك في ضغوط بس هاشي كلو بكون لصالحك عم تتحمل مهام جديدة والحظ بهاليوم بساعدك لتثبت نفسك وجدارتك اولتنتقل لمكان افضل او تتسلم منصب او ترقية قريبة بشغلك.. استغل هاليوم عندك اجواء حلوة ولقاءات وعزائم ومشوار ركز على موضوع لقاءات الشخصية واعمل تغييرات بشكلك واي شي فيك تطلبو من المسا بلاخص امور مالية ..
عاطفياً:مزاجك المتقلب وبلاخص مع الشريك .. انت بيوم بيحملك سحر وجاذبية لا تُقاوم بدي منك تستغل هاشي وتتقرب من الشريك وتصلح لامور ولا تخلي شي يعكر مزاجك وممكن فرصة اتصال حلو ومشاعر غير ولقاء عند البعض وعاطفة ورومنسية حلوة واذا اعزب يوم حلو لتلتقي بشخص واعجاب..
صحياً:ضغوط العمل والعيلة عم تسبب بعض تعب والارهاق حاول تريح

الجوزاء ♊
مهنياً:بدي منك تستغل وضعك ومكانتك وتكون محور بكلشي وبعد عن الاشخاص السلبية بحياتك والي ممكن تسبب احباط او عم تأثر على وضعك الاجتماعي لا تصعد الخلاف بيوم ضعيف الحظ في بطئ بلاحداث وبرودة والبعض عم يخذلك وعم ينافق حاول لا تعمل مشاكل مع اصحاب سلطة بشغلك او ببيتك .. البعض ممكن عندو لقاء مهم او شغل بمكان افضل ..
عاطفياً:عم تنخفض الوتيرة اليوم وطابع البرودة والملل مسيطر على العلاقة ممكن في شي شاغل احد الاطراف او ممكن ضغوط مأثرة على العلاقة .. البعض من جواتو مو مرتاح وممكن مو حابب يكون محجوز او يحس انو الحرية رح يفقدها لهيك لبعض الارتباط عم يكون عائق عندو او سبب فشل علاقاتك هيي انو مابتحب حدا يساوم ع حريتك وممكن تحصل على شي معنوي ..
صحياً:اعطي اهتمام لصحتك متل مابتعطي الاهتمام الامور اخرى

السرطان ♋
مهنياً:يومك بحاجة لتبزل جهد كبير وتفرض هيبتك ع الكل لتقدر تلاقي حلول لوضعك على الاقل لتلاقي تقدير .. عم تشغلك قصص مالية بهاليوم وتطورات مفاجئة ونشالله بتكون منيحة عليك .. بتحقق انجاز وبتكون ناجح يوم بتكتر في العلاقات الاجتماعية وفيك تلتقي بشخص غالي عليك واذا عندك اي طلب لا تخاف .. لقاءات وعزائم وقصص اطفال بتشغل البعض ..
عاطفياً:المرتبط امورك افضل وتحسن تدريجي بعلاقتك وممكن جاذبيتك عم تخلي العين عليك وهاشي اكيد بخلي الجنس الاخر ينظر الك نظرات الاعجاب وممكن القلب يدق من جديد .. المتزوج مابدي ياك تتأثر بشي بهاليوم وحاول عدم اتخاذ اي قرار مامحسوب نتائجه بلاخص ممكن تعمل شي جديد على غير العادة نتبه وركز وكلشي بالهدوء ودبلوماسية بصير ..
صحياً:تعب وارهاق فكري وجسدي بعد عن المنبهات وتدخين هالفترة والبعض نتبه من المشروبات الروحية

الأسد ♌
مهنياً: امور متقلبة لا تعتمد ع الحظ فكر منيح وكون ذكي وتعامل بدبلوماسية مع الامور طارئة بشغلك وبعلاقاتك وبلاخص البعض عم يحاول يسيء الك حاول لا تكبر اي خلاف وبتعد عن الجدالات ونقاشات الي بلا طعمة .. مابدي منك تنزعج على شي مو مستاهل أعتمد على خبرتك وممكن البعض يحصل على فرصة عمل او عندو اختبار عملي قريباً فاكون جاهز له شيء .. ولا تقدم على شي يسيء على سمعتك ..
عاطفياً:بنصحك لا تخلي توتر يسبب بعض ردات الفعل الي عم تكون طائشة وماعم تسبب غير وجع راس واوقات شريك تصرفاتو وكلامو عم يسبب احباط بمعنوياتك .. انت الحب بنسبة الك غذاء روحي اذا علاقتك منيحة بتكون منيح بغض نظر عن بعض الامور الاخرى الحب بيعطيك طاقة ودافع كبير لتنجح .. في حال كانت العلاقة متوترة بتسبب ضجر وملل من كلشي ومابعود الك نفس ع شي وبسبب هاشي احباط وغيرة ومابقى بتعرف شو بدك بدي منك تلاقي حلول لوضعك العاطفي وبلاخص اذا العلاقة متوترة هالفترة .. الاعزب عن اعجاب وتحسن بالعلاقات الي ممكن تطور المهم تختار صح ..
صحياً:صداع برأس شديد ودوخة وخمول بالجسم نتبه من هاطقس ..

العذراء ♍
مهنياً:انسجام وتفاهم وعلاقات اجتماعية .. عم يدور يومك بناس غريبة او اتصالات بعيدة وقصة اختبار او مقابلة او توقيع للبعض ويمكن عم تشغلك بعض القصص العقارية عم تجهز او بدك تعمل تصليحات عندك بالبيت او شراء وبيع للبعض.. فرص غنية وعروض مميزة لكن هاشي بيتوقف عليك في كيفية استغلالها وترجمتها على أرض الواقع لا تتردد.. حظ وطاقة ولقاءات وعزائم ومصالحات وقصص مال خليك متفائل ولا تفقد الأمل وفرصة سفر اذا ناطرها ..
عاطفياً:عم تتحسن امورك بهاليوم مع الشريك وعم تتمتع بحالة عاطفية جيدة وعم يحملك اليوم استقرار وهدوء وتفاهمات وبتقضي وقت حلو بين تواصل واتصالات .. والبعض حاول لا دخل شغل او امور العيلة بالعاطفة .. والاعزب فرصة ارتباط واعجاب او اتفاق مبدئي ..
صحياً:وضع صحي بالبيت وانت انتبه من الحوادث وبعض الالات الحادة وتناول الادية ع الموعد ولا تخالف تعليمات صحية

الميزان ♎
مهنياً:اختبار وتنقلات وقصص مالية .. بتلاقي حلول لقضايا معقدة وكتير امور ممكن تتوضح عندك واي شي كان مؤجل ممكن نلاقي حلول هالفترة وفي انفراج وبلاخص اذا كان في سوء تفاهمات مع البعض وفرصة لتحسن امورك المالية ولتعيد حسابتك وممكن عم طالب بحقوق الك يومك منيح بعلاقات ولمة واتصالات وتحسن نفسي مشاغلك بهاليوم مالية بين دفع وقبض ..
عاطفياً:تدريجي الامور افضل وفي لقاء او اتصال وفرصة لتحسن الوضع مع الشريك .. عم تكون جذاب ومحط اعجاب وعم تحسم امور كتير بعلاقتك .. كون دبلوماسي بقراراتك ولا تخلي ضغوط تانية تأثر على وضعك واذا الشريك بيستاهل عطي فرصة جديدة احسن الك وانفراج اكبر قريباً.. في اتصالات وتواصل بكون احسن من الايام الماضية لتعود الامور تدريجي بلاخص المرتبط او الي داخل بعلاقات اخرى ..
صحياً:أنتبه من الحوادث بلاخص اذا عندك سيارة والبعض عم يعمل تغييرات بشكل او عملية او شي بخص تجميل

العقرب ♏
مهنياً:برغم الضغوط الي عم تعيشها وسط زحمة بلاحداث الي انت نفسياً مانك مرتاح الها هدي ولا تكبر الامور ولا تعطي ثقتك لمين ماكان حتى ماتتعرض للخذلان .. بعرف عندك طموح وهاشي عم يخليك تكمل للاخر وتواجه ضغوط وتحديات عم تحاول تفرض بعض الامور فرض وتبسط نفوذك وسيطرتك كمان بحاجة لتساير شوي لتوصل وتنجح يومك اغلبو عم يحكي بامور شراكات سواء عاطفية او مهنية وممكن تدخل شي جديد او اتفاق ما ..
عاطفياً:عم تشعر بندم وانك ضيعت وقت بعلاقات ماجابت غير الهم وتعب .. رغم في ضبابية بالمواقف وماعم تعرف رجلك وين بدك تحطا يعني لا معلق ولا مطلق بلاخص الي عم يكون مرتبط او متزوج من اصحاب العشرية الثالثة .. كون دقيق باتخاذ القرارات بهاليوم ولا تغامر ونتبه من سوء تفاهم يكبر اكتر حاول تتجاوز اي مشكلة مهما كانت برواق ودبلوماسية ..
البعض الاجواء مشجعة لتعزز وضع علاقتك وتعيش الجو مع الشريك او ممكن تفكر تتطلع مشوار او لقاء وتواصل او اتصال طويل .. لغير مرتبط بيحملك هاليوم قصة حب واوقات حلوة وارتباط ..
صحياً:امورك الصحية عم تشهد تحسن وطاقة عليك بالمشي بشكل يومي على الاقل ساعة يومياً

القوس ♐
مهنياً:مشغول وضغط بشغلك ان كان بالبيت او بمكان عملك هلق العجلة لتلحق كلشي ممكن توقع بأخطاء وشتغل حسب امكانياتك لا تضغط حالك كتير مشان صحتك كمان .. شكلك ناطر شي بشغلك وعم تسعى لتحققو .. نظم امورك ورتب الاعمال حسب الاولوية انت عندك القدرة ومو ناقصك الخبرة والكفائة لتكون بمكان افضل .. في اتفاق عمل او عقد وعرض جديد والبعض عم يفكر ياخد اجازة ليرتاح شوي من ضغوط..
عاطفياً:بتكون امورك ماشية تمام فجئة بيتعركس كلشي صرت سائل حالك هاسؤال كتير .. أنتبه من ناس حواليك مابتريد الخير الك وانت العين والحسد بأثر عليك وعلى اي علاقة عم تكون فيا .. برغم من كلشي في شي جديد بيومك وعلاقتك عم يكون فيها تعديل او تغيير وممكن علاقة واعدة واتفاق ومعطيات بس مابعرف ليش انت مو مرتاح من جواتك وخايف انو ماتكمل معك خليك حذر من المقربين منك ولا تأمن بحدا …
صحياً:وضعك الصحي افضل من قبل في تحسن بحاجة لتعتمد نظام جديد وتعمل تغيرات بشكلك والبعض مقبل على عملية صحية..
الجدي ♑
مهنياً: تحسن تدريجي بيومك وامورك بتبلش تنحل وبتلاقي انفراج طاقتك وثقتك بنفسك بترجعلك والحظ بساعدك بكتير امور وبتحقق نجاح وبتتجاوز بعض المشاكل بعد فترة كتير دايقتك حكي واتصالات شغل وعقارات كمان وممكن تحسن مالي او ممكن يوصلك مال بهاليوم بس ضب ايدك على مصاريفك وعندك شراء لحاجيات ومستلزمات بحاجة لحلول عائلية واتفاق وخبر قادم .. تواصل وزيارات ومواعد بس بعد عن نقاشات العقيمة والجدالات طويلة والغير مفيدة ..
عاطفياً:يومك عاطفي وحب واجواء رومنسية .. بيحملك جاذبية وسحر خاص وتطورات وتحسن بوضعك وتعزيز لعلاقتك ولروابط المشتركة بتكتر الاتصالات وممكن اتصالات طويلة وممكن انت مقبل على لقاء عاطفي وموعد مهم ويمكن البعض يرجع يتواصل مع حب قديم او ارتباط جديد ..
صحياً:نتبه من كريب هاليوم ومشاكل تفخة وتجنب تغييرات الطقس ..

الدلو ♒
مهنياً:بحاجة لهدوء ولا تعمل مشاكل بلاخص عائلياً.. طاقة سلبية وفي ضبابية وعم تشغلك قصص قضائية وعائلية والمال تعبان .. لا تقدم على شيء مهم لانو الحظ ماعم يساعدك مابدي ياك تتصرف بشيء مو محسوب حسابو او بشكل عشوائي مهما تعرضت لضغوط وكانت ظروف صعبة هدي وركز ولا تستعجل على شي ولا تكون انفعالي وركز على بيتك ومكان سكنك وعلى امورك العائلية واجل لاشياء المهمة افضل الك وامورك بتنحل لا تخاف ..
عاطفياً:بتحس بضيق واعباء ومابتعرف من وين بدك تلاقيها وانت ضايج من الكل ومو حابب تشوف او تحكي مع حدا .. ممكن اليوم عم يصير نزاع او خلاف يومك لازم يكون في نوع من تنازلات لتستمر الامور بس لا تتنازل على حساب انت بس .. روق وهدي الحمل كبير والوضع المحيط ماعم يريحك وماعم يخدمك بحاجة لبوادر جديدة والانفراج قريب بلاخص اذا ناطر حدا او سفر ..
صحياً:لازم تحط حد للارهاق الجسدي الذي تسببه لنفسك ولازم تبتعد عن الانفعال والعصبية والاجواء الصاخبة وترتاح فكرياً.

الحوت ♓
مهنياً:عندك اصرار وتحدي بتنجح وبتكون محط اعجاب وتقدير وقادر توصل لشي لبدك ياه .. تواصل واتصالات بتكتر وناس عم تتعرف عليها وممكن تغيير جذري انت مقبل عليه وفيك تقدم او تطلب وبتكون نتائجة مرضية وفرصة لتشتري او تغير شي وسفرة قصير اذا ناوي وناس جديدة واختبار وبتتنفس الصعداء من جديد.. حاول تنتبه من الحوادث بلاخص اذا طالع سفرة قصيرة او مشوار ..
عاطفياً:عم تكون محط اعجاب كتار وشعبيتك عم تزيد وانت قادر تجذب الكل الك بأسلوبك او اذا حطيت شي براسك بدك تعملوا .. فرصة هاليوم لتتقرب وتلاقي الحب وكمان في تواصل واتصالات واحتمالية لقاء .. عم تقنع برأيك وعم يكون في تنازل استغل هاليوم لتغيرات لصالحك وتحسن عاطفي ..
صحياً: تعب وارهاق ولازم تتخلص من الاعمال المجهدة .. حفاظ على صحتك حتى ماترجع لمشاكل صحية جديدة