قراءة الأبراج فضول وتسليه .. ليس إلا _ السبت 12/9/2020

💕 الحمل ♈
مهنياً:العشرية الاولى مال وعاطفة والثانية والثالثة قصص عائلية ومصاريف .. يوم للمنزل ولامور العائلية ومصالحات كمان .. قصص كتيرة بتشغلك بين شغلك وبين بيتك بدك تنتبه لعلاقاتك مع البعض حتى ماتكبر ومابتعرف شو بدك ولا مع مين بدك تكون وهمك مين بدك تراضي ومين بدو يزعل مقدر وضع الكل بس ماحدا مقدر وضعك خليك حيادي ولا تزعل حدا .. ممكن عندك مشكلة بسكنك اوحابب تغير او تنقل ونتبه لقراراتك ومن حساسيتك لبعض المقربين منك وضب ايدك على مصايفك.. العشرية الاولى في شغل ومال ممكن يجيك ..الفلكي
عاطفياً:العشرية الاولى يوم عاطفي ولقاء وثانية وثالثة بدك تهدي ومشغول بقصص أخرى ..لا تفوت لامور بعضها والوضع المحيط فيك لا تخلي يأثر على علاقتك .. ويمكن البعض عم يشوف علاقتو معقدة ومو قادر يكفي لكن الانسحاب ليس بالامر سهل ولا يوجد خيارات لذلك نتبه تحسم شي مهما الشريك وجه العتب ولوم الك .. والبعض او الاعزب عندو بداية علاقة وتحسن تدريجي ..
صحياً:بتهتم بصحة حدا من اهلك وانت لازم تتبع تعليمات وتحافظ على صحتك من تعب والارهاق

💕 الثور ♉
مهنياً:العشرية الاولى قصص عائلية والثانية والثالثة لقاءات وناس كتيرة وتنقلات وحركة .. تبع حدسك وامشي وراه نشاط وطاقة ومشاركات وشي جديد تنقلات وقصص اوراق .. يوم حلو ومدعوم من الفلك بس تسرع مرفوض لأن ممكن ترتكب أخطاء وتندم عليها .. لازم تفكر وتخطط بهدوء وبلاخص عندك دعم وتفكيرك افضل ويوم في تركيز وعم تجهز لشي مهم وبتزيد علاقاتك الاجتماعية والاتصالات بعيدة وممكن البعض عم يفكر يشتري شي او يبيع وممكن يغير شي وعندو تصليحات بسبب اعطال واذا عندك سيارة نتبه من الحواث ..البعض بأجل سفر بعيد وعندو قصة او سفرة قصيرة ووضع عائلي بيشغلك .
عاطفياً:متقلب هاليوم ممكن عندك مفاجئة بعلاقتك او قصة بتشغل وضعك العاطفية .. لاغلبية عم يعيش يوم بتقارب وتواصل بين لقاءات واتصالات ورومنسية وبيقدر يقنع ويوصل لقلب الشريك بعد ماكان متعبو .. البعض في قصة كبيرة او عم تكتشف شي على حقيقتو ..ممكن بدك وقت منيح حتى تتجاوز هالوضع ولاسى الي بقلبك ..الفلكي
صحياً:عم تعاني وعكة صحية وعم يكون في تعب وارهاق ونفسيتك متوترة هدي حالك ..

💕 الجوزاء ♊
مهنياً:العشرية الاولى عندك تنقل واختبار والثانية والثالثة قصص مالية بتشغلك .. فكر بموارد جديدة وشغل جديد لتحسن امورك المالية وممكن يجيك مال او ناطر مال وضب أيدك على مصاريفك والتزاماتك .. عم تبذل جهد بشغلك وضمن بيتك وعم تخطط لأمور مستقبلية مهمة من اجل ترقية بشغلك او تحسين وضعك او منصب منيح وهاشي قدامك نشالله بتلاقي قريباً وفي تأجيل لسفر بعيد بس اذا عندك سفر قريب الوقت مناسب واختبار وعقار وتجارة بيومك ..الفلكي
عاطفياً:بتعد عن الاشخاص الغلط واحسم امورك .. محتار ومانك عارف شو بدك وبتحس حالك ضايع بين القرارات .. نتبهلي للبعض الي ممكن غايته يسبب فشل بعلاقتك حاول لا تتردد او تحتار بأي قرار عاطفي لهيك بدي منك تركز والامور بتمشي على خير رغم تقلبات .. ممكن صديق او حبيب قديم بيرجع .. والبعض يبدو الحميمية عم تكون حاضرة بلاخص للاعزب ..
صحياً:مشاكل بالفقرات ريح حالك وصبر هالفترة ليستقر وضعك وحرك حالك باستمرار ونتبه من هالجو

💕 السرطان ♋
مهنياً:العشرية الاولى قصص مالية والثانية والثالثة علاقات وتغيرات شخصية .. غير اسلوبك وطريقتك وكون اكثر حركة ودقة لان يومك داعم الك لتكون منيح وتتجاوز مشاكلك بكل سهولة وطاقتك ايجابية تعامل مع الامور بواقعية لتكون امورك افضل وفرصة حلوة فيك تستغلها ومساعدة من شخص وفي تعامل مالي ولقاءات وتنقل قصير وتحسن مالي بيومك المهم تهديلي حالك بلامور العائلية وضب ايدك على مصاريفك بلاخص العشرية الاولى..
الفلكي
عاطفياً:العشرية الثانية والثالثة حليان وجذاب وعاطفتك قوية اليوم عم تفكر بعلاقتك وكيف ممكن تحسن الوضع كون صريح وصادق بمشاعرك والشريك اكيد رح يكون متفهم ويقدر الوضع أستغل هاليوم ليكون حلو وتكسب ثقة الشريك وتبدا قصة جديدة بحياتك او ارتباط والامور نشالله فيا تحسن بعد توتر وسوء تفاهم .. والعشرية الاولى لا تخلي الامور المالي تسبب توتر بينك وبين شريك وفي مصاريف على شريك او عزيمة او قضايا ..
صحياً:نتبه من الجو وتقلبات طقس وتأثيرها عليك لانك معرض لوعكة صحية ..

💕 الأسد ♌
مهنياً:العشرية الاولى تغيرات بوضعك الشخصي والي براسك بدك تعملوا والثانية والثالثة علاقات اجتناعية وتغيير قادم بس اصبر هاليوم .. مضطر تواجه ضغوط وصعوبات بهاليوم وممكن عم تحس او في حدا عم يحط عراقيل قدامك ومو مرتاح لتصرفات البعض وخيبة امل عم تسيطر عليك لان ممكن قصة او شي بدك ياه عم يتأجل روق وفكر كيف ممكن تلاقي حلول وتتقدم بأعمالك وكلشي بكون تمام بعد هاليوم لا تخاف لان ناطرك تحسن مالي عاطفي وسفر اذا ناطرو ..الفلكي
عاطفياً:سوء تفاهم او ممكن تراكم المشاكل عم تولد تعقيداً بأمورك لكن حاول تنتبه لمشاعرك وكلامك هاليوم مع انو الشريك مابيستاهل وفي خيبة امل منو
وماكنت متوقع هيك روق وهدي وساير على الاقل لتحصل على شي الي بدك ياه .. اذا في مشكلة بتنحل لا تخاف ونتظر تحسن كبير بوضعك المهم تروق وتهدي بمصالحات وتفاهمات ولا تكبر الوضع بيئة جديدة ومكان جديد وتغيرات مهمة قادمة ..
صحياً:ممكن الاستفزاز والعصبية قد يشكلان لك حالة عدائية نتبه له شي ولتفت لاجواء ترفيهية..

💕 العذراء ♍
مهنياً:العشرية الاولى علاقات وناس كتير وقصص بدها حل وحكي بشغل جديد والثانية والثالثة مال ومصاريف واعادة تقييم للوضع وعاطفي وقصة حدا من عيلتك .. هدي ولا تتسرع بشي ولا تخلي الانفعال يفقدك تركيزك ولا تستعجل وتحسم شي قبل ان تكون منتبه لنتائج وتكون على علم مسبق .. تسرع ممكن يودي فيك لمشاكل كبيرة او خسارات مالية ومصاريف كبيرة .. برغم يومك مدعوم والحظ عم يساعدك لتحسن نفسيتك وعلاقتك ولقاءات بهاليوم وبتلتقي بناس بتحبن وعزيمة عندك واذا بدك مساعدة فيك تطلب او اذا بحاجة شي لا تتردد .. والبعض عم يدور بقصة شغل مع مقرب هالفترة و قصة مولود جديد للبعض ..الفلكي
عاطفياً:جاذبية حلوة وساحر وفرصة لاعجاب من الجنس الأخر وتطور بعلاقتك مع الشريك بس بدي منك تنتبهلي لكلامك لان ممكن تتسرع بشي ويسبب زعل بعد عن الاجواء المتعبة والمحيطة فيك ولا تفوت على حالك لحظات كتير حلوة بالحب والمغامرة والحميمية .. وشريك قديم عم تتواصل معو او صدفة ممكن تجمعا بحدا غالي ..
صحياً:نوعية الاطعمة التي لا تقاوم قد تبقيك بحالة شراهة دائما عليك الاعتدال بكمية طعامك..

💕 الميزان ♎
مهنياً:العشرية الاولى مال وعاطفي وشغف والثانية والثالثة علاقات اجتماعية وشغل كتير ومصالحات .. روق هاليوم في حظ وفي دعم برغم من المسؤوليات وضغوط الي كتير عم تعبك عم تخطط لامور مستقبلية وتغيرات محتملة في القريب العاجل روق هاليوم وخلص المهم وضروري ولا تعمل مشاكل او حساسية مع مقرب او مدير او مسؤول او بما يخص بعض الامور الأدارية والقانونية لا تكبر القصة ولا تخلي حدا يستفزك طنش والامور بتتحسن تدريجي والبعض عندو مال وتنقلات او مشوار وعزيمة ..
الفلكي
عاطفياً:شغف عاطفي والقلب دقاتو غير بهاليوم .. جاذبيتك بتزيد وانت بموقع الكل عينو عليك وبدو القرب منك وعم تسمع كلام حلو وغزل واتصال طويل وتواصل وشريك نوعاً ما افضل من قبل بلاخص اذا مرتبط جديد او اعزب.. واذا مرتبط الشريك متعبك وماعم يتعامل معك منيح لان ممكن يصير مشكلة بدك تصبر لتمر هالغيمة ولا تكبر القصة وتحسن بكون عندك هاليوم لتبلش تحط نقاط اساسية لوضعك وشريك مرجعو لعندك لا تخاف ..
صحياً:حافظ على رشاقة جسمك وقاوم المغريات بلاطعمة بلاخص اذا عندك عزايم كتير هالفترة ..

💕 العقرب ♏
مهنياً:العشرية الاولى عندك شغل ومسؤوليات وقصة بشغلك والثانية وثالثة لقاءات وناس غريبة وتنقلات وجهز الاختبار .. يوم منيح وتطورات لصالحك مع هيك عندك شغل ومسؤوليات عم تزيد
او عم تشوف ناس مو كتير مرتاح معا بس بيطلب من تساير وتكون دبلوماسي بلاخص اذا ناطر شي او في افكار براسك بدك تعملا .. بتحل مشكلة من مشاكل كتيرة عندك او عم تطمن للوضع الحالي وبتتلقى دعم وبتلتقي بناس بتحبن او جديدة عم تتعرف عليها وفي تنقل قصير واتصالات مهمة وعزيمة وضبلي ايدك مالياً هاليومين والبعض عندو قصة او خبر بيتعلق بوظيفة..الفلكي
عاطفياً:عم تكون جذاب بيومك وساحر وبتمتلك احساس وسحر غير الكل وفي اعجاب وتبادل للمحادثات حاول تكون متفهم للوضع وخفف من اسئلتك بهاليوم حتى ماتوتر الوضع ونتبه على بعض المراسلات او الاتصالات وركز منيح .. نقاط مشتركة تفاهم بعد مشكلة مع الشريك واخبار حلوة وانسجام وتبادل لثقة واذا عندك علاقات سرية انا بنصحك تلاقي حل او تنسق كلشي بشكل المطلوب ..
صحياً:بسبب الجهد عندك تشنجات عضلية ريح حالك ولا تضغط على العضلات بهاليوم او نتبه من حركة غلط بالرقبة او الظهر ..

💕 القوس ♐
مهنياً:العشرية الاولى عندك تنقلات وممكن سفر واختبارات والثانية والثالثة قصص مالية وعلاقات كتيرة وضب ايدك وقصة دين .. يوم في تغييرات ودعم ومال وشوية حلول استغل دعم الفلك الك بهاليوم لتكون سريع وذكي وعم تعرف كيف تتعامل مع الكل بتتلقى اتصالات كتيرة وعم ترفض تستسلم وعم تكرر المحاولات حتى توصل وتنجح وانت بتمتلك قوة وصلاحيات مهما كانت صغيرة الا انها مؤثرة وضبلي ايدك ع مصروفك رغم اليوم في تسديد لالتزامات وديون وفي موارد من شراكة او قصة ميراث وفي عندك عزيمة وممكن تقبض .. والبعض عندو سفرة واتصال مهم وناس جديدة ..الفلكي
عاطفياً:يوم للاستقرار ولاندفاع العاطفي وعم تزيد روابط العاطفي بعد برود ومزاجية وماكنت طايق شي .. الامور عم تهدى بعد توتر وضغط وبلاخص انو ما كان في تنازل كلمة منك وكلمة منو لامور بتظبط وبتتحسن .. المرتبط جديد عم يعيش جو كتير حلو ومشاعر قوية وعم يعبر عن عواطفه ورومنسيته وفي بعض تلميحات وصدفة عند الاعزب ..
صحياً:اتخاذ القرارات الصحية الصائبة من شأنها ان تبقيك بوضع جيد .

💕 الجدي ♑
مهنياً:العشرية الاولى قصص مالية بتشغلك والثانية والثالثة شراكات ومال وحوالات وارباح .. لقاء واتصالات ومال وشراكة ونجمك محبوب ..الحمل عليك كبير وعم تسدد التزامات وديون وعم تساعد البعض بس في ناس مابتستاهل وهاشي لازم تعيد تقييم علاقاتك معن وتغير وجهة نظرك ..بعرف تعبت لازم تعمل شي جديد يطلعك من حالتك بس نتبه انك تحسم شي بهاليوم بلاخص امور الشراكات .. فكر بشغلك واعطي وقتك وتأجيلك لامور كتير رح يسبب ضغط وهاشي غلط وممكن يزيد مصاريف المالية هالفترة كتير ضب ايدك هاليوم والبعض ممكن يقبض من شراكة او حوالة … لقاء وتنقل وعزيمة كمان ..الفلكي
عاطفياً:عم تعاني من جهد بدك تبذلو لتقنع الشريك بوجهة نظرك او بدك توضح امور لقدام يمكن الشريك عم يكون عندو تحفظ كون هادي ولا تتسرع بشي مع اني شايفك عصبي ومدايق بهاليوم نتبه هاشي يخليك تحسم علاقتك لانو ماعم تتحمل شريك بلاخص المتزوج .. والبعض عندو وقت للحب او لارتباط جديد وشخص مميز عم تقضي وقت حلو معو ان كان شريك قديم او متعرف عليه منذو فترة قصيرة وعم تحسن واقع العلاقة نحو الافضل ..
صحياً:وعكة صحية وتعب عضلي او كريب خفيف لكن سرعان مايتحسن الوضع.. والبعض بيشفى من مرض وريح حالك من ضجيج ..

💕 الدلو ♒
مهنياً:العشرية الاولى قصص شراكات وعلاقات وشراكات زوجية والثانية والثالثة مسؤوليات وناس وصحة عندك .. يوم متقلب ويحمل مزاجية بالأحداث امور عائلية وقصص عم تعبك وبتحس بضغط ومسؤوليات ولازم تخلص امورك المهمة ولا تخلي اعمالك تتراكم عليك بسبب تكاسل وقلة لمروة ..كمان في اوقات حلوة واتصالات بتخدم مصالحك وممكن تنقل من مكان لمكان ومال ومصاريف .. لا تخاف امورك بتتحسن قريباً بس ظبطلي امورك اليوم وحسبها صح لتوصل لتسويات مهمة .. والبعض في مشروع شراكة عم ينطرح ..
عاطفياً:تعلم من الماضي وضربة الي مابتكسر بتقوي لهيك العتب ولوم مارح يفيدك .. شريك غير مبالي ولامقدر شي وبلاخص انت قدمت كتير وماحدا بيستاهل طلع .. روق وهدي حالك وتركا للايام وحافظ على تصرفاتك وكلامك ولا تعمل مشاكل تنلام فيها وامورك رايحة للافضل ولارتباط جديد عند البعض وتحسن بالوضع عند المرتبط وقت حلو واتصالات وتواصل بشكل اوسع من قبل..الفلكي
صحياً:عم تجري بعض تغيير بشكلك وعم تعتني بصحتك اكتر وشفاء من مرض بس نتبه من الالتهابات والانفعال والعصبية بلاخص اذا عملت عملية ..

💕 الحوت ♓
مهنياً:العشرية الاولى مسؤوليات جديدة وتنقلات وهاشي عم يسبب ارهاق وتعب والثانية والثالثة امورك افضل والحظ معك مالياً عاطفياً .. تطورات حلوة وطاقة وتواصل واتصالات عم تكتر وناس بتحبن حدك ولمة حلوة بترتاح هاليوم بعد تعب وبتلاقي حل لمشاكل وبلاخص بالبيت وفرصة ممكن تجيك حاول تستغلها لصالحك وممكن تفكر بشي جديد بشغل او بالمال او بحاجة تمويل لشي بدك تشتري .. اجواء فيها تحسن وضعك افضل نشالله .. بس البعض خفف عن حالك ضغوط نفسية ..الفلكي
عاطفياً:جذاب ورومنسي ويوم حلو اذا بدك تتقرب من الشريك وتحسن الوضع وتكون منيح ويوم بيحملك اوقات حلوة وجديدة لان فرصة هاليوم لارتباط او ممكن شريك يرجعلك وتحسن بعلاقتك .. نتبه من المقربين الي عم يحاولوا يصطادوا بالماء العكر والي ناطرينك على دقرة ..
صحياً:لا تخلي حدا يستفزك ويعصبك ونتبه على صحتك من وعكة ..