قانون

قراءة الأبراج فضول وتسليه .. ليس إلا _ الاثنين 21/9/2020

الحمل ♈
مهنياً:العشرية الاولى عندك تنقلات وسفر واجواء افضل واختبار والثانية والثالثة يبدو وضعك المالي في ركوظ وبحاجة للمال ممكن تتحسن امورك المالية تدريجي .. نهارك في قصص مالية ومصاريف وعندك طاقة وحابب تخلص كلشي بس نتبه تكون متسرع ولا تعب حالك واعطي صحتك بعض راحة اجواء هادئة ومقبولة بهاليوم عم دور قصص نهارك بامور مالية وتمويل وتسدد نفقات والتزامات حتى البعض عندو شراكة ومال ممكن تحصل عليه اجواء حلوة ومشجعة لتغير روتينك ولاجواء العائلية منيحة كمان بلاخص المسا ..
عاطفياً:عندك حيرة بهاليوم وصعب تاخد قرار لهيك بدي منك تهدي حتى ماتخسر .. عم تعاني من تصرفات الشريك وممكن بتحس عم يتقصد هاشي نقاش وتوتر ومشاجرة كلامية بيومك حاول تهدي ولا تجازف بالوضع ونتبه لقراراتك لا تتسرع وتكون عشوائية ومرق هاليوم ع خير عاطفياً وفي تحسن من المسا ومصالحة والاجواء بتعود من جديد وعلاقات جديدة ناطرتك لتتحسن ..
صحياً:درهم وقاية خير من قنطار علاج امورك بتتحسن صحياً وبتتجاوز وضع متعب ..

الثور ♉
مهنياً:العشرية الاولى يومك مالي بتفاصيل كتيرة وامور بتخص المال شراكة او ميراث وديون وغيرو والثانية شراكات عاطفية بتشغلك والثالثة بداية الحب والعين عليك ومال كمان .. نتبه من قصص بنهارك عم توترك في ضغط وبعض شراكات سواء المهنية والعاطفية عم تعبك ونتبه تفقد شريك او تفك شراكة .. مو مرتاح ويومك بدو دقة واعادة حسابات لا تتجاوز القانون ولا تأجل شي بشغلك ولا تهتم لحدا بلاخص في مقربين مانك مرتاح لتصرفاتهم ويمكن عم يسببو وضع بالبيت لا تعصب وتتنرفز وتفوت بجو متسرع ومتهور تحلى بصبر وفي خبر بريحك وقصص مالية ومصاريف وممكن اتفاق مالي وبتبلش تتنفس من جديد …
عاطفياً:نتبه لوضعك العاطفة ولا تتسرع وبعض الارتباطات ضعيفة ممكن تنتهي .. عم تكون بعيد عن اجواء العاطفة لسبب ما او التزامات عندك وضغوط عليك كتيرة ماعم تلاقي مين يفهمك ولا يقدر وضعك حاول تروق وتلاقي الانسجام وتفاهم لتستقر امورك .. لاعزب فرصة لشراكة جديدة وحب بيرجع بدق بابك من جديد او اشخاص عم تتواصل معك .. والمرتبط جديد امورك افضل وجهز حالك لتحصل على شي ناطرو هالفترة ..
صحياً:تقيد بتعليمات وخفف منبهات وتدخين واركيلة وحافظ على نومك ولا تجهد حالك لان تعب ممكن يسبب هالة سودة تحت العين ويتعب بشرتك ..

الجوزاء ♊
مهنياً:العشرية الاولى شراكات وعلاقات عاطفية بتشغلك والثانية شوية ترتيب بيومك بكون افضل والثالثة شغل وصحة بتشغل وتحسن تدريجي .. عندك ضغط وماعم تلحق والمسا تحسن صحي واتصال واتفاق مهم .. مطلوب منك دبلوماسية وتكون دقيق وهدي ولا تستعجل حتى ماتوقع بتأجيل او تأخير ضغط ومسؤوليات وهاشي عم يتعبك صحياً بنهارك .. رتب امورك وخلص شغلك حتى ماتسمع كلام مو حلو بحقك .. نتبه لاسرارك واحسم امورك المالية والمسا اتصال وتفاهمات واتفاق وبتحس بتحسن تدريجي وعرض حاول تستغلوا .
عاطفياً:خليك حذر ولا تتسرع والحسم مهم وضروري.. لا تأجل شي بس بهدوء وبدون تهور ممكن تمنح الشريك فرصة جديدة خلي تبادل الأراء وحسن نية موجود لا تفكر بالامور سلبية او تنهي علاقتك بالوقت الحالي .. غيمة سودة وبتمر لا تخاف بس كون دقيق وهادئ بتعاطيك مع الشريك ونتبه لشكوك الي ممكن تزيد هاليوم بلاخص انو ركود ويأس من الوضع .. والبعض وبلاخص الاعزب والخالي من الحب ممكن اعجاب مبدئي وشي جديد ناطرك ..
صحياً:وضع صحي بيشغلك ولا تشتغل شي ما منو فائدة .. والمسا بتتحسن صحيا وبترتاح افضل من قبل

السرطان ♋
مهنياً:العشرية الاولى شغل ومسؤوليات وماعم تركز وبحاجة لحسم ونتبه على صحتك والثانية والثالثة ضب ايدك مالياً وممكن تقبض وعم يشغلك وضع العاطفي ركز منيح وكلشي بوقتو حلو ..خبر حلو عندك وتطورات عائلية رغم تعب والمسؤوليات والحمل عم يكون على كتافك وماحدا عم يقدر شي الي عم تعملو ..حاول تستفيد من طاقتك الايجابية ولا تخلي لافكار تسبب ضبابية عندك حلول لمشاكل وبتتجاوز بعض العراقيل وعم تستعجل لتخلص كلشي مشان ترتاح.. ممكن اتصال او قصة بتخص شغل ومال وضب ايدك كمان على مصاريفك وضع حدا بعيلتك بدو يشغلك ..
عاطفياً:المرتبط في انسجام وتفاهم وحلول يوم في رومنسية واتصالات حميمية لمهم تتخلص من بعض شكوك وتساؤلات الي عم تراودك وتكون متحرر مع الشريك اكتر .. من الايام المميزة عندك بالعاطفة بتكون بقمة جاذبيتك لتدخل ارتباط جديد وتطورات بعلاقات جديدة وممكن في احتمالية لعودة لشريك وتواصل .. المتزوج لا تخلي الامور تفلت من ايدك اكتر من هيك لا دخل امور العاطفة بشغلك وفكر صح الايام كفيلة باحداث تغيرات على صعيدك العاطفي بس حسم الامور مهم وضروري ..
صحياً:نتبه على صحتك المسا وحاول تغير جو بأي طريقة لانك معرض لوعكة صحية وشفاء من مرض للبعض ..

الأسد ♌
مهنياً:العشرية الاولى امورك افضل بطاقة والحظ والثانية قصص مالية عاطفية والثالثة عائلية ولقاء ولمة .. حاول تمرق هاليوم على خير بلاخص اول نهارك وبترجع الامور بتتحسن تدريجي .. مالك نفس على شي وعم يكون في تأجيل وطاقتك سلبية ومابعرف حاسك مانك مبسوط وحاسس بكركبة عم تعاني من وضع بالبيت وشغل ونقل وناس عم تكركب يومك ومافي ترتيب وتنظيم بالمواعيد او ناس عم تجي مو بوقتا وفي قصص مفاجئة من محيطك حاول تساير بلاخص بأمور عائلية .. المسا بتتحسن وطاقتك تدريجي بتكون منيحة واجواء حلوة هاليومين جهز حالك لمسا لقمر داعم الك .
عاطفياً:مو مرتاح بنهارك والمسا الحب عندك غير شكل .. عم يكون في تراشق للكلام العشوائي وعتب بينك وبين الشريك خليك صبور ولا تهتم لكلام ناس طنش ماحدا بيستاهل تجنب نقاشات اليوم قد مافيك احسن ماتوصل لطريق مسدود شوية دبلوماسية وامورك من المسا افضل وفي صلحة واجواء مميزة ونتظر شي حلو وتواصل وتغيير على صعيد العاطفي ..
صحياً:أهتم بحالك وببرستيجك واعمل تغييرات وقصص اطفال عند البعض ..

العذراء ♍
مهنياً:العشرية الاولى قصص عائلية والثانية والثالثة تنقلات واتصالات وطاقة ونشاط ومورك نوعاً افضل واجواء حلوة .. يومك منيح في طاقة ايجابية وعندك كتير حركة وبتتخلص من بعض القيود .. في اتصالات كتيرة وناس بحدك وجديدة بتتعرف عليها بتسمع خبر حلو او مفاجئة حلوة ..
عم تتحرك وتتحرر من بعض القيود الي تعبتك وفي نقاشات كتيرة بيومك او في اتفاق على شي .. وركز على امور عقارية او دراسية اذا عندك .. المسا في قصة بالعيلة واجواء ولمة كمان مابدي ياك تتزمر من الوضع العائلي واصبر شوي ..
عاطفياً: يومك بدو تنازل حتى تهدي الوضع حاول تفهم طرف الاخر او تصارح بأنك مو مرتاح وتصرفات الشريك صار بدا حد حاول تكون ايجابي بتعاملك مع الشريك وداري الوضع واكيد تحسن قريب ومن المسا لتبلش تلاقي حلول … وعلاقات جديدة وقديم ممكن يوصلك شي منو او تواصل وممكن هدية من شريك ..
صحياً:لا تجتهد من عندك بامور صحية وخلي مرجعك الاساسي اخصائي او طبيب فقط وبلاخص ناس الي بتقلك عمول وسوي بدون دراية ..

الميزان ♎
مهنياً:العشرية الاولى انفراج وتغيير ونتبه عندك اختبارات واتصالات وتواصل والثانية تنقلات وقصص عقارية والثالثة مال وصحة.. بتشغلك قصص مالية بنهارك والمسا عندك ضغوط ببيتك واتصالات.. المال بيشغلك بشكل كبير هاليوم بلاخص مصاريفك كبرانة وماعم تحس على حالك يومك في تقييم واعادة حسابات في قبض ودفع ومستلزمات ممكن في مورد جديد وقصة بتخص عقار حاول لا تستعجل وتكون فضولي وفي عرض حلو الك قريباً المسا بتتحرر اكتر وبترتاح من ضغوط واتصال مهم او لقاء جهز حالك واذا بدك تسافر خلي سفرك المسا ..
عاطفياً:المرتبط في فتور وبرودة بالعلاقة وانفعالات مالها اي مبرر نتبه لمزاجيتك احسن ماتوتر الوضع وشريك بدل مايريحك صاير عم يتعبك اكتر .. في تردد وعرقلة او رفض لا تيأس وخليك عم تحاول لتنجح .. لاعزب وضعك افضل وعلاقة ارتباط وتحسن وتواصل والمرتبط جديد حافظ على علاقتك ومو من اول عرقلة نترك كلشي …
صحياً:بحاجة لتطلع من ضيق الي انت في مافيك شي بس مانك مرتاح بحاجة لناس تريحك وتنسيك همك

العقرب ♏
مهنياً:العشرية الاولى يوم مالي والثانية راحة وتحسن نفسي والثالثة طاقة وخبر حلو بريحك وصحيا نتبه شوي .. في تغيرات لصالحك مكاسب وقضايا وانفراجات بتبلش من جديد وتقدم ببعض القصص وخبر بريحك نوعاً ما..فايق نشيط وبدك تلحق وعندك تنقلات ولقاءات واذا ناطر شي ممكن يوصلك او تشوفو .. خطوة جديدة وافكار عم تتبلور تغيرات مالية رغم ضغوط والمصاريف بتتخلص من بعض تأجيلات اتصالات وحركة اكتر وناس جديدة وسفر قصير ومن المسا في قصص بتخص المال ومصاريف.
عاطفياً:من الايام الحلوة عندك بتكون جذاب ورومنسي بس عندك طابع المزاجية ونب من ولاشي.. يوم جيد واتصال وتلبية دعوات حاول تستغل هاليوم بلا نرفزة او تكبر القصص وبحاجة تستغل نهارك بشكل كبير لتكون منيح وترتاح واجواء حميمية وكلام حلو .. الاعزب امورك افضل لحب جديد او شخص قديم ع البال .. فترة المسا حاول لا تضغط على شريك اكتر وقدر الوضع بلاخص اذا متزوج ..
صحياً:مشاكل بلاطراف او التهابات حاول لا تهمل حالك اكتر وتحسن صحي للعشرية الاولى وثانية بس الثالثة نتبهلي على حالك ..

القوس ♐
مهنياً:العشرية الاولى تحسن تدريجي الثانية لا توثق بمين ماكان ونتبه من المقربين والثالثة علاقات وناس كتار .. مرق نهارك على خير وتحسن منيح من المسا بدي منك اليوم تنتبه لكلامك وقراراتك لانك مشغول بقصص وعم تعاني تأجيل او تأخير مابدي ياك تزيد الوضع سوء او تنفعل وتتسرع ولا توثق بمين ماكان ونتبه لعلاقاتك مع الاصدقاء حتى ماتخسر حدا وضب ايدك ع مصاريفك المالية .. المسا طاقة وحظ وتحسن وانفراج ببلش عندك وخبر حلو ..
عاطفياً:قلت اهتمام وفي تغيير بالمشاعر والمعاملة هاشي ممكن يسبب خسارة علاقة .. بدي منك تنتبه على وضعك على الاقل بنهارك حاول لا تفرض رأيك ولا تخلي نقاشات تطور بحاجة لحلول ودبلوماسية اجل كلشي للمسا اذا حابب تفوت باتصالات او لقاءات .. حلول بتبلش وبصير مصالحة وتفاهم والبعض علاقات صداقة او شغل بتتحول لحب ..
صحياً:تحسن صحي ببلش عندك وبترتاح من فترة كنت مضغوط فيا صحياً بس لازم تبقى جاهز الاي طارئ وتعمل وقاية دائمة وبلش تمارين رياضية .

الجدي ♑
مهنياً:العشرية الاولى والثانية علاقات اجتماعية وناس مهمة عندك واتفاق ودعم وبداية اعجاب والثالثة عاطفة وحب وامور افضل من قبل ..
ضغط وتاخير وتأجيل ومصاريف مالية بس روق والمسا الامور افضل وحلول .. يومك بدور بقصص اجتماعية كتيرة بتلتقي بناس جديدة عندك ارادة وتصميم على نجاح مسؤوليات كبيرة عليك بس رح تثبت نفسك وجدارتك وهاشي اكيد رح يحسن من وضع بلايام الي جاي . اتفاق على بعض الامور وممكن يجيك مال بس المصاريف كبرت كتير وممكن تعمل شي جديد واذا بدك مساعدة بتتلبى في تنقلات وحركة واتصالات ولقاءات كتيرة بس روق باتصالاتك او علاقتك مع المسؤولين او بمراكز الحكومية ..
عاطفياً: امورك منيحة تدريجي لتطلع من روتين ممل حدث حلو وممتع عندك في تسويات جديدة وطروحات منطقية حاول تدرس الوضع بشكل جيد ولا تصعب الامور ونتبه لردت فعلك بلا ماتبالغ فيا وبلاخص اذا معصب من شي او الغيرة الي عم توصل لشك تجاوز الخلافات بيوم عاطفي تحسن منيح بوضعك وعلاقات عم تتحول لحب.. ولقاء واتصال وعم تندفع نحو العاطفة اكتر وامور جنسية عند البعض .
صحياً:بتحس بضغط نفسي بسبب وضع ما .. ريح حالك ونام منيح وخفف سهر وبعض الاطعمة ممكن تزعج المعدة .

الدلو ♒
مهنياً:العشرية الاولى علاقات وضعك بالبيت معكر ومالك نفس بس العاطفة افضل وممكن مال عندك وتنقلات والثانية والثالثة تحسن تدريجي وناس بحدك لا تتزمر من الوضع وتتأفف كتير .. ضب ايدك ويوم في شغل امور اجتماعية وصرف مال يوم بحاجة لهدوء عندك شغل جديد وقصص مهنية واجتماعية لا تتسرع بشي او تخالف القانون وحاول لا تعمل مشكلة مع مديرك او المسؤول عنك كون حذر من توترات ولا تعقد الامور وعالج بعض العراقيل بهدوء لانك بحاجة لدبلوماسية ونفس اطول في اتصالات مهمة وتنقلات ركز ورتب امورك وبلش من جديد لا تخلي الحيرة وتردد يسيطر عليك نتبه على سمعتك وشعبيتك بتزيد ..
عاطفياً:بدي منك تتأقلم على الوضع وتلاقي حلول وتساير ..في افكار ضايعة وضبابية بوضعك ومابتعرف لوين رايح في قصص طولت وسوء تفاهم حاصل نتبه لقراراتك هاليوم لا تخلي لاستفزاز يضيعك او يوقعك بمشكلة مو وقتها حتى ماتفقد الامل المسا الامور بتتحسن بتفكر بأيجابية وبتزيل بعض شكوك وعلاقات مميزة .. بس البعض هدي ولا تندفع زيادة بعاطفتك وبلاخص في علاقات حميمية وتهور جنسي ..
صحياً:اطلع من روتينك الممل وخفف عصبية وممكن رطوبة تأثر عليك ..

الحوت ♓
مهنياً:العشرية الاولى علاقات وشغل وظيفة والثانية والثالثة طاقة واجواء افضل عندك .. بنهارك طاقة وحظ وتغيرات والمسا نتبه لعلاقاتك وعلى سمعتك .. يوم حلو وتحسن بوضعك وبيحملك اشياء ايجابية وتقدم جيد ممكن تبلش بشي جديد او شغل جديد وتطور بأفكارك يوم بيحمل حركة وتنقلات ونجاح وامور بتتيسر بنهارك واتصالات مهمة وبتتعرف بناس جديدة وحالة اجتماعية .. بس المسا بدا رواق بالوضع بشكل عام وبالعلاقات وبلاخص من ناس مقربة بالعيلة او من زملاء العمل ..
عاطفياً:القلب بدق من جديد جذاب وحليان وحضور مميزة وفرصة لتعمل شي جديد وتغير بشكلك وعم تلاقي اعجاب فيك وعم تسمع كلام حلو ..كلشي بوقتو حلو بدنا نكون واقعيين ومقتنعين بالوضع الحالي وشيل من راسك الافكار سلبية ولا تعقدها وعيش حياتك وخليك متروي وهادئ وكون دقيق بالمسائل العاطفية الشائكة .. ممكن تصفى لقلوب ومصالحات وبس بدي منك تنتبه من البعض الي عم يصطاد بالماء العكر والي عم يحاول يشوه سمعتك من ورا ضهرك.
صحياً:لتزم بتعليمات طبية وحافظ على صحتك ونتبه من الحوادث وبلاخص اذا عندك سيارة .