قراءة الأبراج فضول وتسليه .. ليس إلا _ الأربعاء 26/8/2020

الحمل ♈
مهنياً:القمر بالقوس المريخ ببرجك مستجدات جديدة وحظ وطاقة استغل الوقت وخلص واجباتك بشغلك وعندك اهتمام عائلي وشخص بتحبو.. مدعوم من الفلك وامور ايجابية حاول توظف طاقاتك لتطوير شغلك وتستفيد من اي فرصة ليوم لتنجح وتوصل لشي بدك ياه .. قصة جديدة بهيك يوم وممكن مردود مالي وفي اتصالات كتيرة وناس حواليك وجديدة وتنقلات او ممكن سفرة قصيرة وفي تقدير لجهودك وبتلاقي مين عم يقدر تعبك ومردود مالي وشي بخص دراسات العليا عند البعض ..
عاطفياً:تحسن عاطفي والاعزب جهز حالك لارتباط او خطبة بلايام الي جاي .. يوم حلو ومميز لتقدر توصل كلامك وتطور علاقتك وتستغل اي فرصة لتقضي وقت حلو ورومنسي واتصالات طويلة وشخص جديد .. حاول تستفيد من تجاربك سابقة بلاخص على هذا صعيد وخليها درس ألك بأي علاقة قادمة ..
صحياً:بعد عن ناس السلبية الي عم تعبك صحياً وفكر بطرق افضل لترتاح وممكن صدفة حلوة على صعيد صحي ..

الثور ♉
مهنياً:القمر بالقوس بحاجة للمال عندك دفع وبحاجة لحلول بسرعة .. عم تكون مضغوط مالية وبحاجة لتسديد ديون وضرائب او لتمويل وشراكة ..يومك في دعم على صعيد الحلول لمشاكل تعبتك وشاغلتك لان بتوقع انو امورك رح تبلش بتحسن تدريجي وبتخف عنك بعض ضغوط والمسؤوليات وفي تفائل نشالله .. وفيك تعمل مصالحات بس لا تخلي تردد يأثر عليك او تتأخر ببعض الاوراق والاتفاقيات او دين او ضريبة طاقتك ايجابية أستغل هاشي لصالحك ومفاجئة حلوة قريبة بتكون لصالحك ..
عاطفياً:ممكن بيحملك هاليوم كلام ونقاشات كتيرة لكن الفلك ممكن يوفرلك أرضية مناسبة لتطلع من مشاكلك بأقل الأضرار وتلاقي حالك بوضع افضل من قبل .. تحسن منيح بعلاقتك حتى عندك اندفاع وعاطفة عم تبين وفي شوق ممكن لشخص قديم او بعيد عنك بعود نشالله ..
صحياً:الحذر من نوعية طعامك حتى لا تتعرض لمشاكل صحية وبلاخص المعدة وممكن مشاكل جلدية.

الجوزاء ♊
مهنياً:القمر بالقوس خليك حذر بعلاقاتك وبشغلك وعلاقات ضعيفة عم تنتهي .. طاقتك سلبية والحظ ماعم يحالفك بشكل المطلوب .. بدك تنتبهلي لكلامك وجدالاتك مع المقربين او بشغلك .. حاول تهدي انت مدايق من قصة صارت معك مابدي هاشي يأثر على الجو العام لانك كتير متوتر وعصبي ومتسرع وممكن ناس ماتفهم قصدك منيح روق ولا تاكل هم لامور بتتحسن وممكن يحملك شي جديد او شراكة عاطفية او مهنية ..
عاطفياً:علاقات عاطفية عم تنتهي والاعزب شراكة جديدة .. حافظ على علاقتك وحسن وضعا ودير بالك من الكلام او الي عم يحاول يسبب مشاكل عاطفية الك .. الوضع العاطفي عم يشغلك يمكن ماعم توصل لنتيجة او ماعم تقدر تفهم طرف تاني في تفكير بوضعك وعلاقات متوتر .. فرصة عند البعض ليصير ارتباط جديد او لقاء حميمي …
صحياً:بتعاني من وساوس بوضعك صحي الك او لحدا من اهلك مابدا كل هالقد وريح حالك .

السرطان ♋
مهنياً:القمر بالقوس شغل ومسؤوليات وأهتم شوي بصحتك ولا تجهد حالك .. عندك شغل كتير وماعم تلحق والوقت ماعم يساعدك حتى المسؤوليات وضغوط بتحسها عم تكتر وماعم تلحق رتب أمورك ونظم وقتك وتأقلم مع الوضع بدون ماتتحسس من شي او تنفعل بعيد عن تردد والمزاجية المتقلبة .. قصة بشغلك وممكن شغل او اتفاق ونتبه هاضغوط تأثر على صحتك وضب ايدك مالياً صح بيجيك مال بس المصاريف عم تكبر والوضع عم يتعبك وقصة دين ممكن تشغل البعض ..
عاطفياً: اعجاب وصدفة حلوة بهاليوم والاعزب افضل .. المرتبط امورك مو مرتاحة وحاسس حالك عم تعيش حالة من تشتت وضياع وشريك ماعم يفهم عليك وفوق كلشي عم يزيد الوضع تعقيد وانت بدك بس لترتاح من ضغط العاطفي لان من حقك ترتاح وعالقليل تعيش اجواء حلوة واستقرار ولو لفترة بنصحك تروق لان ضغط هالفترة ورح يزول ..
صحياً:في شفاء من مرض بس كمان البعض لازم ينتبه على صحتو من وعكة وفي شوية توتر وقلق ماعم يخليك ترتاح..

الأسد ♌
مهنياً:القمر بالقوس عاطفة ومال وقصص اطفال او انجاب عند البعص .. بحالفك الحظ اليوم والقمر داعم الك باخبار حلوة وعلاقات اجتماعية واتصالات وحل لمشاكل وممكن فرصة مهمة قريباً بخصوص شغل ومصالحات ..يوم منيح لتطلع من وضعك تدريجي وتلاقي حلول لمشاكلك والحظ بيدعمك وبتلاقي انو الوضع بلش يتحرك رغم انو غير كافي لاكن افضل من الايام الي راحت وفرصة بهيك يوم لتحسن مهني مالي وسهرة ولمة حلوة لمهم تفكر بكلامك منيح قبل مايطلع…
عاطفياً:أجواء عاطفية مميزة وامورك بتبلش تتحسن نحو لأفضل عندك طاقة وعاطفة واندفاع بهيك يوم وممكن تكون بصحبة الشريك عبر لقاء او مشوار او ممكن اتصالات طويلة بتجمعك فيها عاطفة وحب ورغبة بالمغامرة حتى البعض ممكن يرجع يتواصل مع حب قديم والاجواء عم تكبر اكتر قدر هاشي وفكر بمصلحتك .. والاعزب امورك افضل بعلاقة جديدة او اعجاب.
صحياً:صحتك بحاجة للاهتمام وراحة ولا تهمل اي عارض الك او لحدا بعيلتك..

العذراء ♍
مهنياً:القمر بالقوس برغم عندك طاقة بس المشكلة بالوضع الي حواليك عم يأثر فيك فحاول بهيك يوم انك تتمتع بثقة وتضل نشيط وماتفقد طاقتك على امور مو مستاهلة او قصص بتخص حدا مقرب منك لازم تستغل الوقت لتخلص شغلك بكير وتنتبه لانو ممكن يصير اي طارئ تعامل معو بهدوء وروية ولا تنفعل وتعصب وبلاخص بالامور العائلية .. كمان في فرصة حاول لا ضيعها من ايدك اليوم وتنقلات عندك وعقار بيشغلك …
عاطفياً:روق ولا تهتم لحدا ولا تكبر الامور اكتر من حجمها ويمكن الشريك ماعم يريحك واليوم في شي عم يكركب الوضع وعم يخلي علاقتك العاطفية في تراجع ..نتبه من كلام ناس وطنش وعيش عفويتك ومرقلي هاليومين على خير ولا تاكل هم امورك فيها تحسن كبير لمهم تبقى واثق بحالك ..
صحياً:انت بحاجة لراحة ونتبه تجهد حالك وجسمك كتير بحاجة لراحة هالفترة وتتخلص من ضغط نفسي

الميزان ♎
مهنياً:القمر بالقوس مصالحات ودعم واتصالات او لقاءات مهمة .. انت قادر توصل وتقنع برأيك وتفكيرك عم يكون بمحلو وفي مساعدة بيومك بنصحك تضبط أعصابك منيح حتى ماتخسر شي .. استغل حضورك المميز وجاذبيتك لتقلب كلشي لصالحك وفرصة لتنقلات او سفر قصير وقصة عقار بيشغلك واجواء ولقاءات حلوة بتكون مميز فيها بس نتبهلي من بعض الاعطال والحوادث ..
عاطفياً:عندك اطلالة حلوة وبتقدر تجذب الكل وحضورك مميز وفيك تعمل تغييرات بشكلك وتغير برستيجك .. حاول تستغل هاليوم بكلشي حلو لتقدر تأثر على الشريك وبعلاقتك في وحاول تظهر عاطفتك وتقضي وقت بلقاء او اتصال ومصالحات .. حتى عم تكون عيون ناس عليك والبعض ممكن يحاول يتقرب منك او يطلب منك ارتباط بس نتبه لا تتسرع حتى ماتسبب لنفسك مشاكل وحافظ على سمعتك من القيل والقال ..
صحياً:بحاجة تحافظ على صحتك ولا تجهد حالك ممكن شوية تعب وارهاق وهاشي طبيعي .

العقرب ♏
مهنياً:القمر بالقوس مال بيشغلك وبتعيد حساباتك ومصاريف عندك ضب ايدك .. انت بحاجة لموارد جديدة لتحصل على المال بهالفترة .. حركتك مقيدة سبب ممكن بعض الاعمال وضغوط بدي منك لا تخالف بهيك يوم ضعيف الحظ ولا تعمل مشاكل مع المسؤولين او مدراء ومقربين وبلاخص اذا كان الوضع مفروض فرض .. أبتعد عن تحديات والمشادات الكلامية ونقاشات الي ممكن تتطور وشخص غالي في تواصل او لقاء وخبر عن حدا بخصك .
عاطفياً:مو عابعضك وحاسس بنقص .. حاول تركز منيح لتبقى امورك تمام وتحسن الوضع او تبادر لحلول وفرصة للقاء مهم مع شخص مميز او اتصال عن طريق صدفة او توقع بأعجاب شخص وهاشي عم يخليك تتغير وقلبك يدق من جديد بس شوي شوي ولا تستعجل بقراراتك لان بحاجة لتفكير او لتلاقي حل لامورك العاطفية بالفترة جاي ..
صحياً:صح عم تكون متأخر بامور صحية لكن كلشي بوقتو حلو ولازم قرارات او حمية على صعيد صحي
القوس ♐
مهنياً:القمر ببرجك المريخ بالحمل .. عم تستعيد طاقتك وعم تطلع من وضعك ومن الايام الحلوة الي الحظ معك وبساعدك حتى ممكن تلاقي ناس او رفقات بحدك وممكن تتلقى مساعدة اذا كنت محتاج .. في حلول لمشاكل وقضايا وبتتلقى خبر منيح وبيمنحك تفائل .. الغشاوة وضبابية بتروح وبتتوضح كتير امور قدامك حاول تنطلق من جديد ولا تهتم لشي مضى اجواء حلو وفرصة لقبض مالي وسهرة مميزة وسفر قصير هاليومين .
عاطفياً:عندك سحر وجاذبية وبتأثر ع الكل انت عم تميل لتغيير بوضعك العاطفي او لتبدا شي جديد .. ولبعض عم يكون متردد ومتحفظ للوضع وماعم يعرف شو بدو وعم يوقع بحيرة استغل هاليوم لتقدر تعمل تصحيح لمسار العلاقة وتطور عاطفي او ليكون في مصالحة وفرصة لتبدأ حب جديد واعجاب من الجنس الأخر وممكن تتواصل مع شخص قديم ..
صحياً:صحتك بحاجة للاهتمام ونتبه من اي عارض صحي او من الحوادث .

الجدي ♑
مهنياً:القمر بالقوس خلص شغلك بكير ولا تتأخر لان في قصص بدا تشغل بعلاقتك مع حدا مهم او مسؤول او مدير لا تكون عنيد ويومك بحاجة للمسايرة ودبلوماسية لتقدر تحل امورك ومشاكلك .. لا تتأخر عن شي ظروف غير مواتية لتصعيد جديد .. في تنقلات كتيرة وممكن سفرة بتشغلك او تنقل قصير .. خفف عصبية وانفعال ولا تستسلم ولقاء مع شخص مهم قريباً ومكافئة ناطرتك لامور للافضل بس خلص المهم عندك هاليوم لترتاح ..
عاطفياً:تشتت افكار وضياع بكتير امور ومحتار شو بدك تسوي او تختار وتفكير ماعم يخليك تركز .. انت لازم تحسم امورك وتلاقي حل ولا تخلي ضبابية تسيطر عليك لتوصل لفكرة منيحة او مفيدة وبلاخص اذا شريك غير مبالي او ماهمو شي ولا عم يقدر الوضع .. ولبعض عندو تتطور بعلاقات أخرى واجواء فيها اتصالات ولقاءات وحميمية ..
صحياً:بحاجة لتنتبه على صحتك بشكل كبير ولازم تعمل حمية غذائية ..

الدلو ♒
مهنياً:القمر بالقوس امورك افضل وفي تحسن نسبي علاقات وناس جديدة وثقة بترجعلك من جديد .. امورك بتتحسن وبلاخص انو كتير ناس عندا ثقة فيك وبحاجة الك ممكن مساعدة بيومك او حدا بدك تساعدو .. وما عم تقصر مع حدا تحسن وضعك نفسي افضل هاليومين وممكن تنعزم لعزيمة او سهرة اولمة حلوة ومال بيومك بيشغلك او عم تفكر بقصص مالية واذا بدك مساعدة فيك تطلب.
عاطفياً:من الايام المميزة الي بتكون جذاب وساحر
بعد تعب عاطفي لفترة منيحة سابقة علاقتم عم تمر بفترة اختبار حافظ عليها ..و الحظ عم يدخل بيومك لتلاقي حلول .. يومك حلو مميز نشاط عاطفي وطاقة واتصالات عم ترجع وتواصل افضل على مستوى العاطفة ورومنسية أستغل هاشي لتتطور علاقتك وتحصل على شي لبدك ياه..
صحياً: نتبه من مشاكل عم تتعرض الها صحية لكن الحل الأكثار من شرب الماء وسوائل هالفترة .
الحوت ♓
مهنياً:القمر بالقوس يوم اجتماعي متعب وعندك شغل ونتبه للقيل والقال او الي عم يحاول يفشلك .. نتبه من الغلط اليوم كون دقيق لانك متوتر وقلق عندك اختبار او موضوع وقصص بدا حسم ولا تأجل شي بيومك عليك ان تكون جاهز وذكي وركز منيح لتقدر تتجاوز هالأزمة او القلق .. موضوع مهم لا تكون متشنج وهدي حالك مشان تقدر تنجح ولا توقع بأخطاء حتى ماتتعرض للوم او تخسر شغل او صديق ونتبه لبعض الاعطال ضمن بيتك وبموبايلك او اذا عندك سيارة والبعض ممكن يفوت بشغل جديد او ناطر وظيفة ..
عاطفياً:عندك حسم وتطورات بالعلاقة بس نتبه الحظ مو معك بدي منك تكون هادي بنقاشاتك او اذا كان في لقاء لا تكبر القصة وتعمل من الحبة قبة .. خليك حذر وانا بعرف انك ذكي وبتقدر تمرق حالك .. تنازل شوي ولاتعند ظروف صعبة وبدا مسايرة لتتجاوز هالوضع وتهدا امورك .. بس البعض عم يميل للقاءات وعلاقات متعددة ومنها حميمية ..
صحياً:حاول تريح حالك ولا تشك او تتوهم امور ماموجودة الحالة نفسية كتير مهمة ليتحسن وضعك صحي ومارس بعض الانشطة الرياضية ..