قراءة الأبراج فضول وتسليه .. ليس إلا _ السبت 29/8/2020

الحمل ♈
مهنياً:العشرية الأولى امور عاطفية والثانية عندك شغل كتير وثالثة اجتماعي وعلاقات .. قصص شغل وظيفة وعلاقات اجتماعية بتكتر اختبارات ولقاءات وناس حواليك .. نتبه لمعاملتك يمكن الاجواء اليوم بتخص شغل وعلاقاتك الاجتماعية بدا هدوء وتعرف كيف تتعامل مع الجميع ولا تقدم على اي شي ماعندك علم مسبق فيه ..ومن بعد ضهر انت افضل وامورك منيحة لتطلع من تعب الي مر عليك بشكل تدريجي واتصالات وحالة اجتماعية حلوة وسهرة ممتعة ..العشرية ثانية ركز بامور شغل افضل الك ..
عاطفياً:روق بنهارك والمسا الامور العاطفية والاجواء افضل .. لا تتسرع بشي ولا تحكم على الشريك ولا تخلي شكوك تأثر على العلاقة او تظن في وتلومه انت بتعرف الوضع روق ونتبه تاخد اي قرار مهم بعلاقتك ولامور المسا افضل لتقدر تغير كلشي وتحسن واقع العلاقة وتعيش الحب والمغامرة او لتتعرف على حدا والبعض نتبه من علاقات سرية .. العشرية الاولى تحسن عاطفي عندك اكتر بس بدي منك تنتبه وكون حذر من اي تهور ..
صحياً:عم تراودك بعض الاوهام وهاشي طبيعي بس لا تخلي تشائم والاحباط يسيطر عليك..

الثور ♉
مهنياً:العشرية الاولى قصص شغل وعمل وثانية اجتماعي بس نتبهلي على سمعتك من القيل والقال والثالثة عندك سفر واتصالات وتغيير جو .. يومك متقلب استغل ظروف بنهارك لتخلص كلشي وترتاح .. بتكون مقنع وعندك القدرة على تنفيذ اعمالك وفي تنقلات قصيرة بيومك او اختبار عم تجهز حالك ممكن تسمع خبر بخليك تتفائل شوي واتصالات ولقاءات مهمة .. المسا حاول تستغل الفرص وعندك امكانية لتغير او تشتري شي وضروي استغلال الفرص بالأخص لتحافظ على سمعتك الاجتماعية والمهنية وحابب تعمل شي بخص الوظيفة بس بدي منك الا تتسرع بأي قرار ..
عاطفياً:تطورات بالعلاقة وبداية جديدة رغم المشاكل ونقار بينك وبين الشريك انا بدعيك تلاقي حلول بعلاقتك وتنسى الي راح لان يومك حلو أستغل هاشي لترجع عاطفتك وتعيش بذكرياتك الحلوة ..حليان وجذاب ولاعزب امورك افضل حتى تتعرف على حدا او يصير ارتباط .. المسا خليك محافظ على استقرار علاقتك حتى ماترجع لقصص تعبتك بوقت سابق اتصالات بتكتر بس كون هادي وبلا مزاجية.. العشرية الثالثة عندك اتصال او لقاء واجواء في تحسن ..
صحياً:رغم ضغوط لازم تهتم بصحتك وتعطيها الوقت الكافي وخصص وقت لرياضة كمان ..

الجوزاء ♊
مهنياً:العشرية الاولى اتصالات ولقاءات وسفر وثاني بيوصلك مال وثالثة مصاريف واختبارات .. قصص مالية بنهارك التزامات ومسؤوليات مالي واحسب شو الك وشو عليك ودقق منيح .. في ركود وتأخير ومماطلة وعم تشتبه عليك الامور مابدي ياك تتخذ اي قرار حاسم بنهارك لانو الامور بتبلش تتحسن من المسا بزيد نشاطك وبتتطلع من حالتك وانفراجات بتصير وممكن تحصل على اجواء حلوة ولقاءات وناس جديد واخبار حلوة بتغير من نفسيتك واتصالات مهمة وبتجهز لسفر او اختبار واجواء حلوة بسهرة ولمة ..
عاطفياً:تتطورات بعلاقتك بتبلش من المسا بين لقاء او اتصالات وتعزيز وتقارب وممكن يحملك عواطفة كبيرة بالحب ورومنسية وجاذبيتك غير شكل .. ازدهار بعلاقتك ولاعزب مدايق من حدا بس فرصة ليتغير الوضع او ارتباط جديد .. والعشرية الأولى عندك لقاء واتصال طويل فكون هادي لتحسن وضعك اكتر ..
صحياً:عندك مشاكل بلاسنان ونتبه على ضغط لان ممكن تزور طبيب وبلاخص العشرية الثالثة

السرطان ♋
مهنياً:العشرية الاولى قصص مالية وثانية والثالثة شراكات عاطفية ومهنية بتشغلك .. مسؤوليات وتعبان والامور بعدا واقفة بنهارك .. مافي تحسن ملحوظ والمشاكل ممكن عم ترافقك ببداية نهارك نظم امورك منيح وخلص ضروري ولا تأجل شي واذا عندك دفع او ضراب او اجار خلص هاشي اليوم .. المسا امورك افضل بين مصالحات واتصالات وانفراج وتحسن وفرصة لتتحسن امورك المهنية والمالية بعد تعب وبتكتر الاتصالاتك ولقاءاتك وعزايم .. وشراكة عمل وترتيبات بما يخص المال .
عاطفياً:حلول ايجابية وانا بشوف يومك عاطفي لتتخلص من بعض القصص بشكل دبلوماسي .. ممكن البعض عم ياخد قرار عاطفي مهم بهيك يوم لان علاقتك كان فيا تجارب كتيرة .. تفكيرك افضل وانت بيوم فيك تحسم وتطوي صفحة متعبة والبعض عم يفكر بارتباط جدي وامورك نحو الافضل .. لقاءات واتصالات وتواصل مع الشريك وبلاخص المسا .. العشرية الثالثة بنصحك تحسم امورك وحاج مابتعرف حالك وين انت ..
صحياً:كتير طاقتك منيحة وبتتحسن اليوم وبحاجة لتحسن نفسيتك وترجع ع نادي رياضي..

الأسد ♌
مهنياً:العشرية الأولى شراكات وثانية قصص مالية وثالثة شغل وصحة .. بحاجة لترتيب وتنظيم بنهارك وشراكات مهنية وعاطفية من المسا .. حاول لا تدخل بشي مهم ولا تتسرع بشي و خلي كلامك مدروس ولا تتهور ممكن انت متعب اليوم وطاقتك مو منيحة حاول تخفف ضغوط عنك وتأجل امورك الخاصة او شغل المهم للمسا لانك رح تلاقي تحسن نوعي وتسمع خبر منيح وتلاقي حلول لبعض المشاكل وممكن نقاشات منيحة وقصة عمل او اتفاق ما و هاشي بزيد من تفكيرك وطموحك المسا ..
عاطفياً:روق بنهارك والمسا انت افضل .. حدث مهم او شي عم يدايقك وتتطورات عم تسبب قلق بعلاقتك حاول تكون هادي لتعرف شو تعمل المسا انت افضل حتى ماعم تكون تقليدي بعلاقتك او عم تكون صريح وعم تفصح عن مشاعرك وفي حوار ومستجدات بس روق بنهارك .. ونطر اخبار واجواء حلوة وحلول من المسا وممكن لقاء او اتصال بريحك .. العشرية الاولى نتبه من توتر مع الشريك وقصص الغيرة ..
صحياً:تحسن صحي تدريجي لتطلع من وعكة صحية والمسا بتكون مرتاح نشالله

العذراء ♍
مهنياً:العشرية الأولى مسؤوليات وثانية صحة وثالثة مشغول عاطفياً .. افضل بنهارك والحظ بساعدك وبوقف معك .. خليك متفائل بهاليوم لتوصل وتنجح ولتحقق تقدم عبر اتفاقيات او مفاوضات مهنية او مالية حتى اذا في حكي بشغل او انك تبلش في ممكن تتوصل لحل بهاشي استغل نهارك .. المسا انت بحاجة لتركز امورك وتقرب من اي شي بحسن من نفسيتك تخلص الي عليك ولا تكون مزاجي نظم امورك المسا وحاول كتير تطلع من جوك وتجهز حالك لمشوار وسهرة حلوة وتنتبه على صحتك لان عندك مسؤوليات ..
عاطفياً:نهارك حلو بين لقاءات واتصالات عم تكتر وممكن عم يكون في تواصل مع شخص قديم او عم ترجع تحكي معو وممكن تقضي وقت بين اتصالات ومراسالات واجواء فيها حب ومغامرة عاطفية .. والبعض وبلاخص المرتبط من المسا شوية معاكسات بعلاقتك وممكن عصبية بس لا تخاف كلو بينحل بس برواق وممكن كمان في تحديد لموعد مهم بحياتك العاطفية او ممكن يكون دخول بشي جديد .. العشرية الثانية لا دخل امور أخرى بعلاقتك العاطفي وروق مابدا كل هاشي ..
صحياً:ممكن وعكة صحية او كريب ..لا تقدم على تناول طعام بكثرة او بوقت متأخر فقد تتسب بمضاعفات صحية..

الميزان ♎
مهنياً:العشرية الاولى قصص عاطفية وثانية عم تشغلك امور لقاء واتصالات ومال وثالثة قصص عائلية بتشغلك .. بحاجة لهدوء ورواق بنهارك والمسا بتبلش تطلع من تعبك ..توتر بفترت النهار وماعم ترتاح والقلق مسيطر على علاقاتك او جو المنزل والعيلة مانو ظابط اليوم وعم تواجه بعض تأجيل وكتير في مماطلة وماحدا عم يصدق معك هاشي كتير عم يتعبك وبعض القصص الي ما عم تريحك ..المسا امورك افضل وانت منيح لتحسن وضعك وترتاح تدريجي اخبار حلو ولقاءات مميزة وسهرة مع ناس بتحبن وانتظر تغيرات ومصالحات وشي مميز بعد نطرة طويلة..
عاطفياً:بعد عن شريك بنهارك وحاول لا تصطدم معو واجل اي لقاء وخفف اتصالات على الاقل بفترة نهارك وحاول يكون كلو المسا لتبادر بشي او يصير صلحة او ماشابه ذلك المسا انت منيح لتفتح صفحة جديدة وتعيش جو رومنسي وعلاقة حميمية وعندك الجرئة لتغامر كمان .. بتخف معاناتك العاطفية وتقضي وقت في تفاهم بالاساسيات ووقت حلو رح تقضي وقلبك بدق من جديد وممكن المرتبط عندو سهرة وبغير جو .. العشرية الاولى فكر بمصالحات لان وضعك متوتر اكتر.
صحياً:خفف مشروبات غازية وتدخين واركيلة فقد تسبب لنفسك مشاكل صحية بالفم والبلعوم وضيق تنفس وهاشي بسبب حساسية او كريب للبعض

العقرب ♏
مهنياً:العشرية الاولى قصص عائلية وثانية وثالثة تنقلات وسفر واتصالات .. خلص امورك المهمة بنهارك والمسا بدك تهدي الحظ بساعدك بهاليوم وطاقة موجودة فيك تعمل تنقلات وتفاهمات وحركة وحرية ولا تأجل شي .. يوم لتتعلم في شي جديد وتطلع وتعمل تنقلات وتشوف ناس بتحبا .. وامور بتخص عقار او تجهيز وممكن تصليحات بتقوم فيها .. المسا عم تطرأ امور عائلية عم تتعرقل جهود بالاتصالات او تأجيل لشيء ما او مشوار وحاول تكون هادي ضمن بيتك وعائلتك حتى ماتسبب بمشاكل هدي وروق ولتزم بيتك بعيد عن نقاشات ونق زايد ..
عاطفياً:بحاجة لفهم الشريك اكتر وبلا ماتكبرا اكتر .. امورك منيحة وتتطور بعلاقتك ولقاءات حلوة واتصالات حاول تكون قريب من الشريك وتقضي وقت طويل معو وبحدو واذا في شي زاعجو وعاملو قلق هدي الوضع ولا تهملوا لان يومك منيح أستغلوا باوقات حلوة واتصالات او نقاشات تهدي فيا الوضع والمسا تغيرات لصالحك .. بس العشرية الثانية هدي بعلاقتك اكتر مع الشريك ..
صحياً:تعبان ومتوتر واعصابك ماعم تخليك تتحمل حدا روق ولا تخلي هاشي يأثر عليك صحياً احسن ماتوقع بأزمة صحية ..

القوس ♐
مهنياً:العشرية الاولى تنقلات وسفر ولقاء وثانية قصص مالية وثالثة جهز الاختبار … مال بنهارك والمسا اتصال ولقاء وخبر مهم .. نتبه لكلامك ونقاشاتك مع محيطك او المسؤول عنك رغم انت احيانا عم تحمل القصص اكتر مابتستاهل ممكن شغل جديد وكتير رح يشغل تفكيرك هالفترة.. بتتعامل بالمال بين قبض ودفع وعم تحسب شو الك وشو عليك .. المسا امورك افضل عندك تطورات بعلاقاتك واتصالاتك وتحسن تدريجي وناس بحدك وسهرة وافكار جديدة وخبر حلو وقصة عقارية وتجارية للبعض وممكن تجهز لسفر ..
عاطفياً:تتطورات بعلاقتك ومفاجئة حلوة وممكن لحظ بساندك بهيك يوم لتوصل وتحقق تفاهم عاطفي بس بدي منك تكون هادي بنقاشاتك ولا تكبر القصص بلاخص المسا وحاول تستوعب الشريك قد مافيك وكلشي ممكن يتغير بس بهدوء وشوية دبلوماسية… والعشرية ثالثة بتشغلك امور عاطفية اكتر وحب ..
صحياً:لازم تغير روتين حياتك وبلاخص اي شي ممكن يعود على صحتك بتحسن

الجدي ♑
مهنياً:العشرية الاولى قصص مالية وثانية وثالثة تغيرات مهمة واخبار منيحة .. بنهارك حظ وطاقة وتغيرات ايجابية والمسا قصص مالية .. خلص المهم وضروري بيومك ولا تأجل شي الحظ معك وداعم الك عندك حركة وتنقل وبتكون مقنع من الكل ناس كتار وجديدة مشغول بالك ببعض القرارات خفف من تفكير السلبي والحيرة ولازم تحسم امورك بسرعة .. انت بحاجة لراحة برغم طاقتك الأيجابية وفرصة لتحل مشاكل وتغير روتينك .. من المسا عندك مفاوضات وتتطورات ونقاشات بخص شغل او ناس عم تتواصل معك وممكن فرصة لتحقق مال او ممكن يوصلك انفراج بشيء مالي او اتصال مهم بخص مال او حوالة وممكن بحاجة للمال لدفع على امور صحية ..
عاطفياً:استغل فترة لنهار بتكون جذاب وملفت لنظر وتحل مشاكل كانت متعبتك عم يكون في اتصال او لقاء وفتح قنوات جديدة لمصالحات لهيك اي شي بدك تعملو خلي بنهارك .. المسا عم يكون في تردد ومزاجية وماعم تقدر تبادر بشي ممكن البرود يسيطر على وضعك او انت عم تكون بعيد عن الاجواء العاطفية المسا ..ركز منيح وبادر بحلول جذاب وحليان بنهار فاستغل هاشي فترة المسا بلاخص اصحاب العشرية الثانية ..
صحياً:شيء طارئ صحياً وانت امام فرصة لتغير الواقع وتكون افضل مما كنت بس لا تتشائم ..

الدلو ♒
مهنياً:العشرية الاولى قصص مالية بتشغلك وثانية لقاءات واتصالات واجواء افضل وثالثة شي مهم عندك .. في تعب وضغط من محيطك وعلاقات كتيرة ومو مرتاح بنهارك تطورات ايجابية وامورك افضل لمسا بس بدي منك تتجنب ناس الي عم تعبك او نزاعات والمشاكل مع رفقاتك او مع حدا بعيلتك حاول لا تتسرع او تبدء شي مهم نتبه من الاستفزاز وطلباتك او اي شي مهم اجلو للمسا تتطور نسبي المسا بين اتصالات وتواصل ونقاش مهم وايجابي لتصل وتنجح بشي بدك ياه وبنسمع خبر حلو وعندك اهتمامات شخصية وتغيرات بشكل وبالمظهر وبتشوف شخص غالي عليك وممكن شي معنوي ..
عاطفياً:المرتبط بعدو نهارك تعبان وشريك مطنش وماعم تقدر تتوقع منو شي والبعض بدي ياك تهدي احسن ما تكبر القصة وتروح لمكان مسدود ..المسا مستجدات وظروف جيدة واخبار مهمة وحلوة وتحسن ايجابي بعلاقتك نحو الافضل والاعزب القلب ببلش يدق من جديد هاليومين ..
صحياً:حاول تبتعد عن المنبهات وخفف سهر وبلاخص بعض المشروبات الكحولية وتدخين مشاكل البلغم والبلعوم والمعدة ممكن تكون مؤثرة ..

الحوت ♓
مهنياً:العشرية الاولى علاقات اجتماعية وثانية لقاء او اتصال مهم والثالثة قصص عاطفية .. يوم منيح تطورات بعلاقاتك وممكن تبدا شي جديد حتى عندك فرصة لتناقش شغل او عمل وتطورات وانجاز ممكن تحققه واخيراً ممكن تلاقي تقدير لجهودك .. بتشوف حدا غالي عندك وبتوصل لشي بدك ياه .. والمسا ممكن في شي طارئ يسبب قلق او تأجيل او مشكلة مع صديق فحاول تروق وتغير جو وتنتبه على وضعك الاجتماعي واستغل الاجواء لسهرة وتكون دبلوماسي ..
عاطفياً:امور عاطفية بتشغلك ومابتعرف شو بدك وعندك حيرة وتردد واقع بين نارين نتبه من التسرع بهيك وقت ولا تحسم شي .. يوم متقلب غير ثابت بعلاقتك العاطفية حاول تستوعب الامور ولا تكون عنيد وتراهن على اي شي بعلاقتك وحاول تعمل تسويات وتكون قريب بجميع علاقاتك وفي شي ناطرك أكيد بس حصن حالك بالهدوء ونتبه لردود افعالك وفيك تغير جو وتشوف حدا غالي او شريك او عبر اتصال وفي حدا زعلان والمسؤولية على عاتقك كبيرة المسا حرك حالك .. العشرية الثالثة حاول تحسم امورك ولا تفكر كتير ونتبه من علاقات حميمية.
صحياً:اهتمام صحي ولازم تكتر شرب ماء هالفترة وتبتعد عن دسم ونشويات..العشرية ثانية نتبه على صحتك اكتر من هيك ..