قراءة الأبراج فضول وتسليه .. ليس إلا _ الثلاثاء 29/9/2020

الحمل ♈
مهنياً:القمر بالحوت علاقات كتيرة صداقات وامور عائلية واجتماعي بتكون .. مو مرتاح لتصرفات البعض وبتشغلك قصة حدا مقرب منك مع انو يوم في علاقات كتيرة وممكن تتعرف او تواصل مع حدا مهم حدد اولوياتك بهاليوم وارسم أهدافك وانظر للمستقبل .. لا تدخل بقصص مالك فيها شي وركز منيح وخليك ذكي ومرق هالفترة بدون ماتكبر القصص اذا عندك شغل.. بتكون مضغوط ومدخول ببلش تدريجي يتحسن هالفترة وبعدا قصة الانجاب بتشغل البعض ..
عاطفياً:مزاجية وتقلب ومسؤوليات وعم تحط حد لأمور كتير بعاطفتك .. مانك مرتاح بعلاقتك وهاشي عم يخلي عندك دافع انو ماحدا يستغل عاطفتك وحبك وما بقا عندك اي استعداد لتراعي حدا او تضحي كرمال حدا بلاخص اذا ناطر شي مهم هاليومين ..البعض عم يكون عندو اهتمام لشخص او شخص مهم وعلاقة ممكن تكبر وتواصل بيتحسن ..
صحياً:بتعطي اهتمام لصحتك بهاليوم وبتريح حالك من ضغوط وهاشي كتير منيح بلايام الي جاي

الثور ♉
مهنياً:القمر بالحوت يومك ايجابي بعض شيء بيحملك علاقات كتيرة ولقاءات وعزائم ورفقات الك فترة ماشفتن برغم من تعب الي كان على عدة اصعدة بترتاح نفسياً.. عندك طاقة لتخلص شغلك واعمالك وتدارك الوقت يوم في تنقلات كتيرة بدك لتلحق وفيك تعتمد على بعض الاصدقاء او شخص مقرب اذا بدك شي او اي طلب بيتلبى ومال عم يشغلك او بحاجة لقرض او دين ..
عاطفياً:تقلبات عاطفية بيومك تواصل واتصالات ..
الاعزب او الي ناوي على ارتباط عم تكون مشرق وجذاب وعندك ابتسامة عم تسحر الكل استغل هاليوم ممكن حب جديد ناطرك واجواء حلوة وعلاقات سرية وحميمية ممكن تبلش عند البعض فتح عيونك منيح في مين عم يتقرب منك وبحبك ركز لتتوضح صورة قدامك ..المرتبط هديلي حالك وروق لانك عصبي كتير وشريك بلش ينزعج من تصرفاتك بشكل كبير مانك عم تتحمل حدا ودغري عم تفور من اي كلمة حاول تسيطر على انفعالك حتى ماتوتر الوضع اكتر ماهو متوتر ..
صحياً:صداع وعصبية وضغط بسبب التفكير والجهد الي عم تقوم في ..

الجوزاء ♊
مهنياً:القمر بالحوت قصص بشغلك وعندك شعبية بس نتبه من على سمعتك .. علاقات اجتماعية وبعض ناس عم تحاول تشوه سمعتك وفي حكي كتير .. حاول ترتب وتنظم شغلك ومواعيدك ولا تتأخر او تغيب بلاخص بانجاز الامور المهمة حتى ماتسمع كلمة انت بالغنى عنها او نقد حاول تهدي بعلاقاتك وردة فعلك .. اتصال و تغيرات بشغلك او بوظيفتك ولا تعمل مشاكل بلاخص اذا ناطر شي مهم بقادم الايام والبعض بينجح بتحقيق شهرة وبيكسب شعبية وشغل جديد .
عاطفياً:الخالي من الحب فرصة الارتباط وصداقة حلوة واجواء رومنسية والمرتبط كون بعيد عن العاطفة وهدي قد مافيك وبلا قرارات حاسمة ..
المرتبط او المتزوج مانو مرتاح وممكن في قرار حاسم وممكن تضطر انو تتنازل وتعيد حساباتك حاول تكون حازم مع الشريك او كون بعيد عنو هاليوم ولا تصطدم معو لان الوضع مو متحمل ومابدي ياك تكبر القصص اكتر .
صحياً:في حساسية وتغيرات بالطقس وممكن التهابات أنف أذن حنجرة وصعوبة اثناء تناول طعام

السرطان ♋
مهنياً:القمر بالحوت عم ترتاح نسبياً من ضغوط ومشاكل .. رغم وضع العمل عم يتحسن تدريجي لكن غير كافي ولهلق ماعم تلبي طموحاتك وبالأخص المالية .. الايام جاي افضل فكر بيومك وكيف ممكن تعيشو وبلا ماتعمل مشاكل وتكون متنرفز من الوضع .. بدا رواق وهداوة وشدة وبتمر ونتظر شي حلو بيومك او اتصال منيح وخبر .. يوم مميز الك لتوصل وتنجح و اجواء حلوة اجتماعياً وفيك تتحرر من القيود وحركة وتواصل واتصالات وناس بتتعرف عليها جديد وعزيمة وتنقلات وسفرة قصيرة للبعض واذا ناطر سفر بعيد الوقت قرب ..
عاطفياً:فكر منيح لانو القلب متعبك ومحيرك ..قدامك فرصة مهمة هاليومين لتصلح المسار اذا مرتبط والاعزب انت ساحر وحليان واعجاب وارتباط .. يومك مميز وساحر بحضورك وملفت لنظر وبتكسب محبة واعجاب الجنس الاخر يومك داعم الك عاطفياً وممكن ارتباط عن طريق صدفة او شخص غريب او عبر مواقع تواصل .. واذا متزوج متل ماقلتلك استغل الفرصة هاليومين تلاقي الحلول ..
صحياً:عليك تخلي عن بعض العادات السيئة اثناء طعام وبلاخص شرب الماء او تناول طعام على الواقف او بشكل سريع ونتبه من الحوادث

الأسد ♌
مهنياً:القمر بالحوت يوم مالي وعلاقات اجتماعية وعم تتعلم شي جديد .. بتمتلك الطاقة لتتحرك وتغير جو ويكون عندك مواعيد كتيرة بتنجح بعدة امور بيومك وبتدخل مفاوضات او نقاشات لتوصل لحلول او مصالحات بعد ضغط وتوتر كبير بوضعك وعلى عدة اصعدة انت كتير تعبت وممكن عم تدخل بمشاكل مابتخصك وسبب محيطتك بس مجبر على مراعات الوضع .. في قصص مالية ممكن تقبض هاليوم ومصاريفك كبرت بحاجة لموارد جديدة وعم تشتري وعم تتسوق ..
عاطفياً:ماقصرت عم تقدم وعم تعطي وبلاخر الحق عليك وعم توقع بلوم .. ياشريك ماعم يقدر ويهتم او الوضع متعب ومأثر على العلاقة ..انت بحاجة للاهتمام ولشخص يساندك ويدعمك بهيك ظروف .. ركز بقراراتك اليوم ولا تخلي ضغوط تأثر عليك ولا تحسم شي بلا ماتفكر بنتائج افضل الك لمهم تحسبها صح والاعزب لا تفوت بعلاقة انت بتعرف نهايتها بشكل جيد ..
صحياً:يوم في تحسن صحي وعندك طاقة لتخلص شغلك واعمالك بشكل جيد ..

العذراء ♍
مهنياً:القمر بالحوت شراكة وعلاقات ومصاريف مالية .. نتبه لكلامك ولا تنفعل وتعب حالك واحسب حساب قبل اي تصرف او خطوة مع المحيطين فيك او بعلاقتك.. في اختلاف بوجهات نظر وتوتر وسوء تفاهم بدك تكون دبلوماسي وبعد عن المواجهات لتوجد حلول مشتركة وتمرق هاليومين على خير بس البعض في نقاش واتفاق وشراكة جديدة قريباً وقصص مالية رح تبلش عندك ..
عاطفياً:المرتبط مو مرتاح والاعزب عم تعاني من الخطوة الاخيرة .. المرتبط يوم بتحس في تعقيد وتوتر واستفزاز وابداً مانك راضي عن الوضع كتير بدك تنتبه لعلاقتك مع الشريك وتكون متفهم حتى ماتخسر شريك عاطفي استغل يومك لتصارح وترجع الامور ع طريق صحيح بلاخص اذا عندك اتصالات او لقاءات ..
فرصة لتبدء شراكة عاطفية واتفاق قادم مابعرف ممكن تقعد وببالك شخص قديم وعم تقلب صفحات الماضي بذاكرتك ..
صحياً:مشاكل بجسمك وحاسس في تقلبات وخربطة واضطرابات بأحد بوظائف الجسم .

الميزان ♎
مهنياً:القمر بالحوت الشمس ببرجك عطارد بالعقرب .. ضغط ومسؤوليات ورايح جاي ومابتعرف شو بدك ونتبه على صحتك من تعب والأرهاق او ضغط الزائد وتوتر مع حدا ببيتك او شغلك .. في تقلب بالاوضاع وضغط شغل عليك بكون كتير عم تتراكم المسؤوليات والألتزامات رغم عم تحاول تطلع من فترة صعبة بنصحك تكون هادي ولا تنفعل وتعصب ورتب امورك منيح حتى ماتتعب ولا تشتغل شي مانك ملزم في ممكن اتصال او تواصل بخص شغل او شراكة وبوادر اتفاق ما بلايام جاي لمهم تنتبه على صحتك .. والبعض بيقبض مال ..
عاطفياً:لا تخلي حدا يدخل بوضعك وقصة عم تعبك ونتبه لكلامك وتصرفاتك مع الشريك وخلي الكل بعيد عن علاقتك وحافظ على اسرارك .. بدك تنتبه من محاولة البعض يخرب العلاقة لا ترد على حدا وطنش وأهم شي تعرف شو بدك ولا تنجر ورا رغبات ومأرب البعض .. يومك في استفزاز وتوتر والشريك ماعم يفهم عليك ولا حاسس بشي بس بدك طول بالك عليه .. وعم يكون في دعم لتبدا علاقة جديدة او أتصالات ومشوار وتحسن بعلاقات البعض بلاخص المرتبط جديد ..
صحياً:خفف سهر وشرب منبهات وتدخين وريحلي حالك واضح تعب عليك .. البعض في تحسن صحي وشفاء من مرض ..

العقرب ♏
مهنياً:القمر بالحوت عطارد ببرجك .. طاقة وحظ وبتحقق نجاح وتحسن بوضعك على عدة اصعدة وبتلاقي حلول لمشاكلك ومنها عائلية .. تغيرات بيومك والاجواء افضل وفرصة حلوة ممكن تجيك في مصاريف مالية لكن ممكن تحتاج لمساعدة او ممكن ينعرض عليك مال او تعرض وممكن تحقيق ربح او اذا كنت ناطر مال او اذا شغلك بالتجارة .. تنقل او مشوار وعزائم ولقاءات مع ناس بتحبا .. والبعض بتشغلو قصة انجاب او وضع طفل عندك .
عاطفياً:من الايام الي بتكون فيا حليان وطلتك غير شكل بتقدر تمتلك قلوب وبتأثر وبتقنع برأيك وبتلفت نظر الجنس الاخر ونجمك محبوب .. المتزوج أستغل جاذبيتك لتقدر تأثر على الشريك مع انو الوضع مو ظابط وفي تقلبات واحتمالية يرجع حب الك او تبدا علاقة عاطفية جديدة ..والبعض عندو لقاء وأتصالات طويلة ورمنسية وعندك حكي كتير بدك تحكي والقلب عند شخص وبلاخص الاعزب والمرتبط جديد ..
صحياً:تنقلات ممكن تسبب تعب صحي وبلاخص المنبهات او اذا كنت من المدخنين ونتبه شوي من زيادة الوزن

القوس ♐
مهنياً:القمر في برج الحوت امور عائلية وادارية وقضائية ممكن .. يومك بحاجة لشوية هدوء لان حجم ضغوط كبير والمسؤوليات كل مانها عم تزيد عليك بشغلك وبلاخص بلامور العائلية والمنزل وممكن البعض عم يفكر بنقل او تغيير او تصليحات .. ناس مقربة عم تعاني منا عم تواجه عراقيل بدي منك تروق لتعرف كيف تحل امورك وتطرح افكار جديدة فترة وبتمر نشالله لا تخاف بلاخص بامور العيلة او بقصة بتخص اخ او اخت ..
عاطفياً:الاعزب يبدو القلب عم يميل لشخص وعم يتعلق شوي شوي ..المرتبط لحلول بايدك ومافي شي مستحيل وتمسك بعلاقتك لتمر هالغيمة السودة بوضعك .. لا تكبر القصة اليوم صح تعبان من الشريك ومانك مرتاح لتصرفاتو او كلامو وعم تحس انو هو سبب ركود الوضع وفتور بالعلاقة بس هاشي لازم تلاقيلو حل ولا تجرح بكلامك وتصرفاتك .. كمان مابدي توصل الامور لطريق مسدود وتحمل الشريك كامل المسؤولية ..
صحياً:البعض نتبه وراقب وضع سكر عندك .. تعب نفسي وجسدي ماعم ترتاح وبحاجة لنوم وخفف تناول الحلويات ..

الجدي ♑
مهنياً:القمر في برج الحوت حلول ونقاشات وتنقلات وترتيبات جديدة .. يومك منيح في حسم او ناطر رد او خبر روق وكلشي بوقتو حلو حاول تبتعد عن توترات في تطورات مهمة واتصالات بحاجتها انت وناس جديدة .. بتشغلك قصص عقارية تجهيز او اثاث جديد .. في مهمة جديدة بشغلك وعزائم وقصص مالية او بدك تظبط شي بالمال او تشتري وتبيع والبعض عندو اختبارات بوضعو جهز حالك ..
عاطفياً:مشغول بقصص اخرى اتصالات طويلة بس بتحس القاءات هالفترة عم تتعركس .. لاجواء بتكون اكتر رومنسية من قبل تحسن بعلاقتك وفي انسجام وتفاهم مع الشريك لهيك بدي منك تكون رايق وتبعد عن اي تشنج ممكن يكون وأستغل يومك مع الشريك بشي حلو .. خلي عيونك على تصرفات الشريك ولا تهمل شي .. لاعزب جهز حالك لاتصالات واجواء مع الجنس الأخر ولحب ممكن يكبر ويطور ..
صحياً:نتبه على صحتك في جهد وحاسس بوجع اسفل ضهر والعضلات والبعض عندو دوخة وأقياء

الدلو ♒
مهنياً:القمر ببرج الحوت الشمس ببرج الميزان .. يومك بحاجة لترتيب وتنظيم وتعيد حساباتك وتشوف شو الك وشو عليك ولا تستعجل بشي .. عم ينشط بيتك المالي اليوم بين قبض ودفع واذا منتظر مبلغ مالي بيجيك .. انت افضل بعد تعب ببيتك وشغلك في دعوة لنقاش واتفاق وافكار براسك كتير بس بحاجة دعم مالي ومساندة ضب ايدك على المال ومصاريفك بتستلم بايد بطيرو بايد تانية والبعض عم يعيش تقشف مالي والجيوب فضياني .. كون اداري بالمال ونتظر مال قادم ..
عاطفياً: الأعزب الاجواء افضل وممكن حب يتقرب منك .. المرتبط بعدك واقف بمكانك وركود وبرود عندك وناطر الفرج .. مافي شي مستحيل بس لسى بدك وقت لتظبط امورك مع انو في معالم رح تبلش تتوضح قريباً جداً .. تصحيح العلاقة بدو وقت لهيك بدي منك تعرف كيف تتعامل بهاليومين وتنتبه لنقاط ضعف عندك وتحاول تتقرب احتمال حدوث تواصل واتصالات ونقاش وقصص لازم تلاقيلها حل ..
صحياً:تدخين والاركيلة والمنبهات سبب لتعرضك بمشاكل الارهاق وضغط والقلب نتبه وريح حالك ولا تسهر وتعب جسمك ..

الحوت ♓
مهنياً:القمر ببرجك تغيرات شخصية وحظ وطاقة وامورك افضل .. عم تطلع من حالتك وعم تنجز اعمالك وتريح راسك من بعض القصص .. مصالحات وانفراجات وخبر حلو بتعزز موقعك وثقة بتعود وفي عندك تنقلات او سفرة قصيرة وبتشارك بفعاليات او سهرات وامور جماعية وعزيمة وناس جديدة واوجه غريبة وتغيرات شخصية وشكلية يومك منيح حاول تستغلوا لصالحك ..
عاطفياً:يوم مميز بكون بتقدر تسحر الكل بجاذبيتك وبتمتلك قلب الشريك انفراج بوضعك وحلول لمشاكل بعلاقتك وفرصة لقاء واتصالات حميمية ورومنسية والمشاعر عم تزيد رويداً رويداً بس الي حالتو متوتر بنصحك تحط نقاط على الحروف وبلاخص بعض المرتبطين لا تشوش افكارك واحسم امورك الحظ معك لا تتردد .. الاعزب القلب دقاتو غير وحب جديد ممكن ناطرك او ناطر رد على شي ..
صحياً:ابتعد عن الاطعمة التي تحتوي على دسم ونشويات وسكر او على الاقل خفف منها..