قراءة الأبراج فضول وتسليه .. ليس إلا _ الأحد 20/9/2020
الحمل ♈
مهنياً: تعبت والحمل كبيرة وعم تواجه الموجة لحالك .. مصاريف مالية نفقات ومستلزمات وقصص دين وفرصة لتحصل على المال وتعوض خسارات مالية تعرضت لها والبعض ممكن تبلش بقصص بتخص ميراث لان البعض ممكن يبلش حكي او مفاوضات بقسمة او موارد مشتركة .. يوم منيح عندك حلول وتحسن بالعلاقات في اتصال او خبر منيح بعد كركبة كانت بوضعك .. خبر حلو واجواء ممتعة بتقضيا يوم للمال شراء وبيع وتجارة وديون وممكن في مبروك على شي ..
عاطفياً:هي فترة منيحة لتقدر تصلح الامور اذا عندك مشاكل وتوترات رغم الحظ الداعم بس انت مافي شي عم يرضيك وماعم تقبل تتنازل لحدا بلاخص انك تعبان من تصرفات الشريك لانو ماعم يعطيك الاهتمام زايد وماعم يقدر وضعك .. لازم نهدي ولا نتسرع بقراراتنا اذا الشريك بيستاهل عطي فرصة بلاخص المتزوجين مع اني انا متفائل بهاليوم الك لتصلح الوضع .. المرتبطين الامور منيحة الك وبتقضي اوقات حلوة واتصالات والاعزب والمنفصلين ناطرتك فرصة حلوة بس حرك حالك وبلا تشائم ..
صحياً:مشاكل الرقبة والمفاصل بس خفف من اعمالك بشغل وبالبيت ونتبه من نوم الخاطئ.
الثور ♉
مهنياً:شراكة عاطفية وحكي باتفاق او شراكة ممكن تتبلور بلايام الي جاي او شي بخص جمعيات مالية او سكنية اهم شي انك تنتبه وتكون حريص ولا تتسرع بشي مابدي ياك توقع بمشاكل حاول تخلص شغلك ولا تتأخر وتبري زمتك انت متوتر وبدك لتخلص .. ساير لتوصل لغايتك وترتاح وصار لازم تفكر بشغل او عمل يغير من حياتك المهنية والمالية بعد فترة كتير كان فيها ضغط وهم .
عاطفياً:شراكات ممكن تنتهي واخرى ممكن تبلش والثبات لصادقين .. في ناس عم دايقك بحياتك المفروض تتخلص منا بدي منك تكون هادي وحاول لا توتر الوضع صبرت كتير ومن حقك ترتاح بقا .. نتبه من سوء تفاهم وفكر تلاقي حلول جديدة لوضعك وحاج تفكير كون هادي باتصالاتك ولا تعمل من الحبة قبة والاعزب عندك فرصة لتلاقي الاعجاب او لتم شراكة جديدة والمنفصلين والارمل ناطرتك فترة حلوة بلايام الي جاي لتلاقي شي حلو وانسجام مع شخص منيح والمعالم عم تلوح بلافق .
صحياً:بجوز علاقاتك وشوية امور بوضعك تسبب عصبية وتعب وارهاق هاشي بتعبك صحياً نتبه.. عندك طاقة كبيرة حاول تستغلها بشي الايجابي.
الجوزاء ♊
مهنيا:شغل ومسؤوليات وماعم تلحق بدي منك تزيد السرعة وتنظم كلشي ولا تستسلم لضغوط في قصة بتخص شغل او ممكن شي جديد عم يكون في فكرة جديد او اقتراح وعم تساعد حدا وعم تشوف غالي واتصالات حلوة وفي تقدير لجهودك لا تضغط على حالك ونتبه لافعالك حتى ماتعب صحتك اكتر .. ممكن البعض ينهي شغل وبلش بشغل جديد واذا عندك سفر او مشوار جهز حالك ..
عاطفياً:لا تعمل من الحبة قبة وعد للعشرة قبل ما تتسرع باي حكم او قرار ومو غلط اذا كنت غلطان تساير وتعتذر صح انت مليت ومابتعرف حالك انت وين .. شريك مو مريحك حاول تسيطر على افكارك ولا توقع ضحية استفزاز لانو ناطرك على غلطة او لحتى يلومك .. تعامل معو بذكاء وخفف توتر وقلق المرتبط جديد والاعزب امورك افضل واوقات حلوة بين لقاءات واتصالات ورومنسية .. والمنفصلين يبدو في معالم علاقات جديد عم تكبر او ممكن تدخل بشي رسمي قريباً جهز حالك ..
صحياً:معرض لوعكة مفاجئة وسبب ضغوط والافكار المحبطة والشائعات ونتبه من الام المفاصل
السرطان ♋
مهنياً: طاقة وحظ وتحسن نسبي على اغلب الاصعدة امورك جيدة في تفائل وخبر واتفاق ورح تحصل على مال هاليومين وبتكتر اتصالات رتب امورك وخلي خطواتك مدروسة في عرض بيرضيك وعم يتحسن عندك وضع البيت والاجواء عائلية وشي بخص الاطفال كمان واذا مفكر بسفر جهز حالك ..
عاطفياً:يومك كتير رايق وحلو عم تتمتع بجاذبية عم تمتلك قلب الشريك والفلك بساعدك لتصلح الوضع وتغير مجرى الامور ممكن تكون توترات او ماكان في نفس ع شي اليوم افضل في استقرار وراحة نفسية واتصالات كتيرة وممكن خبر بخليك ترتاح وتتريث بأمورك .. صح وضعك بحاجة لحزم بس كمان ماتروح تفرض كلشي بالقوة خليك دبلوماسي وناقش بهدوء وكلشي بكون منيح ..تطور بالعلاقات عند المرتبط والاعزب عندك حب جديد وممكن يتطور بالايام الي جاي او يرجعلك حب قديم .. بعض المنفصلين بدي منك كمان تاخد قرار حاسم بوضعك العاطفي ولا تأجل شي ..
صحياً:بحاجة لنظام غذائي ونتبه لاكلك هالفترة ولا تخلي شي يأثر على صحتك ياصديقي
الأسد ♌
مهنياً:بتشغلك قصص عائلية ووضع عندك بالبيت او نقاشات وممكن بيشغلك وضع حدا من اهلك حاول لا تنفعل او تتسبب بمشاكل حتى مايكون في توتر وقلق .. عندك تغيرات بالبيت او عم تعمل تصليحات ببيتك وممكن البعض بفكر بنقل او تغيير منزل هالفترة .. نتبه على مصاريفك المالية ونتظر شي مهم قريباً مالياً..
عاطفياً:الاعزب معالم جديدة رح تتوضح بس بدي منك تبتعد عن اي علاقة مارح تجبلك نتيجة .. المتزوج شوي شوي وضعك افضل وتحسن بواقع العلاقة … المرتبط يومك في قلق توتر ماعم تحس براحة في شي كابس على نفسك ماعم يخليك تفهم الوضع ولا تعرف شو بدو الشريك او ليش تصرفاتو صايرة مملة وباردة مانك مرتاح ومو ع بعضك في عتب ولوم وحاسس بضغط نفسي وماحدا عم يفهم عليك بدك تروق وتمرق هاليوم على خير وتحاول تبذل جهدك لتحسن الوضع بدون ماتكبر القصص تقرب وساير مو طالع شي بالايد .. ولبعض ممكن يفكر بسفر وهاشي وارد بالايام القادم بقصد لقاء شريك او زواج ..
صحياً:عندك عصبية ومشاكل الاعصاب رفه عن نفسك وهدي ياعزيزي مشان صحتك ..
العذراء ♍
مهنياً:امورك افضل بهاليوم خبر حلو وطاقة وتنقل قصير بترتاح وبتتحسن امورك بشكل تدريجي استغل هاليوم لتخلص شغلك وتتحرر من كتير ضغوط قادر تقنع وتوصل وممكن سفرة قصيرة وبتجهز الاختبار او امتحان وعند اتصالات كتيرة ومنها من مكان بعيد وحركة تجارية وممكن عم تغير شي عندك بالبيت او عم تجيب اثاث جديد .. انطلاقة جديدة على صعيد دراسي او بشهادات وعلم جديد ..
عاطفياً:عم تتمتع بجاذبية كبيرة وبتعمل تغيرات بوضعك وببرستيجك وعم تسمع كلام حلو رغم كل هالوضع الي عندك في شي زاعجك انت ماعم تعرف شو بدك ومانك مرتاح .. العين عليك لارتباط وحب ممكن عبر صدفة واتصال من بعيد يوم في تقارب وخطوة جديدة ومهمة ممكن لقاء واتصالات بتكتر وفي رومنس بالوضع او حب عم يرجعلك .. لا تخلي الماضي يرجع وسكر الباب عليه نصيحة الك .
صحياً:عم تعصب وصوتك بيطلع بس مابدا كل هاشي روق وهدي احسن ماتتعب صحياً..
الميزان ♎
مهنياً:بعرف مالل وضجران ومالك خلق ع شي بس بدا طولة بال هاليومين بس .. بحاجة للمال ومصاريفك كل مانها عم تزيد ومابتعرف من وين بتطلع المصاريف المالية .. عم تعيد حساباتك وتعاملك مالي بهاليوم بين دفع وقبض وفي تحسن وممكن تحصل على مكافئة وتحسن بسيط .. عم تكون اجتماعي وعلاقات كتيرة بس لا تخلي طيبة قلبك تأثر عليك وتسبب مشاكل مع محيطك او مع احد افراد عيلتك..
عاطفياً:يومك بحاجة لدبلوماسية وهدوء نسبي تدريجياً .. مانك مرتاح للوضع بشكل عام عم تكون حساس واي كلمة ممكن تأثر فيك بدي منك تهدي ولا تقدم على اي قرار او تصرف بدون ماتحسب حساب بلاخص اذا متزوج .. خلي العلاقة فيها نوع من الانسجام وخليك جريء وأستوعب الشريك لتحافظ على علاقتك .. ركز هالفترة بس مشان كلشي يرجع طبيعي والامور تكون بخير .. الفرصة قريبة اذا كنت خالي من الحب لشراكة جديدة ..
صحياً:انت عم تعب حالك وعم تسبب لنفسك ارهاق وجع راس وتلف بلاعصاب خفف تفكير ونام منيح
العقرب ♏
مهنيا:بعد تعب وركود اليوم انت افضل وتدريجي بتكون منيح وبعرف الحمل عليك كبير وحاسس بضغط نفسي .. مدعوم بطاقة ايجابية وحظ عم ترجع الثقة من جديد وعم تستعيد مكانتك او مركز حركة ونشاط وسفر قريب وتنقلات وعندك اهتمامات شخصية .. خبر حلو وفرصة جديدة واجتماعي بتكون بسهرة واتصالات وتعارف .
عاطفياً:المرتبط خليك رايق واستفيد من دعم الفلك الك لترجع الثقة لعلاقتك وتصالح وتقضي وقت حلو وناقش وجهة نظر الشريك بهدوء لاجواء جيدة بمشوار او لقاء وتواصل .. لاعزب فرصة لتبلش ارتباط جديد او اعجاب من بعيد لبعيد وممكن يكون في مصارحة في مشاعر وفي تعبير عن عواطف ..
صحياً:لا تعب حالك ببعض الاعمال المجهدة والمؤثرة وحافظ على طاقتك لتكون منيح صحياً.
القوس ♐
مهنياً:علاقات اجتماعية وصداقات بتكبر وناس مهمة.. يبدو انت مانك مرتاح وضايج وقصص عم تعبك وناس ماعم تقدر شي وبلاخص المقربين منك .. في سوء تفاهم او حدا عم يفهمك غلط لهيك خليك هادي ولا تصعد الخلاف مع اخ او اخت او بشغلك مافي شي بيبقى على حالو هدي هاليومين بس لتتحسن امورك بشكل عام .. البعض عندو استشارات او قصص قانونية او قضائية نشالله بتكون ايجابية وفرصة جديدة بشغلك لتتلقى مكان مهم او ترفيعة او نقل قريباً .
عاطفياً:بامكانك تهتم بحالك وببرستيجك الخارجي عم تكون محط انظار واعجاب واحلامك عم تكبر ولكتار عم يفكرو بأرتباط وبداية علاقة جديدة ومابعرف اذا عم تفكر بشخص قديم .. نتبه للغيرة وعيش ايامك هالفترة بهدوء وحذر بعرف عم تقلي مافي شي عم يظبط بدك تصبر على الاقل ليخلص هاشهر .. البعض ممكن عندو اتصالات وعاطفة حلوة وبلاخص الاعزب والمرتبط جديد .
صحياً:بحاجة لراحة بيومك وبعد عن ناس السلبية والي بتأثر على طاقتك خفف جهد بشغلك وبيتك ونام منيح
الجدي ♑
مهنيا: علاقات واصدقاء واوجه غريبة وتنقلات وعزائم ..اجواء حلوة بيومك وعندك تنقلات ومقابلات وناس جديدة امورك منيحة رغم ضغط والمسؤوليات بادر بالخطوة الاولى هيي اساس لنجاحك حتى اذا بحاجة مساعدة فيك تطلب.. في مين واقف حدك وبساعدك نظم وقتك ورتب امورك ويوم في مال ومصاريفك كبرت لازم تبلش من جديد .. عندك حركة اوراق وبلاخص هالفترة في عندك ضغط شغل لازم تبلش بلاولويات مشان ماتكبر ضغوط وماتقدر تلحق والي مفكر بسفر فيك تسافر هاليومين ..
عاطفياً:بعد توتر بوضعك وجمود وممكن البعض وصل توتر للجفا ومشاكل ..الامور اليوم افضل تواصل بيرجع في مصارحة رغم الشريك بالفترة الاخيرة بتحس ماعندو اهتمام او مشغول بقصص تانية حاول تبعد عن المشاكل والانتقادات وساير شوي .. استغل يومك ليكون في حب ورومنس واعجاب والبعض عم يكون عندو علاقات سرية واتصالات حميمية وتواصل عم يكبر وبلاخص المرتبط جديد عم تعيش اجواء مميزة وشغف عاطفي بس خفف شوية غيرة .
صحياً: نتبه لضغط وتسرع بضرابات القلب وتفخة بالمعدة واي عارض لازم تشوف طبيب .
الدلو ♒
مهنياً:طموح ورغبة وسمعة ويومك اجتماعي .. عندك قصص بتخص شغلك او مكان عملك وظيفة ممكن البعض عم يفكر بشغل او مقبل على اختبار بدي منك تثبت جدارتك حاول تستفسر عن كلشي وتدخل بتفاصيل حتى ماتوقع بأخطاء وسوء تفاهم مع المسؤول عنك .. خبر حلو وناس جديدة وعندك حركة اتصالات واوقات حلوة اجتماعياً و قصة بتخص الاطفال للبعض ..
عاطفياً:فكر بالحسم وحلول اكثر فعالية وبعد عن المزاجية بلاخص عم تتكرر معك بعض القصص وافتعال المشاكل من لا شي وكل ساعة بمزاج والبعض مابتلاقي وقع بالحب حتى يترك روق واعطي اي علاقة وقت كافي على الاقل لتكمل معك .. احسم امورك وحاول تتجاوز هالعقبات وتتخطى هالوضع .. يومك بشكل عام بيشهد مصالحة او عودة شريك وممكن رح تشغلك الايام جاي بقصة خطبة او زواج وممكن المنفصلين الو نصيب منها .. ارتباط عند الاعزب ممكن عن طريق صدفة ..
صحياً:لا تخلي العصبية تأثر عليك مشان ماتوقع بمشاكل صحية ونتبه لأكلك …
الحوت ♓
مهنياً: يوم داعم الك والحظوظ ايجابية لقاءات واتصالات وشغل واتفاق وقصة بالبيت .. متفائل اليوم بتتعرف ع ناس جديدة وعم تفكر تعمل شي جديد وتغييرات بحياتك .. يوم بيشهد مصالحات وتنقل قصير وقصة عقار بتشغلك حاول لا تتجاوز القوانين وأعمل تغييرات بسلوكك الشخصي وردود افعالك واستغل الحظ لصالحك قصة عائلية ممكن تلاقي حل الها ..
عاطفياً: عم تكون جذاب والعين عليك اتصالات طويلة في مصالحات ومصارحة مبدئياً بتكون منيحة .. المرتبط حاول تمتلك زمام المبادة وتكسب قلب الشريك ولا تكون انفعالي حتى حط حد لبعض ناس من حولك الي عم تسبب مشاكل . لاتكون عنيد وقرب وجهات نظر بتلاقي حلول يوم حلو واوقات مميزة بتقضيا ..
صحياً:حافظ على صحتك ونتبه من كريب