قراءة الأبراج فضول وتسليه .. ليس إلا _ الاثنين 14/9/2020

الحمل ♈
مهنياً:العشرية الاولى يوم في شغل وجهد عم تبذلوا والثانية والثالثة يوم عاطفي مالي وقصص اطفال .. عم تتجاوز ازمة بوضعك وبالعيلة وبعد سوء تفاهم وضغط عندك حلول والحظ معك لتحسن وضعك خبر بريحك وطاقة ايجابية عم تتمتع فيها ناس بحدك وعزيمة ومال بيجيك وعم تدفع كمان وتنقلات بتقوم فيها والبعض قصة طفل قادم ..
عاطفياً:عندك طاقة عاطفية وعم تخطف الاضواء .. يوم مميز بكون عندك فرصة حلوة لتصلح علاقتك وتحطها على طريق صحيح وتفكر بحب صادق ويحمل اهتمام اكتر .. يوم حلو أستغلو لصالحك وممكن رجعة حب قديم وتحسن بوضعك مع الشريك الحالي .. والبعض عندو علاقات سرية عم تكبر وبداية لاعجاب جديد او لقاء وحميمية بلاجواء ..
صحياً:خلي الحلول وسط يعني يا بتزودها يا بتستهتر ع الاخر نتبه على صحتك

الثور ♉
مهنياً:العشرية الاولى يومك مالي وعاطفي والعشرية الثانية والثالثة قصص عائلية وعقارات ومال وعقود بتخص العيلة .. بتزيد المسؤوليات عليك وضغوط عم تكون عندك وبلاخص ضايج ومدايق وانت محتاج القوة والارادة وصبر لتخلص امورك ان كان بالبيت او بشغلك او بعض القصص العائلية الي ممكن تشغلك بنصحك تحاول تتعامل مع امورك اليوم بدبلوماسية وحكمة بترتاح وبيتحسن وضعك وقصة بتخص منزل وعقار او تصليح بدي منك تروق وتهدي والبعض لقاءات ومال
عاطفياً:حليان والعين عليك بس بتعاني من الخذلان وعدم الاستقرار بلاخص من اشخاص بتحبن.. حاول لا تخلي شي يأثر على علاقتك حتى ماتوقع بمشاكل انت بالغنى عنها وكتير صار لازم تحط نقاط على الحروف بعلاقتك وهاشي لازم تستعجل في حاول لا تقدم على اي خطوة بتخص لقاء او اتصالات طويلة او حكي بأمور مهم مع الشريك واجل كلشي ليخلص هاليوم ونشالله الوضع بيتحسن تدريجي هاليومين ..
صحياً:ممكن تزور طبيب او عندك استشارة وانا برأيي هاشي لا تتهاون في لان ممكن لوضع يتفاقم اكتر

الجوزاء ♊
مهنياً:العشرية الاولى قصص عائلية ومنزلية وثانية وثالثة اتصال او لقاء واتصال وناس جديدة .. برغم ضغط المالي بالبيت وشغل اليوم في اتصالات وتغير شي مهم يوم منيح الك وتحسن ايجابي بعلاقاتك وعم تكون محط أعجاب لكتار وعم تكون واضح وصريح بتصرفاتك عم تكون متحرر من القيود وعم تعطي رأيك ..تواصل بيكبر وناس بحدك وممكن جديدة هاليومين بتتعرف عليهن وعم يدخلو حياتك وممكن في قصص بتخص المال بهاليوم بين استلام وتسليم .. نتبه من الحوادث والاعطال اذا عندك سفر و امور دراسية وشهادات للبعض .. بس البعض هدي بأمورك العائلية المسا ..
عاطفياً:قصص مو مستاهلة تفكر فيا وشوية هدوء بتكون افضل .. لازم تكون مقنع وتتواصل بشكل اكبر وتحسن علاقتك ممكن تفكر بلقاء بس في شي طارئ عم يأجل هاشي .. بنصحك تكتفي بتواصل والاتصالات هالفترة وحاول تفكر بمستقبلك الوقت عم يمرق ممكن يكون في لقاء بس بدك تنتبه مايصير سوء تفاهم .. البعض ممكن في مساعدة لشريك وعودة تواصل بعد انقطاع ..
صحياً:بحاجة لحلول سريعة على صعيد الصحي وفي تقلبات بوضع جسمك ..

السرطان ♋
مهنياً:العشرية الاولى في تنقلات واتصالات والقاءات والثانية والثالثة مال بيشغلك .. يوم للمال وصرفك كبر حاول تهدي وتفكر بحلول مالية .. عم يدور يومك ضمن نطاق ضيق بحوارات ونقاشات بأمور بتخص بيت ومصاريف والوضع المالي متعب .. بدي منك لا تعطي كلمة او تحسم اي شي بدون ماتتأكد من المعطيات ضب ايدك عم يجيك دخل بس صرف عم يزيد ولازم تعيد تقييم للوضع من جديد .. والبعض بجهز لسفر او امور دراسية جديدة وقصص فيها اوراق..
عاطفياً:تعبان وعم تفكر كتير ومانك قادر تاخد قرار
حاول تبتعد هالفترة عند نقاشات وفكر لقدام بلاخص الي وضعو على المحك .. هالفترة كتير مهم تقوي علاقتك بشريك وحاول ترفع من منسوب العاطفة عندك وتخلي ثقة تكبر اكتر بينك وبينو وتعزز الوضع نحو الافضل وتجاهل الاعداء الي عم يحاول يعكرو الوضع والي غايتهم تفريق وبلاخص شخص مقرب من تحت لتحت عم يخرب الوضع بدون ماتحس ..
صحياً:لازم تطلع من جوك وتغير مكان وبتعد عن الارهاق وتعب الي عم يعكر مزاجك ..

الأسد ♌
مهنياً:العشرية الاولى يومك في مال وثانية والثالثة امور شخصية وتنقلات واجواء افضل . القمر والزهرة ببرجك داعم الك واخبار حلوة .. يوم مميز وممكن من افضل الايام عندك بعد تعب نفسي وضيق وتوتر .. طاقة ونشاط وسفر قصير وتنقل وحركة وثقة بنفس وحالة اجتماعية وبتنجح بأعمالك والحظ بساعدك لتتجاوز جميع العقبات الي بتمر قدامك حاول تستغل هاليوم لتطور علاقاتك واتصالاتك ولقاءات مع ناس بتحبا وعزائم كمان بينصحك كمان لا تفوت بشي مو حاسب حسابو مظبوط والعشرية الأولى ضب ايدك مالياً…
عاطفياً:يوم رومنسي عم تكون جذاب وساحر وعم تعزز علاقتك بشريك واتصال حلو بتقضي وقت ممتع واجواء حميمية عم تتفائل بيوم مدعوم عاطفياً واذا في علاقة متعبتك فيك تتخلص منا المهم تكون صراحة موجودة وممكن تبدا بأرتباط جديد الي قلبو خالي من الحب والمتزوج شوية هدوء لتعرف شو بدك من شريك او شوية نقاش حاد بينحل لا تخاف ..
صحياً:بحاجة لتغير جو او لسفرة تريح حالك نفسياً رطوبة مزعجة وبلاخص عندك بالبيت

العذراء ♍
مهنياً:العشرية الاولى تحسن تدريجي وثانية وثالثة علاقات ومركز او مؤسسة حكومية بيومك .. مانك راضي عن الوضع وفي تعب وعقود ومعاملات وقضايا وتعامل مع ناس مهمة .. يومك بدو صبر وحكمة بتعامل لتتجاوز وتتخلص من ضيق بصدرك وناس مزعجة لازم تعتمد على حالك ولا تراهن ع الحظ بيوم ضعيف نسبياً وقد تعاني تأخير وتأجيل لبعض القصص حاول لا تستعجل حتى ماتخسر شي ونتبهلي بمين عم تحط ثقتك حاول تثبت جدارتك نتبه لبعض العلاقات مع زملاء ومع بعض المقربين او علاقة مع شخصية مهمة والبعض انفراج بامور العمل ونقلة نوعية
عاطفياً:مانك راضي عن وضع الشريك وبتحس انو في شي متغير وتصرفات ومعاملة ماعم تروق الك .. في برود وفتور وحاسك مو ع طبيعتك لا تخلي تشائم يسيطر عليك لان عم يخلي الامور تتعقد أكتر وكركبة بالوضع وعم توقع بحيرة .. بحاجة لتزيد المشاعر اكتر وترفع منسوب الثقة وتلاقي طريقة توصل فيها لقلب الشريك بشكل أسرع وتلاقي حلول شوية صبابية بوضعك.. اصبر هاليوم وبس وامورك بتكون بخير لا تخاف وتحسن تدريجي قادم ..
صحياً:مشاكل الاسنان او كريب وبلغم لهيك نتبه من الماء البارد او ساخن والمنبهات او من عدوى كريب .

الميزان ♎
مهنياً:العشرية الاولى علاقات اجتماعية كتيرة بس نتبه تتأخر على شغلك او تعمل مشكلة مع مدير او ضمن شغلك والثانية والثالثة يومك منيح وتحسن وطاقة ايجابية .. عندك روح جديدة وبتغامر وبتقضي اوقات حلوة مع ناس بتحبا وحدا غالي وعلاقاتك أجتماعية بتزيد وممكن تنقل قصير او سفرة قصيرة وعزائم .. اذا بحاجة مساعدة فيك تطلب لتوصل لشي بدك ياه او توصل لمكان معين وتبدا شي جديد بحياتك وتحسن نحو الافضل بشكل تدريجي يوم للاصدقاء تعارف و العيلة والاطفال ومال بيوصلك ..
عاطفياً:بتمارس سحرك وجاذبيتك وبدي منك كمان لا تكبر القصص وتلاقي حل لمشكلة مستعصية بادر باتفاق او عقد جديد ولازم تحط نقاط على الحروف بلاخص انت بحاجة للوضوح لانك جد ماعم تعرف شو بدك او شريك ماعم يريحك … لا تعب حالك وتعب نفسيتك لانك قادر تفكر منيح وتنجح بهاليوم وتكسب قلب الشريك .. والبعض علاقات سري واجواء حميمية يبدو عم تاخد منحى اخر وظروف ماعم تساعد للقاء ..
صحياً:مانك ع بعضك في عصبية وتوتر او قصة عم تخليك منرفز شوي .. نتبه على رشاقة جسمك ومارس المشي او رياضة المنزلية .

العقرب ♏
مهنياً:العشرية الاولى علاقات وتغيرات والثانية والثالثة مال وتنقلات وصحة .. علاقات اجتماعية وعائلية بيومك وتاجيل بقصة ما بيشغلك وضع المال اليوم وبدك تلحق بسرعة وضب ايدك على مصاريفك بهاليوم احسب شو الك وشو عليك ولا تتسرع باعمالك واحكامك .. يوم متطلب وانت بحاجة لدعم ولشخص يوقف معك لتوصل لأي شي بدك ياه .. نتبهلي لناس الي بدا تحاول تعرقل جهودك ولا تعملي مشاكل ونقاشات مامنها نتيجة ونتبه من تشويه سمعة وحكي كتير بضهرك طنش ولا تعتب على حدا ونتبه على صحتك اكتر …
عاطفياً:مانك مرتاح للمعاملة وفي تغيير وتراجع بوضعك ..حاول تفكر بعلاقتك وبس ولا ترد على حدا الحذر مطلوب والعين بعدا عليك او حدا عم يراقبك لا تهتم لان مارح تستفاد شي وممكن تخسر اكتر اذا استهترت بالوضع .. مصلحتك مع الشريك حاول تتقرب اكتر منو وتوقف حدو وتمشي بتحقيق اهدافك العاطفية والامور التي انت عازم عليها وهاشي لمصلحة علاقتك وبعد عن ناس والمقربين بهاليوم افضل الك والبعض بفكر بلقاء وعلاقة سرية عم تكبر وعم تطور بشكل سريع ..
صحياً:التهابات وضغوط نفسية التزم بتعليمات واطلع من جوك ونتبه من لرطوبة ومشاكل الجلد

القوس ♐
مهنياً:العشرية الاولى علاقات وشغل وثانية سفر وتنقلات وثالثة لقاءات واختبارات وقصص عائلية واتفاق.. يوم حلو وايجابي اتصالات كتيرة وبعيدة وناس بتشوفا وممكن جديدة .. يوم ايجابي وحظ ونجاح وعم تتحرر من كتير قيود او من نق وحكي .. اليوم منيح وناس جديدة بتتعامل معا وتنقل قصير وافكارك غنية وبتدعم مصالحك وشي جديد وتحسن وراحة وعزيمة والبعض رح يجهز حالو لدراسات عليا او اختبار وامتحان ..
عاطفياً:بنصحك ترجع الامور لطبيعتها وتكون دبلوماسي مع الشريك يعني كلمة منك وكلمة منو ولامور بتتحسن شوية تنازل افضل ماتندم على شي غالي .. حافظ على علاقتك من توترات او من ناس الي عم تدخل بوضعك من تحت لتحت لازم تعرف الي بحبك ومن اصحاب المصالح .. تعامل بأيجابية واعطي الشريك الاهتمام لتحسن واقع الوضع معو الحظ معك بهاليوم وجذاب وساحر .. والبعض فكر كيف ممكن تتخلص من الماضي وتفكر بارتباط جديد .. بالمجمل يوم عاطفي بيحملك اوقات حلوة واتصالات وعلاقات حميمية..
صحياً:تحسن صحي وطاقة افضل من قبل مارس هواياتك لتحافظ على نشاطتك وحيويتك ..

الجدي ♑
مهنياً:العشرية الاولى تنقلات وعم تفكر بسفر وتغيير مكان والثانية والثالثة قصص مالية .. لامور رح تتحسن بس روق ليركز هالوضع شوي بتعيد حساباتك من جديد وحلول لقصة تعبتك وعم تتخلص وترتاح نفسياً وتغيرات بتصير لصالحك عم تستوعب الامور وبكون عندك فرصة وخيارات اوسع وحتى بتكتر اتصالاتك وتواصل بيكبر وتحسن عائلي ومع المحيط وكتير ناس بدا تتواصل معك اذا مقرر سفر حاول تأجلو اليوم و قصة بشغل او عرض جديد الك حاول تدرسو وتفكر في منيح وبلاخص اذا شغل ..
عاطفياً:بحاجة لترجع الثقة للعلاقة يوم صعب عليك بحاجة للمبادرة وخطوات ايجابية يومك بدو أعادة حسابات من جديد والفرصة قدامك لا ضيعها .. حاول تقرر مجرى حياتك وحدد طموحاتك المستقبلية وفي فرصة لترجع تصارح وتصالح وتتحسن الامور .. اتصالات وتواصل عاطفي لكن فيها برودة هالفترة وممكن البعض بخطط لشي مهم او للقاء بلاخص الاعزب ..
صحياً:البعض بيشفى من مرض .. والبعض نتبه من نوعية أكلك او تسمم ومشاكل هضمية واسهال .

الدلو ♒
مهنياً:العشرية الاولى يوم للمال وثانية قصص مهنية ولقاءات والثالثة شراكات بيومك.. بيشغلك موضوع شراكات المهنية او العاطفية وأتصالات ونقاشاتك بتكتر وبدك لتطلع من هالوضع المتعب ممكن عم تتعرض لمواقف بتحس انها مقصودة وفي ناس عم تحاول تستفزك او عم تحاول تسببلك مشاكل او عم تدفعك نحو الغلط نتبه من المواجهات ومن المشاكل وبعد عن العصبية وتوتر ولا تخلي نقاشات تطور وقف كل شخص عن حدو بلا مايصير زعل او تنهي شراكة .. البعض قصص بتخص المال وفي قبض ودفع او دين ..
عاطفياً:هدي الوضع عندك حتى ماتخسر شريك بلاخص المتزوج والبعض عندو تطور بعلاقة واخبار منيحة بلاخص للمرتبط .. عصبية وتوتر بتسيطر على العلاقة وبتحس الوضع مدايقك ومانك رضيان عن شي .. بدي منك لا تفرض شي فرض وحاول تكون دبلوماسي بعلاقتك وبتعد عن المزاجية وناقش الشريك وكون جريئ وماتكبر القصص .. امور منيحة للبعض وعم يكسر الروتين وبتعمل شي جديد بحياتك او ارتباط او تتطور بعلاقة ..
صحياً:لا تخالف تعليمات ونصائح طبية نتبه من ضربة او كسر ومن الالات الحادة او من التهابات ومضاعفات جلدية ..

الحوت ♓
مهنياً:العشرية الاولى قصص شراكات وعلاقات عاطفية والثانية شغل ومسؤوليات والثالثة نتبهلي على صحتم .. هدي بشغلك او ببيتك لان البعض مهدد بأنو يخسر شغل او توتر بلاجواء مع مسؤول او زملاء العمل .. مانك ع بعضك اليوم تغييرات باوضاعك وممكن تتلقى اقتراح او عرض وبتعاني ضغوط ومسؤوليات وقلق وتوتر بلاجواء .. خلص التزاماتك ورتب امورك والي ناطر شغل عندو فرصة وممكن مال من شغل غير شغلك .. والبعض عندو لقاء او اتصال وممكن سفر بخص شراكة
او عمل ..
عاطفياً:رغم الي حواليك بس انت ماعاد مقتنع وفي نفاق وكذب وللحكي فالكل بيحكي محتاج لحدا قد كلامو وصادق بمشاعروا بعيد عن المصالح ونفاق .. في امور ماعم تقدر تنساها ولازم تفكر تتحرر اكتر وتطلع من وضعك يومك في مصالحة وتتطور بالوضع العام مع شريك للمرتبط .. والمتزوج عم يحس بلاهمال من قبل الشريك وهاشي عم يخليك تفكر بأمور أخرى ركز منيح ولا تقدم على اي خطوة مو حاسب حسابها لقدام .. صدفة او تطور بعلاقة ممكن بشغلك او مع صديق او عبر مواقع تواصل ..
صحياً:تحسن صحي وضعك ببلش يتحسن نحو الافضل لا تغامر بوضعك ولتزم بتعليمات وبتبلش شي جديد على صعيد صحي