قراءة الأبراج فضول وتسليه .. ليس إلا _ السبت 3/10/2020

الحمل ♈
مهنياً:القمر بالثور يوم للمال واعادة ترتيب الامور وعزائم وتحسن بشغلك .. بحاجة لترتيب امورك وتعيد حساباتك عندك دفع وقبض ومورد مالي افضل من شغلك والبعض ممكن ينال مكافئة او ترقية قريبة .. تحسن بعلاقاتك مع المحيط بدي منك تكون نشيط ولا تكون بارد حاول تنجز شغلك وترتاح بعتقد انو يومك رغم في حدث مهم ألا انك مالل وضجران وممكن قصة بتخص الاطفال او حدا بعيلتك وعزيمة ..
عاطفياً: بدك تنتبهلي اليوم من بعض الامور الصغيرة بعلاقتك ومو مستاهلة عم تسبب مشاكل او تأثر بشكل كبير على علاقتك وبلاخص الشكوك الزائدة الى عم تمنع يكون في تواصل او مصالحات .. هدي حالك وبعتقد انو الجو اليوم اهدا وبتلاقي حلول أن شاء لله يعني شغلة بدا مسايرة شوي لتوصل وتكسب قلب الجنس الاخر بلاخص اذا مرتبط ..
صحياً:امورك صحية اليوم افضل نشالله.. بس البعض الازم تفكر بريجيم وتحسن لياقة جسمك ..

الثور ♉
مهنياً:القمر ببرجك الزهرة بالعذراء المشتري وزحل بالجدي .. تدريجي بعد تعب كبير حظ وطاقة وتنقلات ومفاجئة حلوة ناطرتك وعم ترتاح من قصة شغلة تفكيرك .. فرصة لتحسين موقع او نقل وعلاقات اجتماعية بتكتر وبتكون ايجابية وعندك قدرة على تواصل والحوار وتحرر من القيود وممكن فرصة سفر قريب او تنقلات كتيرة وخبر بريحك نفسياً وجهز حالك لعزيمة وانفراج بهالفترة وناس بتشوفا بعد غيبة طويلة وتنفس صعداء من جديد ..
عاطفياً:يومك مميز انفراج وتحسن ومصالحات ولقاء حميمي قادم .. جذاب وساحر بيومك وطلتك غير شكل ولاعجاب فيك عم يزيد تطورات حلوة وممكن تلاقي الحب ورومنسية واعجاب من قِبل أحد الاشخاص عم تتعرف عليه جديد ..المرتبط مابدي ياك تتسرع بشي اليوم او تصطدم مع الشريك خلي عندك نظرة مستقبلية للأمور وفرصة لتحسن وضعك اليوم مع الشريك وتقضي وقت حلو لا تخاف كلو تمام نشالله واذا في زعل بصير صلحة واتصال وتواصل بغير الوضع نحو الافضل ..
صحياً:بتتحسن امورك صحية ونفسياً افضل وفيك ترجع لياقتك الي فقدتها بس لازم تابع امورك الرياضية ولا تجهد حالك ببعض الاعمال المتعبة وخفف سهر

الجوزاء ♊
مهنياً:القمر بالثور علاقاتك الاجتماعية و تأجيل او تأخير بموضوع او شي كنت ناطرو .. مابدي ياك تستسلم لشي وحاول تبذل جهد اكبر لتوصل وتنجح مانك مرتاح نفسياً وماعندك طاقة والقدرة لتعمل شي .. مالك خلق تناقش وتستهلك طاقة على شي مو مستاهل لهيك أنتبه من العصبية او سوء تفاهم ولا تخالف القوانين بدي منك لاتعتمد على الحظ وعطي لنفسك طاقة ايجابية واستفاد من الفرص المتاحة بلاخص اذا في شي بخص امور قضائية وادارية .. امورك الاجتماعية افضل وناس عندك ولمة حلوة وتعارف بشخصية مهمة او لقاء او اتصال..
عاطفياً:عندك حيرة ومابتعرف شو بدك لازم تفكر وتحسم امورك وشكلك امام قرار مهم .. عم تمر بظروف صعبة حاول تتفهم شريك ولا تدخل بأجواء متعبة ومتشنجة ولازمك حل سريع ومرضي واذا الشريك عندو اي اقتراح حاول تفوت بنقاش ممكن تتوضح كتير امور وممكن في خطوات يجب تباعها بالمجمل هديلي حالك وفكر بعلاقتك قد مافيك ونشالله امورك قريباً بأتجاه الحل .
صحياً:امورك منيحة صحياً بس البعض ممكن يشعر ببعض الالام لا مانع من استشارة اخصائي او طبيب

السرطان ♋
مهنياً:القمر بالثور قصة اوراق وامور ادارية لا تهتم عندك ثقة بحالك وعم تمنح حالك طاقة ايجابية .. اجواء حلوة بعلاقاتك وعم تتمتع بكاريزما مميزة عم تلتقي ناس ورفقات وممكن تنعزم او انت عم تعزم حدا وبتلتقي ناس بتحبن وغاليين عليك وبتلاقي حلول لمشاكل شغليتك او حدا مقرب منك ممكن يساعدك بحل لمشكلة بعدا أمور العيلة شاغلتك لازم تركز وتعيد حساباتك منيح ووضعك المالي بيشغلك وممكن تحصل على مال بهاليوم ..
عاطفياً:المرتبط والاعزب امورك جيدة والمتزوج بحاجة لحل ..حاول توضح وجهة نظرك بهاليوم وتكون حذر بتصرفاتك لان بدنا نحاول نهدي ونلاقي حلول لوضعك العاطفي الي تعبك وصار لازم نحطلو حد حتى ما تنفهم غلط ومو بقصد ويمكن تتلقى عتب ولوم كلو بينحل اذا قدرة توضح وجهة نظرك وتعطي فرصة مع اني مو شايف في شي مؤثر على وضعك .. والبعض عندو تواصل واتصالات حميمية وحب عم يكبر..
صحياً:لا تهتم لشي وخفف تفكير ونتبه لرشاقة جسمك ونظم وقتك الغذائي .

الأسد ♌
مهنياً:القمر بالثور يوم اجتماعي وناس كتار ومال من شغل .. خليك هادي ورايق لتقدر تتجاوز هاليومين ببيتك وشغلك وتبتعد عن المواجهات لان يومك في احداث وتحركات بحاجة لسرعة ودقة ولا تدخل بجو من المشاكل .. الغلط ممنوع هالفترة بلاخص اذا ناطر شي مهم او عمل جديد وبنصحك تأجل لامور المهمة ولا تدخل بنقاشات ومشادات كلامية مع حدا .. بتشغلك امور وظيفة او تأخير وتأجيل بقصة ما واي شي حابب تعملوا بخص مواقع التواصل وسوشيل ميديا انا بأيدك شعبية كبيرة عندك ولا تهتم لبعض المغرضين ..
عاطفياً:امورك افضل وحلول بعد توتر كبير .. بعتقد انك امام يوم عاطفي افضل يمكن حضورك وكلامك وتصرفك عم يعطي طابع رومنسي وماحابب تعمل مشاكل وعم تكون دبلوماسي ولازم الشريك يتفهم قلقك ويقدر الي انت في بلاخص انت عم تستعجل
بس بعرف قلبك طيب .. سهرة مع شريك بمكان ما يوم اكثر هدوء ورومنسية حاول تستغلوا قدر المستطاع ..
صحياً:اضطرابات بجهازك الهضمي لا تتناول الطعام بسرعة او ع الواقف .

العذراء ♍
مهنياً:القمر بالثور الزهر ببرجك المشتري زحل بالجدي تحسن تدريجي طاقة ايجابية وتغيير روتيني ..يوم عم تحاول تطلع من وضعك ومن روتينك الي كتير تعبك وتبعد عن بعض العادات السيئة وتحط حد لبعض الاشخاص المزعجة فرصة تنقلات وسفر واتصالات عم تعود وتكتر ونقاش مهم يومك داعم الك استغلو لصالحك .. نفسياً افضل حركة وحرية وخبر حلو وبخليك متفائل .. فرصة تعارف جديد وناس بتحبن و عرض جديد او شغل جديد واجواء اجتماعية مميزة وسهرة وجهز حالك لعزيمة ..
عاطفياً:حلول عاطفية واجواء افضل وقديم ع البال .. المرتبط عندك فرصة لتحط نقاط على الحروف وتلاقي حلول بتخلص من ضغوط الي رافقت العلاقة بالفترة الأخيرة استغل يومك واستغل جاذبيتك ورومنسيتك بيوم حلو وداعم الك بمصالحات وتفاهمات .. فرصة حلوة بهاليوم لتغير من معاملتك وممكن تبدا قصة جديدة بحياتك وارتباط جدي او اعجاب مبدئي ..
صحياً:مشاكل بلاسنان وممكن البعض يزور طبيب .. وتعب جسدي بسبب ضغوط العمل

الميزان ♎
مهنياً:القمر بالثور الشمس ببرجك الفلك داعم الك لتتخلص من بعض الاعباء وديون ومنيح اليوم لتطلع من تعبك وتحل مشكلة او قصة مالية وبترتاح من شوية ضغوطات .. امور مالية عم تشغلك وفي حكي بهيك قصص وممكن تقبض او مصاريف على منزل وتجهيز ..طاقتك عم ترجعلك وعم تلاقي دعم مقدم الك واجواء اجتماعية ودعوات وعزائم واذا عندك قصص مهمة بتخص اوراق او تواقيع جهز حالك..
عاطفياً:مافي شي مستاهل افتح صفحة جديدة وبعد عن الماضي .. استغل عاطفتك وجاذبيتك لتوصل لقلب الشريك وتحسن علاقتك معو .. حاول تحسبها صح وتبتعد عن الاجواء المتوترة انت دبلوماسي وفيك تحصل على شي لبدك ياه بطريقتك مابدي ياك توقع بأخطاء وقعت فيها منذو مدة عم ترجع العلاقة تتحسن وتكبر اكتر من جديد وبلاخص اذا كان في بُعد او قطيعة وزعل .. لا تتردد بشي واذا الشريك بيستاهل عطي فرصة ..
صحياً:حاول تطلع وتغير جو مع ناس بتحبا وخفف تناول المقالي المشربة بزيوت او تناول طعام بوقت متأخر

العقرب ♏
مهنياً:القمر بالثور بتشغلك قصص ادارية وقانونية وشراكات عاطفية .. خليك ذكي ونتبه من ناس الي عم تتقرب منك لمصالح شخصية ونتبه لكلامك ومن المواجهات .. عم تعاني من معاملة البعض الك لان عندك نقاشات واخد ورد بالكلام وشوية تحديات بدي ياك تكون قدا لتنجح ولا ترد طنش وبلاخص بشغلك او ببيتك ..اجتماعياً افضل وسهرة وناس بتحبن ومال ممكن بيومك للبعض .
عاطفياً:لا تتسرع ونتبه لتصرفاتك من مع الشريك ومع محيطك .. المرتبط كتير بدك تنتبهلي لمشاعرك ولا تبالغ فيها مابدي هاشي يأثر ع الوضع وحاول تفكر بدبلوماسية وبلاخص انت مانك رضيان عن كتير امور او الاهمال ببعض الاحيان .. هدي حالك وكون معتدل بتصرفاتك مع الشريك وبلا نقار وتعامل بأيجابية معو لتهدي الامور .. ممكن البعض بيدخل بأرتباط وممكن شريك يكون بعيد عنك ..
صحياً:بتعاني مشاكل المعدة وضغط او دوخة ونتبه من المنبهات و القهوة وتدخين ..

القوس ♐
مهنياً:القمر بالثور تنقلات وشغل ومسؤوليات ونتبه على صحتك شوي .. عندك شغل كتير والتزامات ولازم تخلصها ممكن بدك تخلص كلشي ع الموعد وممكن تفكر بسفرة قصيرة او مشوار .. طاقتك متقلبة حاول تتخلص من تراكم الاعمال او بعض العراقيل وبلش بضروري .. في معطيات جديدة لشغل او مشروع او نقاش مبدئي والايام جاي نشالله افضل البعض ممكن يترك شغل او يدخل بشغل جديد وممكن عودة لشغل بعد غياب ..
عاطفياً:اتصالات ونقاشات وبدك لتوصل لشي بهاليوم .. في غيرة وعناد برغم من دبلوماسيتك .. بس البعض عم يحس حالو انو الحب متعبو وممكن ماعم يريحو رغم وجود الشريك لاكن احساس بالوحدة وعدم الا مبالات من قبل الشريك كتير عم يدايقك هاشي حافظ على شخصيتك وأسلوبك ولا تخلي لحب يضعفك والي بدو يزعل عمهلو ليرضى .. حب قديم او صديق غالي بصير تواصل معو او من ضمن شغلك ..
صحياً:وعكة خفيفة وتحسن صحي بعد اشهر من تعب خفف بعض المنبهات وتدخين

الجدي ♑
مهنياً:القمر بالثور الزهرة بالعذراء المشتري زحل ببرجك .. تنقلات بيومك وفايق بكير وبدك لتخلص شغلك عم تتحرر من شوية قيود تحسن بأمور العمل وفرصة حلوة بعد ركود عم تحكي بقصص مالية وفي مستجدات جديدة بوضعك وممكن يجيك مال .. تقرب من المسؤولين بس نتبهلي صرف عم يزيد ودفع على مستلزمات وعندك اوقات حلوة ولمة وعلاقات اجتماعية عم تكتر وبتشوف ناس جديدة او قديمة وقصة اطفال او انجاب عند البعض استغل الوضعك لاي خطوة جديدة ..
عاطفياً:يومك افضل بالعاطفة وتحسن نفسي وبعلاقاتك .. تفائل وجاذبية وعفوية وعم يحملك أثارة ورومنسية بيومك والمشاعر اليوم تجاه الشريك عم تكبر وعم ترتاح للوضع نسبياً حتى البعض ممكن يقضي وقت حلو وتواصل وممكن اشارة ما من شريك توصلك .. الاعزب اعجاب بيومك واتصالات وحاول تختار صح ولا تكون بعيد عن عاطفتك وحب جديد..
صحياً:خلص اعمالك لترتاح ولا تأجل شي لترتاح صحياً عندك تعب وضغط نام منيح ونظم وقتك وبتعد عن تشائم ..

الدلو ♒
مهنياً:القمر بالثور تأخير وتأجيل وقصص عائلية ..
بدك تهدي ولا دخل الامور بعضا ضغوط وامور عائلية بتشغلك وقصة بالبيت او مع حدا من اخواتك .. يمكن صوتك طالع وعصبي ومانك مرتاح للوضع وضجة بيومك واخلاقك ديقة .. لهيك نتبه تعمل مشكلة مع حدا محتاج للمال وبعض ديون والمستلزمات بدا حلول وضب ايدك ع مصاريفك .. تغييرات بدها شوية وقت لتتوضح وتبين النتائج وممكن قصة سفر تشغلك روق وهدي ونشالله الامور رايحة بتجاه الافضل .. كتير ناس مقربة منك عم تحاول تزعجك وعم دايقك طنش واستغل اي فرصة او اتصال بيومك لتنجح وقصة قضائية بعدا شاغلتك ويمكن في حكي فيها .
عاطفياً:احسب حساب لكل خطوة ونتبه وكون حذر .. تصرف دقيق مهم بيومك حتى ما توقع بمشاكل وأخطاء نتيجة تسرع وسوء تفاهم وممكن تدخل بقصة معقدة وشائكة وممكن يصير حساسية مابدي ياك تطرح اي شي مهم هاليومين بعلاقتك حاول تكون ذكي وتحسبها صح ونطر الوقت المناسب وحاول تعمل توافق بين الامور اذا كان بشغلك وبيتك وعاطفتك ..
صحياً:بحاجة لراحة والهدوء ونوم الكافي ولابتعاد عن الأجواء صاخبة وضجيج واجواء عائلية كتير

الحوت ♓
مهنياً:القمر بالثور تحسن نوعي بوضعك وتواصل وتنقلات واتصالات واشخاص جديدة وقصة بالبيت .. يومك بيحمل وجود ناس كتيرة عندك ونقاشات ومفاوضات وانت قادر توصل صوتك وتنجح وتحصل على دعم عندك شراء او بدك تغير شي وبتتعلم علم جديد وشي بخص دراسة او شهادات او اختبار فرصة سفر قريب وحركة اوراق للبعض او مكان جديد وتجهيز او تصليح بالبيت وممكن تشتري اثاث جديد .
عاطفياً:تطورات مهمة بعلاقاتك ولازم تستغل جاذبيتك لتقدر تأثر على الجنس الاخر او الشريك بشكل خاص لان في اعجاب وحكي حلو تواصل واتصال وعم تلاقي نظرات الاعجاب بهيك يوم .. المرتبط نتبه للغيرة زايدة او شكوك عم تراودك ممكن تسبب مشكلة بينك وبين الشريك روق وأستغل هاليوم لتحسن وضعك مع الشريك افضل ماتدخل بوضع متوتر ويصعب سيطرة عليه..
صحياً:حاول تبتعد عن ضجيج وكتر الحكي الي بلا طعمة وبعد عن ناس السلبية ..