قراءة الأبراج فضول وتسليه .. ليس إلا _ الأحد 23/8/2020

💕 الحمل ♈
مهنياً:شراكة وشغل وجمعيات والمال عم ياخد وقت منك .. عم تعاني ضغوط بنهارك وعم تتحمل مسؤوليات لحالك وفوق طاقتك وعم تزعجك بعض تصرفات وقلة الاهتمام وبلاخص من الشريك سواء عاطفي او مهني عم تكون متردد بالقرارات وعصبي وصوتك طالع وممكن مهام جديدة وشغل .. انت افضل تحسن تدريجي وبتنجح بشغلك و تسدد بعض المستلزمات وديون وبتحصل على مال من شراكة او ميراث او زيادة مدخولك اليومي ..
عاطفياً:نتبهلي على وضعك بنهار لان في شوية حذر وممكن سوء تفاهم والوضع بدو تركز منيح في طروحات وممكن بعض الامور تكبر هدي و بنصحك تنتبه منيح بنهارك بس لبعد ضهر في اتصالات وفي لقاء والاجواء بتكون المسا افضل وحلول وتفاهمات ومصالحات ورومنسية عندك ..
صحياً:وعكة صحية خفيفة نتبه لنفسك وبتعد عن ضغوط والأجواء سلبية.

💕 الثور ♉
مهنياً:مسؤوليات ولقاءات واتصالات وقصص شراكة عندك ..حاول تستغل لامور صبح ولا تأجل شي لمستجدات بتكون لصالحك وقصة حدا من اهلك عم يشغلك وضعو او صحتو وعم ياخد وقت منك نظم امورك ولا تكون خمولي قصص شراكة رح تشغلك او بعض شراكات ممكن تبتعد عنا بلاخص الي مارح تجيب نتيجة لان بتحس بعض ناس بدا تستغلك وناطرتك على غلط والبعض عندو فرصة ليفوت بشراكة مالية او مهنية .
عاطفياً:عم تعاني قلة اهتمام وعدم فهم الامور وشريك عم يسبب مشاكل او بتحس عم يتقصد هاشي وعلى ابسط الأمور ممكن تصير مشكلة والوضع في حساسية وامر طارئ روق حتى ماتنهي علاقتك او تسبب بتوتر على شي فاضي .. البعض بتم شراكة عاطفية وارتباط وقصة خطبة .. والبعض ناطر شي من شريك ونشالله بصير ..
صحياً:نتبه لصحتك بهيك يوم متقلب ولا تيأس انت محتاج للأنتباه على وضعك وتكون قد المسؤولية وبحاجة لتخفيف الوزن ..

💕 الجوزاء ♊
مهنياً:خلص شغلك بكير ونتبه صحياً .. خلص شغلك وامورك المالية بنهارك ولا تأجل شي لحظ بكون معك وبتتخلص من كذا قصة شغليتك وبتحل بعض المشاكل بيومك .. في صرف مالي وفرصة لتقبض يومك بحاجة ترتيب وتنظيم وعندك تراكم اعمال وقصة بتخص شغلك او ضمن بيتك في لقاء وممكن تبني عليه امال حاول طالب بحقوقك وبعض القصص العقارية عند البعض وشغل جديد ..
عاطفياً:تحسن عاطفي صدفة ولقاء وشخص جديد ..
تبادل للمشاعر وبعض العلاقات عم تطور تحسن بلاجواء وخبر حلو أو قديم بعود .. نتبه من العلاقات الي مارح تجيب نتيجة وحاول ماتفوت بنقاشات ومواجهات لحتى تستقر امورك هالفترة ونتبه من المقربين منك نصيحة الك او من عمل سحر تفريق ..
صحياً:نتبه من المأكولات المشربة بزيوت والمقالي وحاول تتخلص من لاجواء سلبية ولا تعصب وروق لترتاح

💕 السرطان ♋
مهنياً:الامور لصالحك ومال وقصص اطفال وعاطفة ورومنسية .. بتعاني شوية ضغوط ببيتك وبشغلك وقصص عقار انت بحاجة لحلول وبتنشغل بحدا ببيتك حاول تروق وتهدي لان امورك بتجاه تحسن و انت افضل لترجع طاقتك ويزيد حظك .. حرية وحركة واتصالات وحلول لقصص مالية وممكن في قبض و لقاء واجواء اجتماعية حلوة .
عاطفياً: بحاجة لاندفاع وعدم تردد وتقارب بصير .. بعد توتر وتعب وعانيت من سوء تفاهم وقلق لامور عم ترجع ..تدريجي يومك بيشهد تقارب وحلول لوضعك ومصالحات بتزيد ثقة والعاطفة عندك والعين عليك وتطور بالعلاقة حتى شخص ممكن يتقرب منك او ارتباط واعجاب بيكبر ..
صحياً:بدي منك تعطي صحتك الوقت الكافي والاهتمام حتى ماترجع توقع ..

💕 الأسد ♌
مهنياً:اتصال مهم او خبر وقصص عائلية بتشغلك وحكي كتير بدك تحكي .. استغل وضعك قد مافيك ممكن قصة سفر بتشغلك صبح ولاوضاع بتكون افضل رغم عم تعاني من جواتك عدم راحة وبتحس ماحدا عم يفهم عليك ولا بيعرف شو بدك .. اتصال حلو ومهم او اختبار .. قصة عائلية او شي عم يعود من جديد وممكن قصة حدا من اهلك بتشغلك او عم تناقش فيها ولازم تلاقي حل لبعض القصص بالعيلة الي صار بدا حد او تحسمها ونشالله لصالحك ..
عاطفياً:عندك عتب ومانك مرتاح وبتحس الكل عم يدخل بالوضع او عم تعاني من المصالح وعم تكشف المواقف صدق كلامك واحساسك الي بمحلو .. حاول لا تحسم امورك وخلي مجال تفاهم وخط لرجعة خليك واثق بحالك ومن قراراتك .. في تغيير بوضعك بتتحرر من قيود والبعض الأجواء بتكون افضل والامور بتنقلب لصالحك وناس عينا عليك ومعجبة فيك بدي منك تستغل الفرص لصالحك هاليومين ..
صحياً:مشاكل الاعصاب والمعدة ممكن تظهر عندك ونتبه من الحوادث وريح حالك ونام منيح

💕 العذراء ♍
مهنياً:يومك بيشغلك المال و بتفكر بسفر وقصة عقار او اختبار .. عم تعاني من ضغوط وماعم تلحق ومصاريفك كبرت على مستلزمات وشراء او بيع وتصليحات وحوالات.. عم تنشط اكتر و قادر توصل وتنجح وعندك علم جديد او عم تجهز لاختبار او امتحان فيك تسافر هاليومين اذا ناوي واتصال مهم او موعد ومشوار وعزيمة وقصة بتخص الاطفال عم تشغلك .
عاطفياً:حاول لا تدخل بأجواء عصبية او حدا يستفزك
بلاخص ناس المقربة الي بوجهين خليك حذر بتعامل ونتبه لردة فعلك .. مستجدات حلوة وتقارب ومشاعر رومنسية افضل حتى البعض في اعجاب عندو .. وممكن مشوار او سفرة مع الشريك هاليومين يومك منيح ولاجواء مميزة ..
صحياً:بترتاح صحياً ونفسياً بلاخص الي كان عم يعاني مرض نفذ تعليمات طبية بس ..

💕 الميزان ♎
مهنياً:عندك طاقة استغلها لتخلص المهم وضروري ومن وبتشغلك قصص مالية .. استغل الفرص في امور منيحة عندك وتحسن ايجابي بتقدر تحل بعض مشاكلك وتتخلص من قصة تعبتك مبلش بطاقة وناس حدك وناوي تعمل تغييرات حرية وحركة ونشاط وتنقل .. وقصص مالية بين دفع وقبض عيد حساباتك منيح وضب ايدك وفي قصة بدا تشغلك على الاغلب مالية او شراء او بيع وممكن تغير موبايل ..
عاطفياً:لاجواء منيحة نوعاً ما مرتاح نفسياً بلاخص الي مرتبط جديد اجواء واتصالات ومواعيد . المرتبط بشكل عام حاول تفكر بمصالحات او لترجع الامور متل ماكانت علاقتك بتمر بمرحلة اختبار مابدي ياك تتسرع وخليك حذر من اي سوء تفاهم حتى ماتدخل بأمور فيها شوية تعقيد وماتقدر تطلع منا شوية دبلوماسية ولين وبتلاقي حل ..
صحياً:بحاجة لجلب طاقة الايجابية لهيك لازم حدا يهتم فيك وتطلع وتغير جو وتشوف ناس بتحبا..

💕 العقرب ♏
مهنياً:حظ وطاقة وتغيرات شخصية ..اول نهارك مضغوط وتعبان وعندك امور مالية ودفع مستحقات او فواتير وكتير عم تعاني وعم تحسب شو الك وشو عليك وعم تستعجل لتخلص شغلك .. تدريجي بنهارك انت افضل طاقتك بتتحسن ومستجدات وتسويات وكتير وضعك بيتغير وخبر مهم واوقات حلوة عندك وفيك تعمل تغييرات وتعطي نفسك الاهتمام اكتر .
عاطفياً:لا تتسرع وتاخد اي قرار حاسم لا تخلي شي يأثر على علاقتك وبلاخص الي حواليك روق ولا تهتم لحدا.. جاذبية وسحر خاص و انت كتير منيح وتحسن بعلاقتك وعم يصير نقاش كتير وتفاهم وخبر حلو بريحك وفرصة للاعزب لتبدا شي جديد واعجاب متبادل ..
صحياً:بتبلش ترتاح صحياً حتى لو كانت نتائج بطيئة لا تاكل هم ..

💕 القوس ♐
مهنياً:بحاجة تخفف عصبية ولا تأجل شي بلاخص لامور المهمة بهاليوم ..انت متوتر ومانك مرتاح نفسياً نتبه من الاعطال وقصص بشغلك بدا وقت لتظبط بتحس انو في ضغط عليك كتير هدي حتى لا توقع بمشاكل او دفع مالي على امور مو مستاهلة وحاول لا تخلي حدا يستغلك ريح حالك هالكام يوم وأنطر تغيرات وحلول لمشاكل ادارية وقانونية .. امورك افضل اجتماعياً وأجواء حلوة ولقاءات وعلاقات مهمة وتحسن عم تنجح بشغلك وعندك القدرة وتركيز والمهارة لتوصل وتنجح تدريجي بيومك..
عاطفياً:عم تعاني عدم الاستقرار بوضعك العاطفي وبحاجة لحدا يفهمك وتفهمو ويمكن بعض ضغوط الاخرى عم تسبب برود بالمشاعر وعرقلة لا تعتب على الشريك وعيش يومك بعيد عن توترات والعصبية ولا تهتم لشي رغم تعبك وهمك .. لبعض بفوت بعلاقة جديدة واجواء حميمية وحب قديم عم يجي ع بالك ..
صحياً:نتبه على صحتك ولا تهمل حالك ونفذ تعليمات ونصائح وبعد عن ناس الي بتعصبك …

💕 الجدي ♑
مهنياً:عندك عراقيل وقصص بشغلك وبالمال عم تسبب قلق وتوتر بس روق ولا تاكل هم وكلو بينحل ..بحاجة تكون دقيق بشغلك وبعد حالك عن الاضواء هالفترة وخلي لامور تمشي بشكل طبيعي ساير وتفهم القلق الي عم يصير وكون جاهز لأي مهمة وخلص المطلوب منك لان عندك شغل كتير وبدك تخلصو .. انت افضل علاقات وناس جديدة وحدا غالي .. بترتاح من ضغوط بتكون اجتماعي واتصالات والبعض فكرت سفر عم تراودك هالفترة ..
عاطفياً:خفف شكوك واسمع وجهة نظر الشريك بلاخص بنهارك لا تتسرع حتى ماتوقع بمشاكل وقرار مو محسوب حسابو وضعك بحاجة لحلول بعيد عن تشنجات وتوترات وفكر بعقلانية وحكمة لان بعد ضهر لاجواء افضل لقاء او اتصال وتحسن بوضعك العاطفي وسهرة حلوة او عم تصالح اليوم اذا في زعل .. بس البعض نتبه من علاقات مارح توصلك لشي او عم تاخد طابع تسلية حاول تعرف شو بدك وتقرر منيح .. والبعض عندو علاقات سرية وحميمية ..
صحياً:بحاجة لحمية غذائية وتخفيف وزنك زائد اعتمد على الخضار وخفف اكل جاهز او دسم زائد

💕 الدلو ♒
مهنياً:تطورات وحركة واتصالات وتنقلات وعلاقات اجتماعية ويومك في كتير ناس .. عم تمر باختبارات بوضعك لهيك بدك تنتبه في ناس ناطرتك على غلط لحتى يشوه سمعتك وتوقعك بأخطاء .. ركز منيح بلامور القانونية والادارية ومعاملاتك وخليك دقيق .. عندك شغل جديد او قصة جديدة وناس ورفقات حواليك واتصال بتناقش في قصة شغل او مال ولقاء مهم ناطرك ..
عاطفياً:القلب ماعم يريحك في تعب واستفزاز وعصبية وحاول لا تخلي شكوك تكبر او تاخد قرارات حاسمة بيومك خليك واثق بحالك وخليك صريح متل العادة لان شريك بتحسو عم يحاول يقلب الامور لصالحو .. نظم امورك وحاول تاخدها بتجاه الاستقرار وتهدئة .. وبعض علاقات صداقة ممكن تتحول لحب.
صحياً:عليك بالانتباه اكثر لصحتك ونتبه من تناول المسكنات والمضادات الحيوية لانها ممكن تخفف من مناعة جسمك..

💕 الحوت ♓
مهنياً:بتبلش ترتاح وتتحسن امورك .. قصص عم تشغلك صبح ممكن تكون مالية وعندك دفع وقبص وفي ضغط والبعض عم يحاول يستفزك بدك تروق يعني ولا تكبر القصة .. الحظ بكون معك طاقتك بترجعلك وحلول لعدة مشاكل او عرض جديد او تفاق ومصالحة بتجهز لسفر او مشوار واتصال مهم وفي ترقية وتقدير لجهودك قريباً وممكن مكافئة مالية وقصة مال او قضائية بتلاقيلها حل وبترتاح منها ..
عاطفياً: لامور بتبلش تتحسن جذاب وعاطفي ورومنسي .. عم تعاني تعب من تصرفات شريك وقلبك تعبان منو وماعم يفهم عليك حاول تهدي ولا تفقد ثقة حتى لا تخسر علاقتك وحبك اذا في لقاء او اتصال .. مستجدات جديدة عم تعيد نظر بعلاقتك وخبر حلو لصالحك وتحسن بلاجواء ولاعزب تعارف عن طريق صدفة او صداقة تتحول لأعجاب وحب ..
صحياً:كلشي بيعطيك الطاقة الايجابية عملو ولتفت لامور التسلية والمرح ونوم الكافي ..