فنون

قراءة الأبرج فضول وتسليه .. ليس إلا _ الأحد 13/9/2020

الحمل ♈
مهنياً:قصص عائلية بنهارك وبعد ضهر مال وعاطفة وتغيرات لصالحك ..قصص بحاجة لحلول وتسويات وممكن بحاجة لشي او مساعدة او قصة حدا من اهلك او ابنائك لان في قصة ببيتك او تصليح او تجهيز رح تشغلك وموضوع في حكي كتير .. بعد ضهر القمر والزهر ببرج الاسد الصديق مع المريخ ببرجك بيعطوك الطاقة والحظ وتحسن تدريجي بوضعك وحلول لمشاكل وتحسن مهني وممكن يجيك مال وحلول المشكلة جذرية .. استغل فترة بعد ضهر أجواء حلوة ناطرتك واتصالات ولمة ومال وقصة انجاب عند البعض ..
عاطفياً:مشغول بالك فترة لنهار وماعم تعرف شو بدك تعمل وممكن ماعم تلاقي راحة الفكرية انطر لبعد ضهر وفترة المسا جاذبيتك بتزيد وحلول وتطورات مفاجئة وخبر حلو ناطرك .. بتكون احسن وامور مهمة عندك لتقضي اوقات بين حب وارتباط وبتسمع كلام حلو استغل فترة المسا لكلشي حلو نشالله لتواصل وتقارب وتعارف وعلاقة ممكن تتحول لحب بشكل سريع ..
صحياً:لازم تكفي شي بلشت في على صعيد صحي من حمية او تمارين او خبر حلو للبعض صحياً او بما يخص الاطفال ..

الثور ♉
مهنياً:فترة لنهار افضل واستغل الفرص المتاحة والي بين أيديك وبعد ضهر قصص عائلية .. خلص المهم بنهارك اذا في لقاء او اختبار او اذا بدك تسافر بتكون امورك افضل اذا بدك تشتغل هيك شي اتصال مهم او لقاء بدك تحط نقاط على الحروف ..من ضهر و المسا عندك قصص بتخص العيلة ومسؤوليات جديدة وعم تأجل بعض المواضيع الي مو وقتها وعم يكون في عرقلة بقصة ما او قصة ببيتك عم تعبك وشكلك مشغول بحدا الامور بدا رواق ودبلوماسية وصبر لتتجاوز هالفترة ..
عاطفياً:ركز بكلامك وتصرفاتك واحسب حساب لكل كلمة ممكن تقولا مابدنا مشاكل بهاليوم وطنش كتير امور بعلاقتك انت قلبك طيب وسامح والا الامور عم رح تاخد منحى أخر وبتجاه تصعيد وأكيد بهالفترة مو لصالحك هاشي وكلشي بوقتو حلو الاوراق بأيدك ودنيا ماخلصت اذا خسرت حدا .. لا تتسرع بشي نصيحة الك ولا تفكر وهدي من طباعك …
صحياً:مانك رايق لحدا اليوم وشكلك بدك تتحمل ضغط بس مجبور بنصحك تبعد عن الاجواء صاخبة وضجيج وكتر الحكي الي بلا طعمة ..

الجوزاء ♊
مهنياً:بتشغلك قصص مالية بنهارك ومن ضهر انت افضل .. حاول تكون جريء ومندفع ببعض الامور بلاخص بامور شغلك تردد قد يسبب لك مشاكل وعدم اتخاذ القرارات بشكل الصح عندك مال صبح بين دفع وقبض .. من ضهر بزيد نشاطك وطاقتك وممكن اذا ناطر مال يجيك واتصال ايجابي وخبر ولقاء بناس بتحبن وقصص بتخص بيع وشراء وامور شغل شوي داقرة .. عندك اهتمامات شكلية واتصالات ومفاوضات وحلول لمشاكل تعبتك وبتفكر بسفر او عم يشغلك هالفترة وخبرات جديدة وقصص دراسية او امتحان ..
عاطفياً:عندك جهد بدك تبذلوا بامور العاطفة او في زعل وبدك تراضي والوضع بارد .. الامور بتتحسن بلاخص بعض ضهر وفترة المسا في تقارب وانسجام نوعي وتغييرات بوجهات النظر عم تزيد جاذبيتك وطلتك وخبر منيح الك بتكتر الاتصالات من المسا او اذا في لقاء افضل الك وحكي كتير ومشاعر وفضفض الي جواتك وبادر على الاقل ليكون في حلول وانسجام اكتر ..
صحياً:ممكن تعاني من اوجاع المفاصل ولازم تحرك حالك بتمارين بسيطة وحاول لا تحرك شي تقيل

السرطان ♋
مهنياً:خلص امورك المهمة صبح ومن ضهر قصص مالية عندك .. بحاجة تستغل الفرص الصبح واي شي مهم عندك عملو عندك طاقة والحظ بساعدك وبتخلص شغلك وتنقلات وحركة وفايق بكير لتخلص شغلك .. من ضهر قصة بتخص مقرب او شي طارئ وأخبار بدا تركيز وامور مالية بدا تشغلك بين دفع وقبض حاول تنتبه لوضع العيلة شوي رح يشغلك ..
عاطفياً:تغيرات عاطفية وعم تقضي وقت بتواصل وحكي كتير جاذبيتك عالية وعندك حيوية ومؤثر على الجنس الأخر بتسيطر على الوضع من جديد وعم تقلب الامور لصالحك حاول تعطي اهتمامك لشريك ولا تصعد الخلافات بلاخص فترة المسا خفف شوي من نقاشات .. البعض في مصالحات وحب جديد واعجاب مبدئي ..
صحياً: خفف تناول بعض المنبهات حاول تعتمد على وجبة الفطور قبل تناول اي شي تاني .

الأسد ♌
مهنياً:من ضهر عندك تحسن وطاقة والحظ بساعدك ..
عم تمر بشوية ضجر وملل وعلاقات عم تعبك وتصرفات البعض عم تزعجك لا ترد على حدا ولا تعب حالك مع ناس لا بتقدم ولا بتأخر واجل اي عمل مهم لضهر .. من ضهر القمر بيدخل برجك بيعطيك طاقة وحظ وتحسن بلاخص عم يجتمع مع الزهرة ببرجك
تحسن وراحة وانفراج وعم تعالج مواضيعك وعندك شعبية عم تزيد ولمة حلوة تحسن مالي وبتغير جو وتنقل قصير واخبار حلوة ناطرتك وبتحسم امر صار في حكي كتير ..
عاطفياً:حاول تبتعد عن الامور العاطفية صبح ولا تقدم على اي نقاش او اتصال لبعد ضهر شوية رواق ودبلوماسية بتعامل والحظ من ضهر بيعطيك الجاذبية وبتكون حليان وعجاب فيك من الجنس الاخر يوم لتعالج بعض الامور عندك ولتقضي وقت حلو يوم بتسمع في حكي حلو او لتتعرف بشخص عن طريق صدفة او من خلال شغلك ومحيطك واعجاب عم يطور بشكل تدريجي وعودة شريك او خبر عم تسمعو عن شريك .. يوم بحسن العلاقات عنظ المرتبط والاعزب اعجاب ..
صحياً:مشاكل الاعصاب وعكة صحية خفيفة للبعض

العذراء ♍
مهنياً:تنقلات ومال بنهارك والمسا علاقات واشخاص بحياتك او ناس مهمة .. خلص المهم وضروري بيومك وحاول لا تتكاسل في بعض الامور او انك تأجل شي لان مارح يكون لصالحك فيك تطلب بنهارك او اذا بدك مساعدة لمهم تخلص ضروري بيومك .. بعد ضهر في عندك نوع من الحيرة او خيارات متعددة حاول لا تحسم شي هلق وهدي هاليومين شوي وفكر بقرار مناسب او شراكة تحسن وضعك المالي وانا بشوف تستعجل ولا تتردد متل ماترددت ببعض الامور سابقاً..
عاطفياً:بنهارك امورك افضل وعندك علاقات واتصال ولقاء حميمي عند البعض فكر بمستقبلك العاطفي والمهم توضح مشاعرك ونيتك تجاه الشريك وتخلي صراحة حاضرة بعد عن المشاكل او من نقاشات عم توصل لسوء تفاهم وبلاخص فترة المسا مو ناقصك وجع راس والي فيك مكفيك .. والبعض حاج تفكر بالماضي واي علاقة عابرة او اشخاص عم تدخل حياتك جديد وماعم تشوف شي جدي بعد عنهم ..
صحياً:اي عارض صحي الا تتهاون في وعلى الفور استشر أخصائي وبلاخص مشاكل القلب وبعض نساء قصة بتخص الاطفال .

العقرب ♏
مهنياً:بنهارك افضل وبعد ضهر تعب وارهاق .. يومك ببلش باتصالات وتنقلات وعندك التزامات بدك تخلصها حاول تلاقي حل لوضعك وتستغل فترة نهارك وتعزز علاقاتك وممكن تشوف ناس الك زمان ماشفتا او جديدة عم تتعرف عليها وعم تبحث عن امور مهمة وكتير عم تهتم بامور ضمن بيتك وعم يكون في مال ومصاريف ع تصليحات او شي بخص البيت او صحة وحاسس بضيق وكركبة شوي .. بعد ضهر بدي منك لا تجاذف بأي شي ونتبه وكون حذر من اي قصة بتخص شغل او زملاء والعائلة وممكن البعض عندو شغل جديد واتصال او شي بخص وظيفة حكومية ..
عاطفياً:يوم في حسم لقرارات واتفاق على قصة معينة جذاب وساحر وفي لقاء واتصال من صبح .. المسا روق وحاول لا تكون مستفز وعصبي وتنازل شوي وهديلي حالك وامورك نشالله بتستقر لانك كتير تعبت من هاضغوط وحاول تفهم كلام الشريك منيح واتصال حلو للمرتبط جديد والاعزب صدفة وتغيرات قادمة ..
صحياً:نتبه ع صحتك او صحة حدا بعيلتك وممكن تزور طبيب او مختبر ولا تخالف تعليمات والبعض في عندو صورة رنين مغناطيسي ..

القوس ♐
مهنياً:بنهارك تعبان شوي وتوتر بوضعك او بقصص مالية بعدا عم تشغل لكتار ومصاريف مدري من وين بتطلعلك عم يكون في ضبابية والفكر مو صاحي ركز منيح بنقاشاتك بشغلك او بالمال وقصة قضائية بتشغل البعض .. بعد ضهر القمر والزهرة بالاسد والمريخ بالحمل طاقتك بتزيد تدريجي وبتطلع من تعب الي كان مسيطر عليك وعم تتجاوز عراقيل بيومك اتصالات مهمة بتحملك امور ايجابية وتحسن بوضعك المهني والمالي والعاطفي وبتكون مدعوم باجواء حلوة وتنقلات وعزيمة وركز على امور دراسة او اذا بدك تدخل جامعة او كلية واذا بدك تسافر خلي سفر بعد ضهر ..
عاطفياً:تحسن عاطفي ولاجواء افضل عم تتجاوز وضع عاطفي متعب وعم تتخطى بعض العراقيل وممكن حدا بوقف معك او بساعدك بحل ما او مشكلة او ليصير صلحة وتمرق هالمشاكل الي تعبتك وبلاخص الخطوة الاخيرة ماكانت عم تدعم وضعك بتلاقي هاليومين اخبار حلو وجاذبيتك غير شكل والاعزب عندك شي حلو وشريك قديم ممكن يتواصل او صديق غالي عليك والعتب ع قد المحبة .
صحياً:بحاجة تغير جو وتطلع من تعبك اذا في عزيمة او مشوار لا تتردد

الجدي ♑
مهنياً:بتخلص شغلك بكير وبعد ضهر الامور في تحسن ومال قادم وتغيرات لتحسم امورك .. فايق بكير وبدك تخلص شغلك ومواعيدك ويفضل تخلص المهم لتخلص من نق وكتر الحكي يوم بدو حسم وممكن تحكي بأمور فيا شراكة .. تحسن تدريجي من ضهر وممكن فرص هاليوم لتقبض وتنفرج عليك واخبار حلوة ناطرتك استغل يومك بلاخص عندك دعوات وعزايم والعيون عليك هالفترة وعلى شغلك ضب ايدك على مصاريفك المالية لان فعلاً كترت وصارت عم تعبك نفسياً وبلاخص موضوع دين بيشغلك ماعم تقصر مع حدا بعرف بس الوضع هيك ع الكل ولازم تتحمل ..
عاطفياً:سيطرة وتملك او انك تحس حالك بحالة حجز لحريتك هاشي عم يتعبك في حالة من تملك والاستفزاز وحكي كتير بس الفعل قليل كلشي بالهدوء ورواق بينحل لمهم تستوعب الشريك وتتقرب منو لا تعمل من الحبة قبة وأحسم امورك العاطفية او خيار عم ياخد تفكير كتير منك لا تصعبها وتكون عنيد وبادر بعلاقتك لشي أيجابي بلاخص فترة المسا فترة منيحة الك لحلول وحسم وسهرة حلوة .. اتصال وتواصل وفرصة لارتباط او علاقة عم تتطور عبر الانترنت ..
صحياً:عندك مشاكل بالفم ممكن بلعومك او لسانك او اسنان ونتبه على المعدة كمان خفف اكل الحامض والمالح والبعض بيرتاح من وضع صحي .

الدلو ♒
مهنياً:شغل وصحة بنهارك وبعد ضهر شراكات وعلاقات مهمة عندك .. بعدو الوضع غير مستقر وعم تلاقي تأرجح هاشي عم يسبب ضبابية وماعم تعرف ترتب امورك حسب الاولويات رح يكون عندك خيارات بيومك بس بدي منك تركز ع الاخيارات الي بتفيدك بس الحلول مهمة هالفترة واستغلالها ضروري خليك سريع ولا تتهاون بشي .. لا تخلي عصبيتك ومزاجيتك تعملك مشاكل سوء مع مقربين منك او مع حظا بشغلك .. بعد ضهر امور افضل وقصص شراكة عم ترجع من جديد ركز منيح ولا تتسرع بشي بمايخص المال وتعاملك مع المسؤولين او المقربين منك ..
عاطفياً:في حكي كتير وناس ماعم تترك بحالك وبلاخص بعض المقربين لا تفكر بحدا ولا تهتم وفكر بمستقبلك وبس ومن علاقات تجبلك نتيجة يعني مو تخرب دني كرمال حدا مابيستاهل .. لا تخلي شي يأثر على معنوياتك وانت بتمتلك الارادة والقوة لتوقف بوجه اي حدا .. وانت كتير محتاج شخص يفهم عليك ويكون مناسب وعندك فرصة حلوة عاطفياً كون جاهز لتغييرات بوضعك او شراكة زوجية هالفترة عند البعض ..
صحياً:لا تكون كسول ومتهاون صحياً البعض بيشفى من مرض او عندو زيارة لطبيب للاطمئنان عن وضعو

الحوت ♓
مهنياً:خلص المهم بنهارك وبعد ضهر نتبهلي على صحتك وخفف ضغط عنك .. عم يكون عندك القوة والفطرة لتتجاوز بعض الامور بلاخص صبح او شي لخص المال لتقبض لا تتأخر بأنجاز اعمالك المهمة ولا تأجل شي لان مو لصالحك لان بعد ضهر عندك مسؤوليات جديدة وضغط وماعم تعرف كيف بدك تتخلص من هاشي اي قصة ممكن تصير معك المسا بنصحك تروق وتهدي ولا تكبرها وممكن هاشي يسبب توتر وتعب صحي الك او لحدا بعيلتك لا تفوت بنقاشات طويلة واحسمها او اجلها اذا كانت المسا..
عاطفياً:استغل فترة نهارك لتعمل تغييرات او اتصال او لقاء الحظ بكون معك والاجواء افضل تحسن بنهارك او صدفة حلوة بتجمعك بشخص وجاذبيتك كبيرة هاشي بساعدك لتحسن عاطفي قادم بلاخص الاعزب والمرتبط جديد او اذا ناطر مبادرة من شخص .. المتزوج نتبه من بعض الامور العاطفية المسا او سوء تفاهم وتوتر بعلاقتك ونتبه على اسرارك مو كلشي لازم تبوح في او تخلي مشكلة صغيرة تأثر على كلامك واندفاعك بلكلام .. والبعض نتبه من بعض العلاقات العابرة الي ممكن تسبب مشاكل ومارح تفيدك بشي غير وجع القلب وهم لان ممكن يكون في لقاء والامور عم تتطور ..
صحياً:نتبهلي على صحتك وبلاخص المسا يبدو مو طايق حدا او عم تبذل مجهود عم يأثر عليك صحياً ..
والبعض قصة صحية بالعيلة رح تشغلك